헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 17)

ἐν ἑορταῖσ καὶ εὐπαθείαισ τόν τε Μάρκιον ἀγάμενοι καὶ ὑμνοῦντεσ διετέλουν, ὡσ εἰή τά τε πολέμια δεινότατοσ ἀνθρώπων καὶ στρατηγόσ, οἱο͂σ οὔτε Ῥωμαῖοσ οὔτε ἄλλοσ Ἑλλήνων ἢ βαρβάρων οὐδείσ. μάλιστα δὲ τῆσ τύχησ αὐτὸν ἐμακάριζον ἅπαντα, ὅσοισ ἐπιχειρήσειε, κατὰ γνώμην αὐτῷ προχωροῦντα ὁρῶντεσ δίχα πόνου·

ὥστ’ οὐδεὶσ ἦν τῶν ἐχόντων τὴν στρατεύσιμον ἡλικίαν, ὃσ ἀπολείπεσθαι τοῦ ἀνδρὸσ ἠξίου, ἀλλὰ πάντεσ ὡρ́μηντο μετέχειν τῶν πράξεων καὶ συνῄεσαν ὡσ αὐτὸν ἐξ ἁπάσησ πόλεωσ. ὁ δὲ στρατηγόσ, ἐπειδὴ τὴν προθυμίαν τῶν Οὐολούσκων ἐπέρρωσε καὶ τὸ τῶν πολεμίων ἀνδρεῖον εἰσ ταπεινὴν καὶ ἄνανδρον κατέκλεισεν ἀμηχανίαν, ἐπὶ τὰσ συμμαχίδασ αὐτῶν πόλεισ, ὅσαι τὸ πιστὸν διεφύλαττον, ἦγε τὴν δύναμιν·

καὶ αὐτίκα ἑτοιμασάμενοσ, ὅσα εἰσ πολιορκίαν χρήσιμα ἦν, ἐπὶ Τολερίνουσ ἐλαύνει τοῦ Λατίνων ὄντασ ἔθνουσ. οἱ δὲ Τολερῖνοι πρὸ πολλοῦ παρασκευασάμενοι τὰ εἰσ τὸν πόλεμον καὶ τὰ ἐκ τῆσ χώρασ εἰσ τὴν πόλιν συγκεκομικότεσ ἐδέχοντο αὐτὸν ἐπιόντα καὶ χρόνον μέν τιν’ ἀντεῖχον ἀπὸ τῶν τειχῶν μαχόμενοι καὶ πολλοὺσ τῶν πολεμίων κατέτρωσαν·

ἔπειθ’ ὑπὸ τῶν σφενδονητῶν ἀναστελλόμενοι καὶ μέχρι δείλησ ὀψίασ ταλαιπωροῦντεσ πολλὰ μέρη τοῦ τείχουσ ἐξέλιπον.

τοῦτο καταμαθὼν ὁ Μάρκιοσ τοῖσ μὲν ἄλλοισ στρατιώταισ παρήγγειλε κλίμακασ προσφέρειν κατὰ τὰ γυμνούμενα μέρη τοῦ περιβόλου, αὐτὸσ δὲ τοὺσ κρατίστουσ τῆσ στρατιᾶσ ἀναλαβὼν ἐπὶ τὰσ πύλασ ἱέται βαλλόμενοσ ἀπὸ τῶν πύργων, καὶ διαρρήξασ τοὺσ μοχλοὺσ παρέρχεται πρῶτοσ εἰσ τὴν πόλιν. ἦν δ’ ὑφεστηκὸσ ταῖσ πύλαισ πολὺ καὶ καρτερὸν στῖφοσ τῶν πολεμίων, οἳ δέχονταί τ’ αὐτὸν ἐρρωμένωσ καὶ μέχρι πολλοῦ διεκαρτέρουν ἀγωνιζόμενοι·

πολλῶν δ’ ἀναιρεθέντων τρέπονται οἱ λοιποὶ καὶ σκεδασθέντεσ ἔφευγον ἀνὰ τοὺσ στενωπούσ. ὁ δ’ ἠκολούθει κτείνων τοὺσ καταλαμβανομένουσ, ὅσοι μὴ τὰ ὅπλα ῥίψαντεσ εἰσ ἱκεσίασ ἐτράποντο·

ἐν δὲ τούτῳ καὶ οἱ διὰ τῶν κλιμάκων ἀναβαίνοντεσ ἐκράτουν τοῦ τείχουσ.

τοῦτον δὴ τὸν τρόπον ἁλούσησ τῆσ πόλεωσ ἐξελόμενοσ ὁ Μάρκιοσ ἐκ τῶν λαφύρων ὅσα θεοῖσ τ’ ἀναθήματα καὶ κόσμοσ ταῖσ Οὐολούσκων πόλεσιν ἔμελλε γενέσθαι, τὰ λοιπὰ τοῖσ στρατιώταισ ἐφῆκε διαρπάσαι. ἦν δὲ πολλὰ μὲν αὐτόθι σώματα, πολλὰ δὲ χρήματα, πολὺσ δὲ σῖτοσ, ὥστε μὴ ῥᾴδιον εἶναι μιᾷ πάντα ἐκκομίσαι τοὺσ κρατήσαντασ ἡμέρᾳ, ἀλλ’ ἐκ διαδοχῆσ ἄγοντεσ καὶ φέροντεσ τὰ μὲν αὐτοί, τὰ δ’ ἐπὶ τῶν ὑποζυγίων πολὺν ἠναγκάσθησαν διατρῖψαι χρόνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 17

(디오니시오스, Antiquitates Romanae, Books VII-IX, book 8, chapter 17)

상위

목록

SEARCH

MENU NAVIGATION