헬라어 문장 검색 - ΗεροδόΤηεΗιστ́3́032́

(헤로도토스, The Histories, book 3, chapter 32)

ἀμφὶ δὲ τῷ θανάτῳ αὐτῆσ διξὸσ ὥσπερ περὶ Σμέρδιοσ λέγεται λόγοσ. Ἕλληνεσ μὲν λέγουσι Καμβύσεα συμβαλεῖν σκύμνον λέοντοσ σκύλακι κυνόσ, θεωρέειν δὲ καὶ τὴν γυναῖκα ταύτην, νικωμένου δὲ τοῦ σκύλακοσ ἀδελφεὸν αὐτοῦ ἄλλον σκύλακα ἀπορρήξαντα τὸν δεσμὸν παραγενέσθαι οἱ, δύο δὲ γενομένουσ οὕτω δὴ τοὺσ σκύλακασ ἐπικρατῆσαι τοῦ σκύμνου. καὶ τὸν μὲν Καμβύσεα ἥδεσθαι θεώμενον, τὴν δὲ παρημένην δακρύειν.

Καμβύσεα δὲ μαθόντα τοῦτο ἐπειρέσθαι δι’ ὅ τι δακρύει, τὴν δὲ εἰπεῖν ὡσ ἰδοῦσα τὸν σκύλακα τῷ ἀδελφεῷ τιμωρήσαντα δακρύσειε, μνησθεῖσά τε Σμέρδιοσ καὶ μαθοῦσα ὡσ ἐκείνῳ οὐκ εἰή ὁ τιμωρήσων. Ἕλληνεσ μὲν δὴ διὰ τοῦτο τὸ ἔποσ φασὶ αὐτὴν ἀπολέσθαι ὑπὸ Καμβύσεω, Αἰγύπτιοι δὲ ὡσ τραπέζῃ παρακατημένων λαβοῦσαν θρίδακα τὴν γυναῖκα περιτῖλαι καὶ ἐπανειρέσθαι τὸν ἄνδρα κότερον περιτετιλμένη ἡ θρίδαξ ἢ δασέα εἰή καλλίων, καὶ τὸν φάναι δασέαν, τὴν δ’ εἰπεῖν "ταύτην μέντοι κοτὲ σὺ τὴν θρίδακα ἐμιμήσαο τὸν Κύρου οἶκον ἀποψιλώσασ.

" τὸν δὲ θυμωθέντα ἐμπηδῆσαι αὐτῇ ἐχούσῃ ἐν γαστρί, καί μιν ἐκτρώσασαν ἀποθανεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 3, chapter 32

(헤로도토스, The Histories, book 3, chapter 32)

상위

목록

SEARCH

MENU NAVIGATION