헬라어 문장 검색 - ΗεροδόΤηεΗιστ́3́048́

(헤로도토스, The Histories, book 3, chapter 48)

συνεπελάβοντο δὲ τοῦ στρατεύματοσ τοῦ ἐπὶ Σάμον ὥστε γενέσθαι καὶ Κορίνθιοι προθύμωσ· ὕβρισμα γὰρ καὶ ἐσ τούτουσ εἶχε ἐκ τῶν Σαμίων γενόμενον γενεῇ πρότερον τοῦ στρατεύματοσ τούτου, κατὰ δὲ τὸν αὐτὸν χρόνον τοῦ κρητῆροσ τῇ ἁρπαγῇ γεγονόσ. Κερκυραίων γὰρ παῖδασ τριηκοσίουσ ἀνδρῶν τῶν πρώτων Περίανδροσ ὁ Κυψέλου ἐσ Σάρδισ ἀπέπεμψε παρὰ Ἀλυάττεα ἐπ’ ἐκτομῇ·

προσσχόντων δὲ ἐσ τὴν Σάμον τῶν ἀγόντων τοὺσ παῖδασ Κορινθίων, πυθόμενοι οἱ Σάμιοι τὸν λόγον, ἐπ’ οἷσι ἀγοίατο ἐσ Σάρδισ, πρῶτα μὲν τοὺσ παῖδασ ἐδίδαξαν ἱροῦ ἅψασθαι Ἀρτέμιδοσ· μετὰ δὲ οὐ περιορῶντεσ ἀπέλκειν τοὺσ ἱκέτασ ἐκ τοῦ ἱροῦ, σιτίων δὲ τοὺσ παῖδασ ἐργόντων Κορινθίων, ἐποιήσαντο οἱ Σάμιοι ὁρτήν, τῇ καὶ νῦν ἔτι χρέωνται κατὰ ταὐτά.

νυκτὸσ γὰρ ἐπιγενομένησ, ὅσον χρόνον ἱκέτευον οἱ παῖδεσ, ἵστασαν χοροὺσ παρθένων τε καὶ ἠιθέων, ἱστάντεσ δὲ τοὺσ χοροὺσ τρωκτὰ σησάμου τε καὶ μέλιτοσ ἐποιήσαντο νόμον φέρεσθαι, ἵνα ἁρπάζοντεσ οἱ τῶν Κερκυραίων παῖδεσ ἔχοιεν τροφήν. ἐσ τοῦτο δὲ τόδε ἐγίνετο, ἐσ ὃ οἱ Κορίνθιοι τῶν παίδων οἱ φύλακοι οἴχοντο ἀπολιπόντεσ·

τοὺσ δὲ παῖδασ ἀπήγαγον ἐσ Κέρκυραν οἱ Σάμιοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 3, chapter 48

(헤로도토스, The Histories, book 3, chapter 48)

상위

목록

SEARCH

MENU NAVIGATION