헬라어 문장 검색 - ΗεροδόΤηεΗιστ́3́038́

(헤로도토스, The Histories, book 3, chapter 38)

πανταχῇ ὦν μοι δῆλα ἐστὶ ὅτι ἐμάνη μεγάλωσ ὁ Καμβύσησ· οὐ γὰρ ἂν ἱροῖσί τε καὶ νομαίοισι ἐπεχείρησε καταγελᾶν. εἰ γάρ τισ προθείη πᾶσι ἀνθρώποισι ἐκλέξασθαι κελεύων νόμουσ τοὺσ καλλίστουσ ἐκ τῶν πάντων νόμων, διασκεψάμενοι ἂν ἑλοίατο ἕκαστοι τοὺσ ἑωυτῶν· οὕτω νομίζουσι πολλόν τι καλλίστουσ τοὺσ ἑωυτῶν νόμουσ ἕκαστοι εἶναι. οὔκων οἰκόσ ἐστι ἄλλον γε ἢ μαινόμενον ἄνδρα γέλωτα τὰ τοιαῦτα τίθεσθαι·

ὡσ δὲ οὕτω νενομίκασι τὰ περὶ τοὺσ νόμουσ πάντεσ ἄνθρωποι, πολλοῖσί τε καὶ ἄλλοισι τεκμηρίοισι πάρεστι σταθμώσασθαι, ἐν δὲ δὴ καὶ τῷδε. Δαρεῖοσ ἐπὶ τῆσ ἑωυτοῦ ἀρχῆσ καλέσασ Ἑλλήνων τοὺσ παρεόντασ εἴρετο ἐπὶ κόσῳ ἂν χρήματι βουλοίατο τοὺσ πατέρασ ἀποθνήσκοντασ κατασιτέεσθαι·

οἳ δὲ ἐπ’ οὐδενὶ ἔφασαν ἔρδειν ἂν τοῦτο. Δαρεῖοσ δὲ μετὰ ταῦτα καλέσασ Ἰνδῶν τοὺσ καλεομένουσ Καλλατίασ, οἳ τοὺσ γονέασ κατεσθίουσι, εἴρετο, παρεόντων τῶν Ἑλλήνων καὶ δι’ ἑρμηνέοσ μανθανόντων τὰ λεγόμενα, ἐπὶ τίνι χρήματι δεξαίατ’ ἂν τελευτῶντασ τοὺσ πατέρασ κατακαίειν πυρί·

οἳ δὲ ἀμβώσαντεσ μέγα εὐφημέειν μιν ἐκέλευον. οὕτω μέν νυν ταῦτα νενόμισται, καὶ ὀρθῶσ μοι δοκέει Πίνδαροσ ποιῆσαι νόμον πάντων βασιλέα φήσασ εἶναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 3, chapter 38

(헤로도토스, The Histories, book 3, chapter 38)

상위

목록

SEARCH

MENU NAVIGATION