Herodotus, The Histories, book 3, chapter 19

(헤로도토스, The Histories, book 3, chapter 19)

ἡ μὲν δὴ τράπεζα τοῦ ἡλίου καλεομένη λέγεται εἶναι τοιήδε. Καμβύσῃ δὲ ὡσ ἔδοξε πέμπειν τοὺσ κατασκόπουσ, αὐτίκα μετεπέμπετο ἐξ Ἐλεφαντίνησ πόλιοσ τῶν Ἰχθυοφάγων ἀνδρῶν τοὺσ ἐπισταμένουσ τὴν Αἰθιοπίδα γλῶσσαν. ἐν ᾧ δὲ τούτουσ μετήισαν, ἐν τούτῳ ἐκέλευε ἐπὶ τὴν Καρχηδόνα πλέειν τὸν ναυτικὸν στρατόν.

Φοίνικεσ δὲ οὐκ ἔφασαν ποιήσειν ταῦτα· ὁρκίοισι γὰρ μεγάλοισι ἐνδεδέσθαι, καὶ οὐκ ἂν ποιέειν ὅσια ἐπὶ τοὺσ παῖδασ τοὺσ ἑωυτῶν στρατευόμενοι. Φοινίκων δὲ οὐ βουλομένων οἱ λοιποὶ οὐκ ἀξιόμαχοι ἐγίνοντο. Καρχηδόνιοι μέν νυν οὕτω δουλοσύνην διέφυγον πρὸσ Περσέων·

Καμβύσησ γὰρ βίην οὐκ ἐδικαίου προσφέρειν Φοίνιξι, ὅτι σφέασ τε αὐτοὺσ ἐδεδώκεσαν Πέρσῃσι καὶ πᾶσ ἐκ Φοινίκων ἤρτητο ὁ ναυτικὸσ στρατόσ. δόντεσ δὲ καὶ Κύπριοι σφέασ αὐτοὺσ Πέρσῃσι ἐστρατεύοντο ἐπ’ Αἴγυπτον.

상위

The Histories

목록

일치하는 문장이 없습니다.

SEARCH

MENU NAVIGATION