헬라어 텍스트

Herodotus, The Histories, book 3, chapter 25

(헤로도토스, The Histories, book 3, chapter 25)

θεησάμενοι δὲ τὰ πάντα οἱ κατάσκοποι ἀπαλλάσσοντο ὀπίσω. ἀπαγγειλάντων δὲ ταῦτα τούτων, αὐτίκα ὁ Καμβύσησ ὀργὴν ποιησάμενοσ ἐστρατεύετο ἐπὶ τοὺσ Αἰθίοπασ, οὔτε παρασκευὴν σίτου οὐδεμίαν παραγγείλασ, οὔτε λόγον ἑωυτῷ δοὺσ ὅτι ἐσ τὰ ἔσχατα γῆσ ἔμελλε στρατεύεσθαι· οἱᾶ δὲ ἐμμανήσ τε ἐὼν καὶ οὐ φρενήρησ, ὡσ ἤκουε τῶν Ἰχθυοφάγων, ἐστρατεύετο, Ἑλλήνων μὲν τοὺσ παρεόντασ αὐτοῦ τάξασ ὑπομένειν, τὸν δὲ πεζὸν πάντα ἅμα ἀγόμενοσ.

ἐπείτε δὲ στρατευόμενοσ ἐγένετο ἐν Θήβῃσι, ἀπέκρινε τοῦ στρατοῦ ὡσ πέντε μυριάδασ, καὶ τούτοισι μὲν ἐνετέλλετο Ἀμμωνίουσ ἐξανδραποδισαμένουσ τὸ χρηστήριον τὸ τοῦ Διὸσ ἐμπρῆσαι, αὐτὸσ δὲ τὸν λοιπὸν ἄγων στρατὸν ἠιέ ἐπὶ τοὺσ Αἰθίοπασ.

πρὶν δὲ τῆσ ὁδοῦ τὸ πέμπτον μέροσ διεληλυθέναι τὴν στρατιήν, αὐτίκα πάντα αὐτοὺσ τὰ εἶχον σιτίων ἐχόμενα ἐπελελοίπεε, μετὰ δὲ τὰ σιτία καὶ τὰ ὑποζύγια ἐπέλιπε κατεσθιόμενα.

εἰ μέν νυν μαθὼν ταῦτα ὁ Καμβύσησ ἐγνωσιμάχεε καὶ ἀπῆγε ὀπίσω τὸν στρατόν, ἐπὶ τῇ ἀρχῆθεν γενομένῃ ἁμαρτάδι ἦν ἂν ἀνὴρ σοφόσ·

νῦν δὲ οὐδένα λόγον ποιεύμενοσ ἠιέ αἰεὶ ἐσ τὸ πρόσω. οἱ δὲ στρατιῶται ἑώσ μέν τι εἶχον ἐκ τῆσ γῆσ λαμβάνειν, ποιηφαγέοντεσ διέζωον, ἐπεὶ δὲ ἐσ τὴν ψάμμον ἀπίκοντο, δεινὸν ἔργον αὐτῶν τινεσ ἐργάσαντο·

ἐκ δεκάδοσ γὰρ ἕνα σφέων αὐτῶν ἀποκληρώσαντεσ κατέφαγον. πυθόμενοσ δὲ ταῦτα ὁ Καμβύσησ, δείσασ τὴν ἀλληλοφαγίην, ἀπεὶσ τὸν ἐπ’ Αἰθίοπασ στόλον ὀπίσω ἐπορεύετο καὶ ἀπικνέεται ἐσ Θήβασ πολλοὺσ ἀπολέσασ τοῦ στρατοῦ·

ἐκ Θηβέων δὲ καταβὰσ ἐσ Μέμφιν τοὺσ Ἕλληνασ ἀπῆκε ἀποπλέειν.