헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 90)

ὡσ δὲ καθῆκεν ὁ τῶν ἀρχαιρεσιῶν χρόνοσ, ἐλθόντων τῶν ὑπάτων πολλὴ σπουδὴ καὶ παράταξισ ἐγένετο τοῦ δήμου πρὸσ τοὺσ πατρικίουσ περὶ τῶν παραληψομένων τὴν ἡγεμονίαν ἀνδρῶν. ἐκεῖνοι μὲν γὰρ ἐκ τῶν νεωτέρων ἐβούλοντο τοὺσ δραστηρίουσ τε καὶ ἥκιστα δημοτικοὺσ ἐπὶ τὴν ὑπατείαν προαγαγεῖν· καὶ μετῄει τὴν ἀρχὴν κελευσθεὶσ ὑπ’ αὐτῶν ὁ υἱὸσ Ἀππίου Κλαυδίου τοῦ πολεμιωτάτου τῷ δήμῳ δοκοῦντοσ εἶναι, μεστὸσ αὐθαδείασ ἀνὴρ καὶ θράσουσ, ἑταίροισ τε καὶ πελάταισ ἁπάντων πλεῖστον τῶν καθ’ ἡλικίαν δυνάμενοσ·

ὁ δὲ δῆμοσ ἐκ τῶν πρεσβυτέρων τε καὶ τῶν πεῖραν ἤδη δεδωκότων τῆσ ἐπιεικείασ τοὺσ προνοησομένουσ τοῦ κοινῇ συμφέροντοσ ὀνομάζων ἠξίου ποιεῖν ὑπάτουσ. αἵ τ’ ἀρχαὶ διειστήκεσαν καὶ τὰσ ἀλλήλων ἀνέλυον ἐξουσίασ. ὁπότε μὲν γὰρ οἱ ὕπατοι καλοῖεν τὸ πλῆθοσ ὡσ ἀποδείξοντεσ τοὺσ μετιόντασ τὴν ἀρχὴν ὑπάτουσ, οἱ δήμαρχοι τοῦ κωλύειν ὄντεσ κύριοι διέλυον τὰ ἀρχαιρέσια, ὁπότε δ’ αὖ πάλιν ἐκεῖνοι καλοῖεν ὡσ ἀρχαιρεσιάσοντα τὸν δῆμον, οὐκ ἐπέτρεπον οἱ ὕπατοι τὴν ἐξουσίαν ἔχοντεσ τοῦ συγκαλεῖν τοὺσ λόχουσ καὶ τὰσ ψήφουσ ἀναδιδόναι.

κατηγορίαι τ’ ἀλλήλων ἐγίνοντο καὶ συνεχεῖσ ἁψιμαχίαι καθ’ ἑταιρίασ συνισταμένων, ὥστε καὶ πληγὰσ ἀλλήλοισ διδόναι τινὰσ ὑπ’ ὀργῆσ, καὶ οὐ μακρὰν ἀποσχεῖν τὴν στάσιν τῶν ὅπλων.

ταῦτα μαθοῦσα ἡ βουλὴ πολὺν ἐσκόπει χρόνον, ὅ τι χρήσεται τοῖσ πράγμασιν, οὔτε βιάσασθαι δυναμένη τὸν δῆμον οὔτ’ εἶξαι βουλομένη.

ἦν δ’ ἡ μὲν αὐθαδεστέρα γνώμη δικτάτορα ἑλέσθαι τῶν ἀρχαιρεσιῶν ἕνεκα, ὃν ἂν ἡγῶνται κράτιστον εἶναι· τὸν δὲ λαβόντα τὴν ἐξουσίαν τούσ τε νοσοποιοὺσ ἐκ τῆσ πόλεωσ ἐξελεῖν, καὶ εἴ τι ἡμάρτηται ταῖσ πρότερον ἀρχαῖσ ἐπανορθώσασθαι, τόν τε κόσμον τοῦ πολιτεύματοσ, ὃν βούλεται, καταστησάμενον ἀνδράσι τοῖσ κρατίστοισ ἀποδοῦναι τὰσ ἀρχάσ. ἡ δ’ ἐπιεικεστέρα μεσοβασιλεῖσ ἑλέσθαι τοὺσ πρεσβυτάτουσ τε καὶ τιμιωτάτουσ ἄνδρασ, οἷσ ἐπιμελὲσ ἔσται τὰ περὶ τὰσ ἀρχάσ, ὅπωσ κράτισται γενήσονται, προνοηθῆναι, τὸν αὐτὸν τρόπον, ὅνπερ ἐπὶ τῶν βασιλέων τῶν ἐκλιπόντων ἐγίνοντο.

πρὸσ αὐτῶν μεσοβασιλεὺσ Αὖλοσ Σεμπρώνιοσ Ἀτρατῖνοσ·

αἱ δ’ ἄλλαι κατελύθησαν ἀρχαί.

οὗτοσ ἐπιτροπεύσασ τὴν πόλιν ἀστασίαστον ὅσασ ἐξῆν ἡμέρασ ἕτερον ἀποδείκνυσιν, ὥσπερ αὐτοῖσ ἔθοσ ἦν, Σπόριον Λάρκιον. κἀκεῖνοσ συγκαλέσασ τὴν λοχῖτιν ἐκκλησίαν καὶ τὰσ ψήφουσ κατὰ τὰ τιμήματα ἀναδούσ, ἐκ τῆσ ἀμφοτέρων εὐδοκήσεωσ ἀποδείκνυσιν ὑπάτουσ, Γάϊον Ιοὔλιον, τὸν ἐπικαλούμενον Ιοὔλον, ἐκ τῶν φιλοδήμων, καὶ Κόιντον Φάβιον Καίσωνοσ υἱὸν τὸ δεύτερον ἐκ τῶν ἀριστοκρατικῶν. καὶ ὁ μὲν δῆμοσ οὐδὲν ἐκ τῆσ προτέρασ ὑπατείασ αὐτοῦ πεπονθὼσ εἰάσε τυχεῖν ταύτησ τῆσ ἐξουσίασ τὸ δεύτερον, μισῶν τὸν Ἄππιον καὶ ὅτι ἐκεῖνοσ ἀτιμασθῆναι ἐδόκει σφόδρα ἡδόμενοσ·

τοῖσ δ’ ἐν τέλει διαπεπραγμένοισ δραστήριον ἄνδρα καὶ οὐθὲν ἐνδώσοντα τῷ δήμῳ μαλακὸν ἐπὶ τὴν ὑπατείαν παρελθεῖν, κατὰ γνώμην ἐδόκει κεχωρηκέναι τὰ τῆσ διχοστασίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 90

(디오니시오스, Antiquitates Romanae, Books VII-IX, book 8, chapter 90)

상위

목록

SEARCH

MENU NAVIGATION