헬라어 문장 검색 - ΗεροδόΤηεΗιστ́3́042́

(헤로도토스, The Histories, book 3, chapter 42)

πέμπτῃ δὲ ἢ ἕκτῃ ἡμέρῃ ἀπὸ τούτων τάδε οἱ συνήνεικε γενέσθαι. ἀνὴρ ἁλιεὺσ λαβὼν ἰχθὺν μέγαν τε καὶ καλὸν ἠξίου μιν Πολυκράτεϊ δῶρον δοθῆναι· φέρων δὴ ἐπὶ τὰσ θύρασ Πολυκράτεϊ ἔφη ἐθέλειν ἐλθεῖν ἐσ ὄψιν, χωρήσαντοσ δέ οἱ τούτου ἔλεγε διδοὺσ τὸν ἰχθύν "ὦ βασιλεῦ, ἐγὼ τόνδε ἑλὼν οὐκ ἐδικαίωσα φέρειν ἐσ ἀγορήν, καίπερ ἐὼν ἀποχειροβίοτοσ, ἀλλά μοι ἐδόκεε σεῦ τε εἶναι ἄξιοσ καὶ τῆσ σῆσ ἀρχῆσ· σοὶ δή μιν φέρων δίδωμι.

" ὁ δὲ ἡσθεὶσ τοῖσι ἔπεσι ἀμείβεται τοῖσιδε. "κάρτα τε εὖ ἐποίησασ καὶ χάρισ διπλῆ τῶν τε λόγων καὶ τοῦ δώρου, καί σε ἐπὶ δεῖπνον καλέομεν. ὃ μὲν δὴ ἁλιεὺσ μέγα ποιεύμενοσ ταῦτα ἠιέ ἐσ τὰ οἰκία, τὸν δὲ ἰχθὺν τάμνοντεσ οἱ θεράποντεσ εὑρίσκουσι ἐν τῇ νηδύι αὐτοῦ ἐνεοῦσαν τὴν Πολυκράτεοσ σφρηγῖδα.

ὡσ δὲ εἶδόν τε καὶ ἔλαβον τάχιστα, ἔφερον κεχαρηκότεσ παρὰ τὸν Πολυκράτεα, διδόντεσ δέ οἱ τὴν σφρηγῖδα ἔλεγον ὅτεῳ τρόπῳ εὑρέθη.

τὸν δὲ ὡσ ἐσῆλθε θεῖον εἶναι τὸ πρῆγμα, γράφει ἐσ βυβλίον πάντα τὰ ποιήσαντά μιν οἱᾶ καταλελάβηκε, γράψασ δὲ ἐσ Αἴγυπτον ἐπέθηκε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 3, chapter 42

(헤로도토스, The Histories, book 3, chapter 42)

상위

목록

SEARCH

MENU NAVIGATION