헬라어 문장 검색 - ΗεροδόΤηεΗιστ́3́012́

(헤로도토스, The Histories, book 3, chapter 12)

θῶμα δὲ μέγα εἶδον πυθόμενοσ παρὰ τῶν ἐπιχωρίων· τῶν γὰρ ὀστέων περικεχυμένων χωρὶσ ἑκατέρων τῶν ἐν τῇ μάχῃ ταύτῃ πεσόντων χωρὶσ μὲν γὰρ τῶν Περσέων ἔκειτο τὰ ὀστέα, ὡσ ἐχωρίσθη κατ’ ἀρχάσ, ἑτέρωθι δὲ τῶν Αἰγυπτίων, αἱ μὲν τῶν Περσέων κεφαλαί εἰσι ἀσθενέεσ οὕτω ὥστε, εἰ θέλεισ ψήφῳ μούνῃ βαλεῖν, διατετρανέεισ, αἱ δὲ τῶν Αἰγυπτίων οὕτω δή τι ἰσχυραί, μόγισ ἂν λίθῳ παίσασ διαρρήξειασ. αἴτιον δὲ τούτου τόδε ἔλεγον, καὶ ἐμέ γ’ εὐπετέωσ ἔπειθον, ὅτι Αἰγύπτιοι μὲν αὐτίκα ἀπὸ παιδίων ἀρξάμενοι ξυρῶνται τὰσ κεφαλὰσ καὶ πρὸσ τὸν ἥλιον παχύνεται τὸ ὀστέον.

τὠυτὸ δὲ τοῦτο καὶ τοῦ μὴ φαλακροῦσθαι αἴτιον ἐστί·

Αἰγυπτίων γὰρ ἄν τισ ἐλαχίστουσ ἴδοιτο φαλακροὺσ πάντων ἀνθρώπων. τούτοισι μὲν δὴ τοῦτο ἐστὶ αἴτιον ἰσχυρὰσ φορέειν τὰσ κεφαλάσ, τοῖσι δὲ Πέρσῃσι ὅτι ἀσθενέασ φορέουσι τὰσ κεφαλὰσ αἴτιον τόδε·

σκιητροφέουσι ἐξ ἀρχῆσ πίλουσ τιάρασ φορέοντεσ. ταῦτα μέν νυν τοιαῦτα· εἶδον δὲ καὶ ἄλλα ὅμοια τούτοισι ἐν Παπρήμι τῶν ἅμα Ἀχαιμένεϊ τῷ Δαρείου διαφθαρέντων ὑπὸ Ἰνάρω τοῦ Λίβυοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 12

(헤로도토스, The Histories, book 3, chapter 12)

상위

목록

SEARCH

MENU NAVIGATION