헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 19)

ἐντεῦθεν δὲ τὴν δύναμιν ἀναλαβὼν ἦγεν ἐπὶ τοὺσ καλουμένουσ Λαβικανούσ. ἦν δὲ καὶ αὕτη τότε Λατίνων ἡ πόλισ Ἀλβανῶν ὥσπερ καὶ ἄλλαι ἄποικοσ. καταπλήξασθαι δὲ βουλόμενοσ τοὺσ ἔνδον ἔκαιεν αὐτῶν τὴν χώραν εὐθὺσ ἐπιών, ὅθεν μάλιστα ἔμελλον ὄψεσθαι τὴν φλόγα.

οἱ δὲ Λαβικανοὶ τεῖχοσ εὖ κατεσκευασμένον ἔχοντεσ οὔτε κατεπλάγησαν αὐτοῦ τὴν ἔφοδον οὔτε μαλακὸν ἐνέδοσαν οὐδέν, ἀλλ’ ἀντεῖχον ἀπομαχόμενοι γενναίωσ καὶ πολλάκισ ἐπιβαίνοντασ τοῦ τείχουσ τοὺσ πολεμίουσ ἀπήραξαν. οὐ μὴν εἰσ τέλοσ γ’ ἀντέσχον ὀλίγοι πρὸσ πολλοὺσ ἀγωνιζόμενοι καὶ χρόνον οὐδὲ τὸν ἐλάχιστον ἀναπαυόμενοι.

πολλαὶ γὰρ προσβολαὶ καὶ καθ’ ὅλην τὴν πόλιν ἐγίνοντο ὑπὸ τῶν Οὐολούσκων ἐκ διαδοχῆσ ὑποχωρούντων μὲν αἰεὶ τῶν κεκμηκότων, ἑτέρων δὲ προσιόντων νεαρῶν· πρὸσ οὓσ ἀγωνιζόμενοι δι’ ὅλησ ἡμέρασ, καὶ οὐδὲ τὸν τῆσ νυκτὸσ ἀναπαυσάμενοι χρόνον ἐκλιπεῖν ἠναγκάσθησαν τὸ τεῖχοσ ὑπὸ κόπου. παραλαβὼν δὲ καὶ ταύτην ὁ Μάρκιοσ τὴν πόλιν ἐξηνδραποδίσατο καὶ τοῖσ στρατιώταισ ἐφῆκε μερίσασθαι τὰσ ὠφελείασ.

ἀναστήσασ δὲ τὴν δύναμιν ἐκεῖθεν ἐπὶ τὴν Πεδανῶν πόλιν·

ἦν δὲ καὶ αὕτη τοῦ Λατίνων γένουσ· συντεταγμένην ἔχων τὴν στρατιὰν ἀφικνεῖται καὶ αὐτὴν ἅμα τῷ πλησιάσαι τοῖσ τείχεσιν αἱρεῖ κατὰ κράτοσ. καὶ ταὐτὰ διαθεὶσ ὅσα τὰσ πρότερον ἁλούσασ ἑώθεν εὐθὺσ ἀναστήσασ τὴν δύναμιν ἦγεν ἐπὶ Κορβιῶνα. ὄντι δ’ αὐτῷ πλησίον τοῦ τείχουσ τὰσ πύλασ ἀνοίξαντεσ οἱ ἔνδον ἀπαντῶσιν ἀντὶ τῶν ὅπλων προτείνοντεσ ἱκετηρίασ καὶ παραδιδόντεσ ἀμαχητὶ τὸ τεῖχοσ.

οὓσ ἐπαινέσασ ὡσ τὰ κράτιστα περὶ σφῶν βεβουλευμένουσ, ἐκέλευσεν ὧν ἔδει τῇ στρατιᾷ φέροντασ ἥκειν ἀργύριόν τε καὶ σῖτον, καὶ λαβὼν ὅσα προσέταξεν ἀπῆγε τὴν δύναμιν ἐπὶ τὴν Κοπιολανῶν πόλιν. παραδόντων δὲ κἀκείνην τῶν ἔνδον ἀμαχητὶ καὶ μετὰ πολλῆσ προθυμίασ ἀγοράσ τε παρασχόντων τῇ δυνάμει καὶ χρήματα καὶ ὅσα ἄλλα ἐπετέτακτο αὐτοῖσ ἀπῆγε τὴν στρατιὰν ὡσ διὰ φιλίασ γῆσ.

καὶ τοῦτ’ ἐσπούδαζεν, ὡσ μηδὲν οἱ παραδιδόντεσ αὐτοῖσ τὰσ πόλεισ πάθοιεν, ὧν φιλεῖ δρᾶν ὁ πόλεμοσ, ἀλλὰ καὶ γῆν ἀδῄωτον ἀπολαμβάνοιεν καὶ βοσκήματα καὶ ἀνδράποδα, ὅσα κατέλιπον ἐπὶ τῶν κτήσεων, κομίζοιντο, αὐλίζεσθαί τ’ οὐκ εἰά τὴν δύναμιν ἐν ταῖσ πόλεσιν, ἵνα μή τι γένηται δι’ ἁρπαγῆσ πρὸσ αὐτῶν ἢ κλοπῆσ κακόν, ἀλλὰ παρὰ τοῖσ τείχεσι κατεστρατοπέδευεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 19

(디오니시오스, Antiquitates Romanae, Books VII-IX, book 8, chapter 19)

상위

목록

SEARCH

MENU NAVIGATION