헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 75)

ἴστε δήπου τοὺσ ἐν τῇ ἐκκλησίᾳ ῥηθέντασ ὑπὸ τοῦ δημάρχου λόγουσ, ὅτ’ ἤρετο τῶν ὑπάτων τὸν ἕτερον τοῦτον Οὐεργίνιον, ἥντινα γνώμην ἔχει περὶ τῆσ κληρουχίασ, πότερα τοῖσ μὲν πολίταισ συγχωρεῖ διανέμειν τὰ δημόσια, τοῖσ δὲ συμμάχοισ οὐκ ἐᾷ, ἢ τῶν κοινῶν τῶν ἡμετέρων οὐδ’ ἡμῖν συγχωρεῖ μέροσ λαγχάνειν. καὶ οὗτοσ ὡμολόγησε τὸ καθ’ ἡμᾶσ μέροσ οὐ κωλύειν τῆσ κληρουχίασ, ἐὰν ἅπασι ταῦτα κράτιστα εἶναι δοκῇ·

καὶ ἡ συγχώρησισ ἥδε τούσ τε δημάρχουσ ἐποίησεν ἡμῖν συναγωνιστὰσ καὶ τὸν δῆμον ἐπιεικέστερον. τί οὖν μαθόντεσ, ἃ τότε συνεχωρήσαμεν, νῦν ἀναθησόμεθα;

ἢ τί πλέον ἡμῖν ἔσται τὰ γενναῖα καὶ τὰ καλὰ πολιτεύματα καὶ ἄξια τῆσ ἡγεμονίασ πολιτευομένοισ, ἐὰν μὴ πείθωμεν τοὺσ χρησομένουσ; οὐ πείσομεν δέ, καὶ τοῦτ’ οὐδεὶσ ὑμῶν ἀγνοεῖ. χαλεπώτερα γὰρ ἂν τῶν μὴ τυγχανόντων ἀποτίσειαν οἱ ψευσθέντεσ τῆσ ἐλπίδοσ καὶ τὰ ὁμολογηθέντα μὴ κομιζόμενοι. οἰχήσεται δὴ πάλιν φέρων αὐτοὺσ ὁ τὰ πρὸσ ἡδονὴν πολιτευόμενοσ, καὶ οὐδὲ τῶν δημάρχων τισ ἔτι μεθ’ ἡμῶν στήσεται.

τί οὖν ὑμῖν πράττειν παραινῶ καὶ τί προστίθημι τῇ Ἀππίου γνώμῃ, μάθετε, ἀλλὰ μὴ προεξαναστῆτε μηδὲ θορυβήσητε, πρὶν ἅπαντα ἀκούσητε, ἃ λέγω.

τοῖσ αἱρεθησομένοισ ἐπὶ τὴν ἐξέτασιν τῆσ χώρασ καὶ περιορισμὸν εἴτε δέκα ἀνδράσιν εἴθ’ ὁσοισδήποτ’ ἐπιτρέψατε διαγνῶναι, τίνα τ’ αὐτῆσ δεῖ καὶ ὁπόσην κοινὴν εἶναι πάντων καὶ κατὰ πενταετίαν μισθουμένην αὔξειν τὰσ τοῦ ταμιείου προσόδουσ· ὁπόσην τ’ αὖ καὶ ἥντινα τοῖσ δημόταισ ἡμῶν διαιρεθῆναι· ἣν δ’ ἂν ἐκεῖνοι κληροῦχον ἀποδείξωσι γῆν, ὑμᾶσ διαγνόντασ εἴθ’ ἅπασιν εἴθ’ οἷσ δὴ οὐκέτ’ ἔστι κλῆροσ εἴτε τοῖσ ἐλάχιστον ἔχουσι τίμημα εἴθ’ ὅπωσ ἂν βούλησθε κατανεῖμαι· τοὺσ δ’ ὁριστὰσ αὐτῆσ ἄνδρασ καὶ τὸ ὑμέτερον ψήφισμα, ὃ περὶ τῆσ κληρουχίασ ἐξοίσετε, καὶ τἆλλα, ὅσα δεῖ γενέσθαι, ἐπειδὴ βραχὺσ ὁ λειπόμενόσ ἐστι τῆσ ἀρχῆσ τοῖσ ὑπάτοισ χρόνοσ, τοὺσ εἰσιόντασ ὑπάτουσ, ὡσ ἂν αὐτοῖσ κράτιστα δοκῇ ἕξειν, ἐπιτελέσαι.

οὔτε γὰρ ὀλίγων τηλικαῦτα πράγματα δεῖται χρόνων, οὔτε ἡ νῦν στασιάζουσα ἀρχὴ φρονιμώτερον ἂν καταμάθοι τὰ συμφέροντα τῆσ μετ’ αὐτὴν ἀποδειχθησομένησ, ἐὰν ἐκείνη γ’, ὥσπερ ἐλπίζομεν, ὁμονοῇ.

χρήσιμον δὲ πρᾶγμα ἐν πολλοῖσ καὶ ἥκιστα σφαλερὸν ἀναβολή, καὶ πολλὰ ὁ χρόνοσ ἐν ἡμέρᾳ μιᾷ μετατίθησι· καὶ τὸ μὴ στασιάζον ἐν τοῖσ προεστηκόσι τῶν κοινῶν ἁπάντων ἀγαθῶν ἐν ταῖσ πόλεσιν αἴτιον. ἐγὼ μὲν δὴ ταύτην ἀποφαίνομαι γνώμην· εἰ δέ τισ ἄλλο κρεῖττον εἰσηγεῖται, λεγέτω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 75

(디오니시오스, Antiquitates Romanae, Books VII-IX, book 8, chapter 75)

상위

목록

SEARCH

MENU NAVIGATION