헬라어 문장 검색 - ΗεροδόΤηεΗιστ́3́142́

(헤로도토스, The Histories, book 3, chapter 142)

τῆσ δὲ Σάμου Μαιάνδριοσ ὁ Μαιανδρίου εἶχε τὸ κράτοσ, ἐπιτροπαίην παρὰ Πολυκράτεοσ λαβὼν τὴν ἀρχήν· τῷ δικαιοτάτῳ ἀνδρῶν βουλομένῳ γενέσθαι οὐκ ἐξεγένετο. ἐπειδὴ γάρ οἱ ἐξαγγέλθη ὁ Πολυκράτεοσ θάνατοσ, ἐποίεε τοιάδε·

πρῶτα μὲν Διὸσ ἐλευθερίου βωμὸν ἱδρύσατο καὶ τέμενοσ περὶ αὐτὸν οὔρισε τοῦτο τὸ νῦν ἐν τῷ προαστείῳ ἐστί· μετὰ δέ, ὥσ οἱ ἐπεποίητο, ἐκκλησίην συναγείρασ πάντων τῶν ἀστῶν ἔλεξε τάδε. "ἐμοί, ὡσ ἴστε καὶ ὑμεῖσ, σκῆπτρον καὶ δύναμισ πᾶσα ἡ Πολυκράτεοσ ἐπιτέτραπται, καί μοι παρέχει νῦν ὑμέων ἄρχειν.

ἐγὼ δὲ τὰ τῷ πέλασ ἐπιπλήσσω, αὐτὸσ κατὰ δύναμιν οὐ ποιήσω· οὔτε γάρ μοι Πολυκράτησ ἤρεσκε δεσπόζων ἀνδρῶν ὁμοίων ἑωυτῷ οὔτε ἄλλοσ ὅστισ τοιαῦτα ποιέει. Πολυκράτησ μέν νυν ἐξέπλησε μοῖραν τὴν ἑωυτοῦ, ἐγὼ δὲ ἐσ μέσον τὴν ἀρχὴν τιθεὶσ ἰσονομίην ὑμῖν προαγορεύω. τοσάδε μέντοι δικαιῶ γέρεα ἐμεωυτῷ γενέσθαι, ἐκ μέν γε τῶν Πολυκράτεοσ χρημάτων ἐξαίρετα ἓξ τάλαντά μοι γενέσθαι, ἱρωσύνην δὲ πρὸσ τούτοισι αἱρεῦμαι αὐτῷ τέ μοι καὶ τοῖσι ἀπ’ ἐμεῦ αἰεὶ γινομένοισι τοῦ Διὸσ τοῦ ἐλευθερίου·

τῷ αὐτόσ τε ἱρὸν ἱδρυσάμην καὶ τὴν ἐλευθερίην ὑμῖν περιτίθημι. ὃ μὲν δὴ ταῦτα τοῖσι Σαμίοισι ἐπαγγέλλετο·

τῶν δέ τισ ἐξαναστὰσ εἶπε "ἀλλ’ οὐδ’ ἄξιοσ εἶσ σύ γε ἡμέων ἄρχειν, γεγονώσ τε κακῶσ καὶ ἐὼν ὄλεθροσ· ἀλλὰ μᾶλλον ὅκωσ λόγον δώσεισ τῶν μετεχείρισασ χρημάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 142

(헤로도토스, The Histories, book 3, chapter 142)

상위

목록

SEARCH

MENU NAVIGATION