헬라어 문장 검색 - ΗεροδόΤηεΗιστ́3́071́

(헤로도토스, The Histories, book 3, chapter 71)

συνελθόντεσ δὲ οὗτοι ἐόντεσ ἑπτὰ ἐδίδοσαν σφίσι πίστισ καὶ λόγουσ. ἐπείτε δὲ ἐσ Δαρεῖον ἀπίκετο γνώμην ἀποφαίνεσθαι, ἔλεγέ σφι τάδε. "ἐγὼ ταῦτα ἐδόκεον μὲν αὐτὸσ μοῦνοσ ἐπίστασθαι, ὅτι τε ὁ Μάγοσ εἰή ὁ βασιλεύων καὶ Σμέρδισ ὁ Κύρου τετελεύτηκε·

καὶ αὐτοῦ τούτου εἵνεκεν ἥκω σπουδῇ ὡσ συστήσων ἐπὶ τῷ Μάγῳ θάνατον. ἐπείτε δὲ συνήνεικε ὥστε καὶ ὑμέασ εἰδέναι καὶ μὴ μοῦνον ἐμέ, ποιέειν αὐτίκα μοι δοκέει καὶ μὴ ὑπερβάλλεσθαι· οὐ γὰρ ἄμεινον. εἶπε πρὸσ ταῦτα ὁ Ὀτάνησ "ὦ παῖ Ὑστάσπεοσ, εἶσ τε πατρὸσ ἀγαθοῦ καὶ ἐκφαίνειν ἐοίκασ σεωυτὸν ἐόντα τοῦ πατρὸσ οὐδὲν ἥσσω·

τὴν μέντοι ἐπιχείρησιν ταύτην μὴ οὕτω συντάχυνε ἀβούλωσ, ἀλλ’ ἐπὶ τὸ σωφρονέστερον αὐτὴν λάμβανε· δεῖ γὰρ πλεῦνασ γενομένουσ οὕτω ἐπιχειρέειν. λέγει πρὸσ ταῦτα Δαρεῖοσ "ἄνδρεσ οἱ παρεόντεσ, τρόπῳ τῷ εἰρημένῳ ἐξ Ὀτάνεω εἰ χρήσεσθε, ἐπίστασθε ὅτι ἀπολέεσθε κάκιστα·

ἐξοίσει γάρ τισ πρὸσ τὸν Μάγον, ἰδίῃ περιβαλλόμενοσ ἑωυτῷ κέρδεα. μάλιστα μέν νυν ὠφείλετε ἐπ’ ὑμέων αὐτῶν βαλλόμενοι ποιέειν ταῦτα·

ἐπείτε δὲ ὑμῖν ἀναφέρειν ἐσ πλεῦνασ ἐδόκεε καὶ ἐμοὶ ὑπερέθεσθε, ἢ ποιέωμεν σήμερον ἢ ἴστε ὑμῖν ὅτι ἢν ὑπερπέσῃ ἡ νῦν ἡμέρη, ὡσ οὐκ ἄλλοσ φθὰσ ἐμεῦ κατήγοροσ ἔσται, ἀλλά σφεα αὐτὸσ ἐγὼ κατερέω πρὸσ τὸν Μάγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 71

(헤로도토스, The Histories, book 3, chapter 71)

상위

목록

SEARCH

MENU NAVIGATION