헬라어 문장 검색 - ΗεροδόΤηεΗιστ́3́027́

(헤로도토스, The Histories, book 3, chapter 27)

ἀπιγμένου δὲ Καμβύσεω ἐσ Μέμφιν ἐφάνη Αἰγυπτίοισι ὁ Ἆπισ, τὸν Ἕλληνεσ Ἔπαφον καλέουσι· ἐπιφανέοσ δὲ τούτου γενομένου αὐτίκα οἱ Αἰγύπτιοι εἵματα ἐφόρεον τὰ κάλλιστα καὶ ἦσαν ἐν θαλίῃσι. ἰδὼν δὲ ταῦτα τοὺσ Αἰγυπτίουσ ποιεῦντασ ὁ Καμβύσησ, πάγχυ σφέασ καταδόξασ ἑωυτοῦ κακῶσ πρήξαντοσ χαρμόσυνα ταῦτα ποιέειν, ἐκάλεε τοὺσ ἐπιτρόπουσ τῆσ Μέμφιοσ, ἀπικομένουσ δὲ ἐσ ὄψιν εἴρετο ὅ τι πρότερον μὲν ἐόντοσ αὐτοῦ ἐν Μέμφι ἐποίευν τοιοῦτον οὐδὲν Αἰγύπτιοι, τότε δὲ ἐπεὶ αὐτὸσ παρείη τῆσ στρατιῆσ πλῆθόσ τι ἀποβαλών.

οἳ δὲ ἔφραζον ὥσ σφι θεὸσ εἰή φανεὶσ διὰ χρόνου πολλοῦ ἐωθὼσ ἐπιφαίνεσθαι, καὶ ὡσ ἐπεὰν φανῇ τότε πάντεσ Αἰγύπτιοι κεχαρηκότεσ ὁρτάζοιεν.

ταῦτα ἀκούσασ ὁ Καμβύσησ ἔφη ψεύδεσθαι σφέασ καὶ ὡσ ψευδομένουσ θανάτῳ ἐζημίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 3, chapter 27

(헤로도토스, The Histories, book 3, chapter 27)

상위

목록

SEARCH

MENU NAVIGATION