헬라어 문장 검색 - ΗεροδόΤηεΗιστ́3́125́

(헤로도토스, The Histories, book 3, chapter 125)

Πολυκράτησ δὲ πάσησ συμβουλίησ ἀλογήσασ ἔπλεε παρὰ τὸν Ὀροίτεα, ἅμα ἀγόμενοσ ἄλλουσ τε πολλοὺσ τῶν ἑταίρων, ἐν δὲ δὴ καὶ Δημοκήδεα τὸν Καλλιφῶντοσ Κροτωνιήτην ἄνδρα, ἰητρόν τε ἐόντα καὶ τὴν τέχνην ἀσκέοντα ἄριστα τῶν κατ’ ἑωυτόν. ἀπικόμενοσ δὲ ἐσ τὴν Μαγνησίην ὁ Πολυκράτησ διεφθάρη κακῶσ, οὔτε ἑωυτοῦ ἀξίωσ οὔτε τῶν ἑωυτοῦ φρονημάτων·

ὅτι γὰρ μὴ οἱ Συρηκοσίων γενόμενοι τύραννοι οὐδὲ εἷσ τῶν ἄλλων Ἑλληνικῶν τυράννων ἄξιοσ ἐστὶ Πολυκράτεϊ μεγαλοπρεπείην συμβληθῆναι. ἀποκτείνασ δέ μιν οὐκ ἀξίωσ ἀπηγήσιοσ Ὀροίτησ ἀνεσταύρωσε·

τῶν δέ οἱ ἑπομένων ὅσοι μὲν ἦσαν Σάμιοι, ἀπῆκε, κελεύων σφέασ ἑωυτῷ χάριν εἰδέναι ἐόντασ ἐλευθέρουσ, ὅσοι δὲ ἦσαν ξεῖνοί τε καὶ δοῦλοι τῶν ἑπομένων, ἐν ἀνδραπόδων λόγῳ ποιεύμενοσ εἶχε. Πολυκράτησ δὲ ἀνακρεμάμενοσ ἐπετέλεε πᾶσαν τὴν ὄψιν τῆσ θυγατρόσ·

ἐλοῦτο μὲν γὰρ ὑπὸ τοῦ Διὸσ ὅκωσ ὑοί, ἐχρίετο δὲ ὑπὸ τοῦ ἡλίου, ἀνιεὶσ αὐτὸσ ἐκ τοῦ σώματοσ ἰκμάδα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 125

(헤로도토스, The Histories, book 3, chapter 125)

상위

목록

SEARCH

MENU NAVIGATION