호흡부호 보기
강세부호 보기
장단부호 보기
작은 Iota 보기
모든 부호 보기
σέβονται δὲ Ἀράβιοι πίστισ ἀνθρώπων ὅμοια τοῖσι μάλιστα, ποιεῦνται δὲ αὐτὰσ τρόπῳ τοιῷδε· τῶν βουλομένων τὰ πιστὰ ποιέεσθαι ἄλλοσ ἀνήρ, ἀμφοτέρων αὐτῶν ἐν μέσῳ ἑστεώσ, λίθῳ ὀξέι τὸ ἔσω τῶν χειρῶν παρὰ τοὺσ δακτύλουσ τοὺσ μεγάλουσ ἐπιτάμνει τῶν ποιευμένων τὰσ πίστισ, καὶ ἔπειτα λαβὼν ἐκ τοῦ ἱματίου ἑκατέρου κροκύδα ἀλείφει τῷ αἵματι ἐν μέσῳ κειμένουσ λίθουσ ἑπτά· τοῦτο δὲ ποιέων ἐπικαλέει τε τὸν Διόνυσον καὶ τὴν Οὐρανίην. ἐπιτελέσαντοσ δὲ τούτου ταῦτα, ὁ τὰσ πίστισ ποιησάμενοσ τοῖσι φίλοισι παρεγγυᾷ τὸν ξεῖνον ἢ καὶ τὸν ἀστόν, ἢν πρὸσ ἀστὸν ποιέηται·
οἱ δὲ φίλοι καὶ αὐτοὶ τὰσ πίστισ δικαιεῦσι σέβεσθαι. Διόνυσον δὲ θεῶν μοῦνον καὶ τὴν Οὐρανίην ἡγέονται εἶναι, καὶ τῶν τριχῶν τὴν κουρὴν κείρεσθαι φασὶ κατά περ αὐτὸν τὸν Διόνυσον κεκάρθαι·
κείρονται δὲ περιτρόχαλα, ὑποξυρῶντεσ τοὺσ κροτάφουσ. ὀνομάζουσι δὲ τὸν μὲν Διόνυσον Ὀροτάλτ, τὴν δὲ Οὐρανίην Ἀλιλάτ.
호흡부호 보기
강세부호 보기
장단부호 보기
작은 Iota 보기
모든 부호 보기