Herodotus, The Histories, book 3, chapter 83

(헤로도토스, The Histories, book 3, chapter 83)

γνῶμαι μὲν δὴ τρεῖσ αὗται προεκέατο, οἱ δὲ τέσσερεσ τῶν ἑπτὰ ἀνδρῶν προσέθεντο ταύτῃ. ὡσ δὲ ἑσσώθη τῇ γνώμῃ ὁ Ὀτάνησ Πέρσῃσι ἰσονομίην σπεύδων ποιῆσαι, ἔλεξε ἐσ μέσον αὐτοῖσι τάδε. "ἄνδρεσ στασιῶται, δῆλα γὰρ δὴ ὅτι δεῖ ἕνα γε τινὰ ἡμέων βασιλέα γενέσθαι, ἤτοι κλήρῳ γε λαχόντα, ἢ ἐπιτρεψάντων τῷ Περσέων πλήθεϊ τὸν ἂν ἐκεῖνο ἕληται, ἢ ἄλλῃ τινὶ μηχανῇ.

ἐγὼ μέν νυν ὑμῖν οὐκ ἐναγωνιεῦμαι· οὔτε γὰρ ἄρχειν οὔτε ἄρχεσθαι ἐθέλω· ἐπὶ τούτῳ δὲ ὑπεξίσταμαι τῆσ ἀρχῆσ, ἐπ’ ᾧ τε ὑπ’ οὐδενὸσ ὑμέων ἄρξομαι, οὔτε αὐτὸσ ἐγὼ οὔτε οἱ ἀπ’ ἐμεῦ αἰεὶ γινόμενοι. τούτου εἴπαντοσ ταῦτα ὡσ συνεχώρεον οἱ ἓξ ἐπὶ τούτοισι, οὗτοσ μὲν δή σφι οὐκ ἐνηγωνίζετο ἀλλ’ ἐκ μέσου κατῆστο, καὶ νῦν αὕτη ἡ οἰκίη διατελέει μούνη ἐλευθέρη ἐοῦσα Περσέων καὶ ἄρχεται τοσαῦτα ὅσα αὐτὴ θέλει, νόμουσ οὐκ ὑπερβαίνουσα τοὺσ Περσέων.

상위

The Histories

목록

일치하는 문장이 없습니다.

SEARCH

MENU NAVIGATION