Herodotus, The Histories, book 3, chapter 34

(헤로도토스, The Histories, book 3, chapter 34)

τάδε δ’ ἐσ τοὺσ ἄλλουσ Πέρσασ ἐξεμάνη. λέγεται γὰρ εἰπεῖν αὐτὸν πρὸσ Πρηξάσπεα, τὸν ἐτίμα τε μάλιστα καί οἱ τὰσ ἀγγελίασ ἐφόρεε οὗτοσ, τούτου τε ὁ παῖσ οἰνοχόοσ ἦν τῷ Καμβύσῃ, τιμὴ δὲ καὶ αὕτη οὐ σμικρή· εἰπεῖν δὲ λέγεται τάδε. "Πρήξασπεσ, κοῖόν με τινὰ νομίζουσι Πέρσαι εἶναι ἄνδρα τίνασ τε λόγουσ περὶ ἐμέο ποιεῦνται;

τὸν δὲ εἰπεῖν "ὦ δέσποτα, τὰ μὲν ἄλλα πάντα μεγάλωσ ἐπαινέαι, τῇ δὲ φιλοινίῃ σε φασὶ πλεόνωσ προσκεῖσθαι. τὸν μὲν δὴ λέγειν ταῦτα περὶ Περσέων, τὸν δὲ θυμωθέντα τοιάδε ἀμείβεσθαι.

"νῦν ἄρα με φασὶ Πέρσαι οἴνῳ προσκείμενον παραφρονέειν καὶ οὐκ εἶναι νοήμονα· οὐδ’ ἄρα σφέων οἱ πρότεροι λόγοι ἦσαν ἀληθέεσ. πρότερον γὰρ δὴ ἄρα, Περσέων οἱ συνέδρων ἐόντων καὶ Κροίσου, εἴρετο Καμβύσησ κοῖόσ τισ δοκέοι ἀνὴρ εἶναι πρὸσ τὸν πατέρα τελέσαι Κῦρον, οἳ δὲ ἀμείβοντο ὡσ εἰή ἀμείνων τοῦ πατρόσ·

τά τε γὰρ ἐκείνου πάντα ἔχειν αὐτὸν καὶ προσεκτῆσθαι Αἴγυπτόν τε καὶ τὴν θάλασσαν. Πέρσαι μὲν ταῦτα ἔλεγον, Κροῖσοσ δὲ παρεών τε καὶ οὐκ ἀρεσκόμενοσ τῇ κρίσι εἶπε πρὸσ τὸν Καμβύσεα τάδε.

"ἐμοὶ μέν νυν, ὦ παῖ Κύρου, οὐ δοκέεισ ὅμοιοσ εἶναι τῷ πατρί· οὐ γάρ κώ τοι ἐστὶ υἱὸσ οἱο͂ν σε ἐκεῖνοσ κατελίπετο. " ἥσθη τε ταῦτα ἀκούσασ ὁ Καμβύσησ καὶ ἐπαίνεε τὴν Κροίσου κρίσιν.

상위

The Histories

목록

일치하는 문장이 없습니다.

SEARCH

MENU NAVIGATION