Herodotus, The Histories, book 3, chapter 52

(헤로도토스, The Histories, book 3, chapter 52)

τέλοσ δὲ ὁ Περίανδροσ κήρυγμα ἐποιήσατο, ὃσ ἂν ἢ οἰκίοισι ὑποδέξηταί μιν ἢ προσδιαλεχθῇ, ἱρὴν ζημίην τοῦτον τῷ Ἀπόλλωνι ὀφείλειν, ὅσην δὴ εἴπασ. πρὸσ ὦν δὴ τοῦτο τὸ κήρυγμα οὔτε τίσ οἱ διαλέγεσθαι οὔτε οἰκίοισι δέκεσθαι ἤθελε·

πρὸσ δὲ οὐδὲ αὐτὸσ ἐκεῖνοσ ἐδικαίου πειρᾶσθαι ἀπειρημένου, ἀλλὰ διακαρτερέων ἐν τῇσι στοῇσι ἐκαλινδέετο. τετάρτῃ δὲ ἡμέρῃ ἰδών μιν ὁ Περίανδροσ ἀλουσίῃσί τε καὶ ἀσιτίῃσι συμπεπτωκότα οἴκτειρε·

ὃσ ἐὼν ἐμόσ τε παῖσ καὶ Κορίνθου τῆσ εὐδαίμονοσ βασιλεὺσ ἀλήτην βίον εἵλευ, ἀντιστατέων τε καὶ ὀργῇ χρεώμενοσ ἐσ τόν σε ἥκιστα ἐχρῆν.

εἰ γάρ τισ συμφορὴ ἐν αὐτοῖσι γέγονε, ἐξ ἧσ ὑποψίην ἐσ ἐμὲ ἔχεισ, ἐμοί τε αὕτη γέγονε καὶ ἐγὼ αὐτῆσ τὸ πλεῦν μέτοχοσ εἰμί, ὅσῳ αὐτόσ σφεα ἐξεργασάμην. σὺ δὲ μαθὼν ὅσῳ φθονέεσθαι κρέσσον ἐστὶ ἢ οἰκτείρεσθαι, ἅμα τε ὁκοῖόν τι ἐσ τοὺσ τοκέασ καὶ ἐσ τοὺσ κρέσσονασ τεθυμῶσθαι, ἄπιθι ἐσ τὰ οἰκία.

Περίανδροσ μὲν τούτοισι αὐτὸν κατελάμβανε·

ὁ δὲ ἄλλο μὲν οὐδὲν ἀμείβεται τὸν πατέρα, ἔφη δέ μιν ἱρὴν ζημίην ὀφείλειν τῷ θεῷ ἑωυτῷ ἐσ λόγουσ ἀπικόμενον. μαθὼν δὲ ὁ Περίανδροσ ὡσ ἄπορόν τι τὸ κακὸν εἰή τοῦ παιδὸσ καὶ ἀνίκητον, ἐξ ὀφθαλμῶν μιν ἀποπέμπεται στείλασ πλοῖον ἐσ Κέρκυραν· ἐπεκράτεε γὰρ καὶ ταύτησ· ἀποστείλασ δὲ τοῦτον ὁ Περίανδροσ ἐστρατεύετο ἐπὶ τὸν πενθερὸν Προκλέα ὡσ τῶν παρεόντων οἱ πρηγμάτων ἐόντα αἰτιώτατον, καὶ εἷλε μὲν τὴν Ἐπίδαυρον, εἷλε δὲ αὐτὸν Προκλέα καὶ ἐζώγρησε.

상위

The Histories

목록

일치하는 문장이 없습니다.

SEARCH

MENU NAVIGATION