헬라어 문장 검색 - ΗεροδόΤηεΗιστ́3́122́

(헤로도토스, The Histories, book 3, chapter 122)

αἰτίαι μὲν δὴ αὗται διφάσιαι λέγονται τοῦ θανάτου τοῦ Πολυκράτεοσ γενέσθαι, πάρεστι δὲ πείθεσθαι ὁκοτέρῃ τισ βούλεται αὐτέων. ὁ δὲ ὦν Ὀροίτησ ἱζόμενοσ ἐν Μαγνησίῃ τῇ ὑπὲρ Μαιάνδρου ποταμοῦ οἰκημένῃ ἔπεμπε Μύρσον τὸν Γύγεω ἄνδρα Λυδὸν ἐσ Σάμον ἀγγελίην φέροντα, μαθὼν τοῦ Πολυκράτεοσ τὸν νόον. Πολυκράτησ γὰρ ἐστὶ πρῶτοσ τῶν ἡμεῖσ ἴδμεν Ἑλλήνων ὃσ θαλασσοκρατέειν ἐπενοήθη, πάρεξ Μίνωόσ τε τοῦ Κνωσσίου καὶ εἰ δή τισ ἄλλοσ πρότεροσ τούτου ἦρξε τῆσ θαλάσσησ·

τῆσ δὲ ἀνθρωπηίησ λεγομένησ γενεῆσ Πολυκράτησ πρῶτοσ, ἐλπίδασ πολλὰσ ἔχων Ιὠνίησ τε καὶ νήσων ἄρξειν. μαθὼν ὦν ταῦτά μιν διανοεύμενον ὁ Ὀροίτησ πέμψασ ἀγγελίην ἔλεγε τάδε.

"Ὀροίτησ Πολυκράτεϊ ὧδε λέγει. πυνθάνομαι ἐπιβουλεύειν σε πρήγμασι μεγάλοισι, καὶ χρήματά τοι οὐκ εἶναι κατὰ τὰ φρονήματα. σύ νυν ὧδε ποιήσασ ὀρθώσεισ μὲν σεωυτόν, σώσεισ δὲ καὶ ἐμέ· ἐμοὶ γὰρ βασιλεὺσ Καμβύσησ ἐπιβουλεύει θάνατον, καί μοι τοῦτο ἐξαγγέλλεται σαφηνέωσ. σύ νυν ἐμὲ ἐκκομίσασ αὐτὸν καὶ χρήματα, τὰ μὲν αὐτῶν αὐτὸσ ἔχε, τὰ δὲ ἐμὲ ἐά ἔχειν·

εἵνεκέν τε χρημάτων ἄρξεισ ἁπάσησ τῆσ Ἑλλάδοσ. εἰ δέ μοι ἀπιστέεισ τὰ περὶ τῶν χρημάτων, πέμψον ὅστισ τοι πιστότατοσ τυγχάνει ἐών, τῷ ἐγὼ ἀποδέξω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 122

(헤로도토스, The Histories, book 3, chapter 122)

상위

목록

SEARCH

MENU NAVIGATION