호흡부호 보기
강세부호 보기
장단부호 보기
작은 Iota 보기
모든 부호 보기
οἵ τε δὴ ὦν ἄλλοι κήρυκεσ προηγόρευον ταῦτα καὶ δὴ καὶ ὁ ἐπ’ Αἴγυπτον ταχθείσ, εὑρ́ισκε γὰρ Καμβύσεα καὶ τὸν στρατὸν ἐόντα τῆσ Συρίησ ἐν Ἀγβατάνοισι, προηγόρευε στὰσ ἐσ μέσον τὰ ἐντεταλμένα ἐκ τοῦ Μάγου. Καμβύσησ δὲ ἀκούσασ ταῦτα ἐκ τοῦ κήρυκοσ καὶ ἐλπίσασ μιν λέγειν ἀληθέα αὐτόσ τε προδεδόσθαι ἐκ Πρηξάσπεοσ πεμφθέντα γὰρ αὐτὸν ὡσ ἀποκτενέοντα Σμέρδιν οὐ ποιῆσαι ταῦτα, βλέψασ ἐσ τὸν Πρηξάσπεα εἶπε "Πρήξασπεσ, οὕτω μοι διεπρήξαο τό τοι προσέθηκα πρῆγμα;
ὁ δὲ εἶπε "ὦ δέσποτα, οὐκ ἔστι ταῦτα ἀληθέα, ὅκωσ κοτὲ σοὶ Σμέρδισ ἀδελφεὸσ σὸσ ἐπανέστηκε, οὐδὲ ὅκωσ τι ἐξ ἐκείνου τοῦ ἀνδρὸσ νεῖκόσ τοι ἔσται ἢ μέγα ἢ σμικρόν·
ἐγὼ γὰρ αὐτόσ, ποιήσασ τὰ σύ με ἐκέλευεσ, ἔθαψά μιν χερσὶ τῇσι ἐμεωυτοῦ. εἰ μέν νυν οἱ τεθνεῶτεσ ἀνεστᾶσι, προσδέκεό τοι καὶ Ἀστυάγεα τὸν Μῆδον ἐπαναστήσεσθαι·
εἰ δ’ ἔστι ὥσπερ πρὸ τοῦ, οὐ μή τί τοι ἔκ γε ἐκείνου νεώτερον ἀναβλάστῃ. νῦν ὦν μοι δοκέει μεταδιώξαντασ τὸν κήρυκα ἐξετάζειν εἰρωτεῦντασ παρ’ ὅτευ ἥκων προαγορεύει ἡμῖν Σμέρδιοσ βασιλέοσ ἀκούειν.
호흡부호 보기
강세부호 보기
장단부호 보기
작은 Iota 보기
모든 부호 보기