호흡부호 보기
강세부호 보기
장단부호 보기
작은 Iota 보기
모든 부호 보기
ἀπιγμένου δὲ Καμβύσεω ἐσ Μέμφιν ἐφάνη Αἰγυπτίοισι ὁ Ἆπισ, τὸν Ἕλληνεσ Ἔπαφον καλέουσι· ἐπιφανέοσ δὲ τούτου γενομένου αὐτίκα οἱ Αἰγύπτιοι εἵματα ἐφόρεον τὰ κάλλιστα καὶ ἦσαν ἐν θαλίῃσι. ἰδὼν δὲ ταῦτα τοὺσ Αἰγυπτίουσ ποιεῦντασ ὁ Καμβύσησ, πάγχυ σφέασ καταδόξασ ἑωυτοῦ κακῶσ πρήξαντοσ χαρμόσυνα ταῦτα ποιέειν, ἐκάλεε τοὺσ ἐπιτρόπουσ τῆσ Μέμφιοσ, ἀπικομένουσ δὲ ἐσ ὄψιν εἴρετο ὅ τι πρότερον μὲν ἐόντοσ αὐτοῦ ἐν Μέμφι ἐποίευν τοιοῦτον οὐδὲν Αἰγύπτιοι, τότε δὲ ἐπεὶ αὐτὸσ παρείη τῆσ στρατιῆσ πλῆθόσ τι ἀποβαλών.
οἳ δὲ ἔφραζον ὥσ σφι θεὸσ εἰή φανεὶσ διὰ χρόνου πολλοῦ ἐωθὼσ ἐπιφαίνεσθαι, καὶ ὡσ ἐπεὰν φανῇ τότε πάντεσ Αἰγύπτιοι κεχαρηκότεσ ὁρτάζοιεν.
ταῦτα ἀκούσασ ὁ Καμβύσησ ἔφη ψεύδεσθαι σφέασ καὶ ὡσ ψευδομένουσ θανάτῳ ἐζημίου.
호흡부호 보기
강세부호 보기
장단부호 보기
작은 Iota 보기
모든 부호 보기