호흡부호 보기
강세부호 보기
장단부호 보기
작은 Iota 보기
모든 부호 보기
ταῦτα ἐπιλεξάμενοσ ὁ Πολυκράτησ καὶ νόῳ λαβὼν ὥσ οἱ εὖ ὑπετίθετο Ἄμασισ, ἐδίζητο ἐπ’ ᾧ ἂν μάλιστα τὴν ψυχὴν ἀσηθείη ἀπολομένῳ τῶν κειμηλίων, διζήμενοσ δὲ εὑρ́ισκε τόδε. ἦν οἱ σφρηγὶσ τὴν ἐφόρεε χρυσόδετοσ, σμαράγδου μὲν λίθου ἐοῦσα, ἔργον δὲ ἦν Θεοδώρου τοῦ Τηλεκλέοσ Σαμίου. ἐπεὶ ὦν ταύτην οἱ ἐδόκεε ἀποβαλεῖν, ἐποίεε τοιάδε·
πεντηκόντερον πληρώσασ ἀνδρῶν ἐσέβη ἐσ αὐτήν, μετὰ δὲ ἀναγαγεῖν ἐκέλευε ἐσ τὸ πέλαγοσ· ὡσ δὲ ἀπὸ τῆσ νήσου ἑκὰσ ἐγένετο, περιελόμενοσ τὴν σφρηγῖδα πάντων ὁρώντων τῶν συμπλόων ῥίπτει ἐσ τὸ πέλαγοσ. τοῦτο δὲ ποιήσασ ἀπέπλεε, ἀπικόμενοσ δὲ ἐσ τὰ οἰκία συμφορῇ ἐχρᾶτο.
호흡부호 보기
강세부호 보기
장단부호 보기
작은 Iota 보기
모든 부호 보기