헬라어 문장 검색 - ΗεροδόΤηεΗιστ́3́035́

(헤로도토스, The Histories, book 3, chapter 35)

τούτων δὴ ὦν ἐπιμνησθέντα ὀργῇ λέγειν πρὸσ τὸν Πρηξάσπεα "σύ νυν μάθε εἰ λέγουσι Πέρσαι ἀληθέα εἴτε αὐτοὶ λέγοντεσ ταῦτα παραφρονέουσι· εἰ μὲν γὰρ τοῦ παιδὸσ τοῦ σοῦ τοῦδε ἑστεῶτοσ ἐν τοῖσι προθύροισι βαλὼν τύχοιμι μέσησ τῆσ καρδίησ, Πέρσαι φανέονται λέγοντεσ οὐδέν·

ἢν δὲ ἁμάρτω, φάναι Πέρσασ τε λέγειν ἀληθέα καί με μὴ σωφρονέειν. ταῦτα δὲ εἰπόντα καὶ διατείναντα τὸ τόξον βαλεῖν τὸν παῖδα, πεσόντοσ δὲ τοῦ παιδὸσ ἀνασχίζειν αὐτὸν κελεύειν καὶ σκέψασθαι τὸ βλῆμα·

ὡσ δὲ ἐν τῇ καρδίῃ εὑρεθῆναι ἐνεόντα τὸν ὀιστόν, εἰπεῖν πρὸσ τὸν πατέρα τοῦ παιδὸσ γελάσαντα καὶ περιχαρέα γενόμενον "Πρήξασπεσ, ὡσ μὲν ἐγὼ τε οὐ μαίνομαι Πέρσαι τε παραφρονέουσι, δῆλά τοι γέγονε. νῦν δέ μοι εἰπέ, τίνα εἶδεσ ἤδη πάντων ἀνθρώπων οὕτω ἐπίσκοπα τοξεύοντα;

Πρηξάσπεα δὲ ὁρῶντα ἄνδρα οὐ φρενήρεα καὶ περὶ ἑωυτῷ δειμαίνοντα εἰπεῖν "δέσποτα, οὐδ’ ἂν αὐτὸν ἔγωγε δοκέω τὸν θεὸν οὕτω ἂν καλῶσ βαλεῖν. τότε μὲν ταῦτα ἐξεργάσατο, ἑτέρωθι δὲ Περσέων ὁμοίουσ τοῖσι πρώτοισι δυώδεκα ἐπ’ οὐδεμιῇ αἰτίῃ ἀξιοχρέῳ ἑλὼν ζώοντασ ἐπὶ κεφαλὴν κατώρυξε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 35

(헤로도토스, The Histories, book 3, chapter 35)

상위

목록

SEARCH

MENU NAVIGATION