Herodotus, The Histories, book 3, chapter 115

(헤로도토스, The Histories, book 3, chapter 115)

αὗται μέν νυν ἔν τε τῇ Ἀσίῃ ἐσχατιαί εἰσι καὶ ἐν τῇ Λιβύῃ. περὶ δὲ τῶν ἐν τῇ Εὐρώπῃ τῶν πρὸσ ἑσπέρην ἐσχατιέων ἔχω μὲν οὐκ ἀτρεκέωσ λέγειν· οὔτε γὰρ ἔγωγε ἐνδέκομαι Ἠριδανὸν καλέεσθαι πρὸσ βαρβάρων ποταμὸν ἐκδιδόντα ἐσ θάλασσαν τὴν πρὸσ βορέην ἄνεμον, ἀπ’ ὅτευ τὸ ἤλεκτρον φοιτᾶν λόγοσ ἐστί, οὔτε νήσουσ οἶδα Κασσιτερίδασ ἐούσασ, ἐκ τῶν ὁ κασσίτεροσ ἡμῖν φοιτᾷ. τοῦτο μὲν γὰρ ὁ Ἠριδανὸσ αὐτὸ κατηγορέει τὸ οὔνομα ὡσ ἔστι Ἑλληνικὸν καὶ οὐ βάρβαρον, ὑπὸ ποιητέω δὲ τινὸσ ποιηθέν·

τοῦτο δὲ οὐδενὸσ αὐτόπτεω γενομένου δύναμαι ἀκοῦσαι, τοῦτο μελετῶν, ὅκωσ θάλασσα ἐστὶ τὰ ἐπέκεινα Εὐρώπησ. ἐξ ἐσχάτησ δ’ ὦν ὁ κασσίτεροσ ἡμῖν φοιτᾷ καὶ τὸ ἤλεκτρον.

상위

The Histories

목록

일치하는 문장이 없습니다.

SEARCH

MENU NAVIGATION