Herodotus, The Histories, book 3, chapter 155

(헤로도토스, The Histories, book 3, chapter 155)

Δαρεῖοσ δὲ κάρτα βαρέωσ ἤνεικε ἰδὼν ἄνδρα δοκιμώτατον λελωβημένον, ἔκ τε τοῦ θρόνου ἀναπηδήσασ ἀνέβωσέ τε καὶ εἴρετό μιν ὅστισ εἰή ὁ λωβησάμενοσ καὶ ὅ τι ποιήσαντα. ὁ δὲ εἶπε "οὐκ ἔστι οὗτοσ ὡνήρ, ὅτι μὴ σύ, τῷ ἐστὶ δύναμισ τοσαύτη ἐμὲ δὴ ὧδε διαθεῖναι·

οὐδέ τισ ἀλλοτρίων ὦ βασιλεῦ τάδε ἔργασται, ἀλλ’ αὐτὸσ ἐγὼ ἐμεωυτόν, δεινόν τι ποιεύμενοσ Ἀσσυρίουσ Πέρσῃσι καταγελᾶν. ὃ δ’ ἀμείβετο "ὦ σχετλιώτατε ἀνδρῶν, ἔργῳ τῷ αἰσχίστῳ οὔνομα τὸ κάλλιστον ἔθευ, φὰσ διὰ τοὺσ πολιορκεομένουσ σεωυτὸν ἀνηκέστωσ διαθεῖναι.

τί δ’, ὦ μάταιε, λελωβημένου σεῦ θᾶσσον οἱ πολέμιοι παραστήσονται; κῶσ οὐκ ἐξέπλωσασ τῶν φρενῶν σεωυτὸν διαφθείρασ; ὁ δὲ εἶπε "εἰ μέν τοι ὑπερετίθεα τὰ ἔμελλον ποιήσειν, οὐκ ἄν με περιεῖδεσ·

νῦν δ’ ἐπ’ ἐμεωυτοῦ βαλόμενοσ ἔπρηξα. ἤδη ὦν ἢν μὴ τῶν σῶν δεήσῃ, αἱρέομεν Βαβυλῶνα. ἐγὼ μὲν γὰρ ὡσ ἔχω αὐτομολήσω ἐσ τὸ τεῖχοσ καὶ φήσω πρὸσ αὐτοὺσ ὡσ ὑπὸ σεῦ τάδε ἔπαθον· καὶ δοκέω, πείσασ σφέασ ταῦτα ἔχειν οὕτω, τεύξεσθαι στρατιῆσ. σὺ δέ, ἀπ’ ἧσ ἂν ἡμέρησ ἐγὼ ἐσέλθω ἐσ τὸ τεῖχοσ, ἀπὸ ταύτησ ἐσ δεκάτην ἡμέρην τῆσ σεωυτοῦ στρατιῆσ, τῆσ οὐδεμία ἔσται ὤρη ἀπολλυμένησ, ταύτησ χιλίουσ τάξον κατὰ τὰσ Σεμιράμιοσ καλεομένασ πύλασ·

μετὰ δὲ αὖτισ ἀπὸ τῆσ δεκάτησ ἐσ ἑβδόμην ἄλλουσ μοι τάξον δισχιλίουσ κατὰ τὰσ Νινίων καλεομένασ πύλασ· ἀπὸ δὲ τῆσ ἑβδόμησ διαλείπειν εἴκοσι ἡμέρασ, καὶ ἔπειτα ἄλλουσ κάτισον ἀγαγὼν κατὰ τὰσ Χαλδαίων καλεομένασ πύλασ, τετρακισχιλίουσ. ἐχόντων δὲ μήτε οἱ πρότεροι μηδὲν τῶν ἀμυνεύντων μήτε οὗτοι, πλὴν ἐγχειριδίων· τοῦτο δὲ ἐᾶν ἔχειν. μετὰ δὲ τὴν εἰκοστὴν ἡμέρην ἰθέωσ τὴν μὲν ἄλλην στρατιὴν κελεύειν πέριξ προσβάλλειν πρὸσ τὸ τεῖχοσ, Πέρσασ δέ μοι τάξον κατά τε τὰσ Βηλίδασ καλεομένασ καὶ Κισσίασ πύλασ.

ὡσ γὰρ ἐγὼ δοκέω, ἐμέο μεγάλα ἔργα ἀποδεξαμένου, τά τε ἄλλα ἐπιτρέψονται ἐμοὶ Βαβυλώνιοι καὶ δὴ καὶ τῶν πυλέων τὰσ βαλανάγρασ· τὸ δὲ ἐνθεῦτεν ἐμοί τε καὶ Πέρσῃσι μελήσει τὰ δεῖ ποιέειν.

상위

The Histories

목록

일치하는 문장이 없습니다.

SEARCH

MENU NAVIGATION