호흡부호 보기
강세부호 보기
장단부호 보기
작은 Iota 보기
모든 부호 보기
ἐν ἑορταῖσ καὶ εὐπαθείαισ τόν τε Μάρκιον ἀγάμενοι καὶ ὑμνοῦντεσ διετέλουν, ὡσ εἰή τά τε πολέμια δεινότατοσ ἀνθρώπων καὶ στρατηγόσ, οἱο͂σ οὔτε Ῥωμαῖοσ οὔτε ἄλλοσ Ἑλλήνων ἢ βαρβάρων οὐδείσ. μάλιστα δὲ τῆσ τύχησ αὐτὸν ἐμακάριζον ἅπαντα, ὅσοισ ἐπιχειρήσειε, κατὰ γνώμην αὐτῷ προχωροῦντα ὁρῶντεσ δίχα πόνου·
ὥστ’ οὐδεὶσ ἦν τῶν ἐχόντων τὴν στρατεύσιμον ἡλικίαν, ὃσ ἀπολείπεσθαι τοῦ ἀνδρὸσ ἠξίου, ἀλλὰ πάντεσ ὡρ́μηντο μετέχειν τῶν πράξεων καὶ συνῄεσαν ὡσ αὐτὸν ἐξ ἁπάσησ πόλεωσ. ὁ δὲ στρατηγόσ, ἐπειδὴ τὴν προθυμίαν τῶν Οὐολούσκων ἐπέρρωσε καὶ τὸ τῶν πολεμίων ἀνδρεῖον εἰσ ταπεινὴν καὶ ἄνανδρον κατέκλεισεν ἀμηχανίαν, ἐπὶ τὰσ συμμαχίδασ αὐτῶν πόλεισ, ὅσαι τὸ πιστὸν διεφύλαττον, ἦγε τὴν δύναμιν·
καὶ αὐτίκα ἑτοιμασάμενοσ, ὅσα εἰσ πολιορκίαν χρήσιμα ἦν, ἐπὶ Τολερίνουσ ἐλαύνει τοῦ Λατίνων ὄντασ ἔθνουσ. οἱ δὲ Τολερῖνοι πρὸ πολλοῦ παρασκευασάμενοι τὰ εἰσ τὸν πόλεμον καὶ τὰ ἐκ τῆσ χώρασ εἰσ τὴν πόλιν συγκεκομικότεσ ἐδέχοντο αὐτὸν ἐπιόντα καὶ χρόνον μέν τιν’ ἀντεῖχον ἀπὸ τῶν τειχῶν μαχόμενοι καὶ πολλοὺσ τῶν πολεμίων κατέτρωσαν·
ἔπειθ’ ὑπὸ τῶν σφενδονητῶν ἀναστελλόμενοι καὶ μέχρι δείλησ ὀψίασ ταλαιπωροῦντεσ πολλὰ μέρη τοῦ τείχουσ ἐξέλιπον.
τοῦτο καταμαθὼν ὁ Μάρκιοσ τοῖσ μὲν ἄλλοισ στρατιώταισ παρήγγειλε κλίμακασ προσφέρειν κατὰ τὰ γυμνούμενα μέρη τοῦ περιβόλου, αὐτὸσ δὲ τοὺσ κρατίστουσ τῆσ στρατιᾶσ ἀναλαβὼν ἐπὶ τὰσ πύλασ ἱέται βαλλόμενοσ ἀπὸ τῶν πύργων, καὶ διαρρήξασ τοὺσ μοχλοὺσ παρέρχεται πρῶτοσ εἰσ τὴν πόλιν. ἦν δ’ ὑφεστηκὸσ ταῖσ πύλαισ πολὺ καὶ καρτερὸν στῖφοσ τῶν πολεμίων, οἳ δέχονταί τ’ αὐτὸν ἐρρωμένωσ καὶ μέχρι πολλοῦ διεκαρτέρουν ἀγωνιζόμενοι·
πολλῶν δ’ ἀναιρεθέντων τρέπονται οἱ λοιποὶ καὶ σκεδασθέντεσ ἔφευγον ἀνὰ τοὺσ στενωπούσ. ὁ δ’ ἠκολούθει κτείνων τοὺσ καταλαμβανομένουσ, ὅσοι μὴ τὰ ὅπλα ῥίψαντεσ εἰσ ἱκεσίασ ἐτράποντο·
ἐν δὲ τούτῳ καὶ οἱ διὰ τῶν κλιμάκων ἀναβαίνοντεσ ἐκράτουν τοῦ τείχουσ.
τοῦτον δὴ τὸν τρόπον ἁλούσησ τῆσ πόλεωσ ἐξελόμενοσ ὁ Μάρκιοσ ἐκ τῶν λαφύρων ὅσα θεοῖσ τ’ ἀναθήματα καὶ κόσμοσ ταῖσ Οὐολούσκων πόλεσιν ἔμελλε γενέσθαι, τὰ λοιπὰ τοῖσ στρατιώταισ ἐφῆκε διαρπάσαι. ἦν δὲ πολλὰ μὲν αὐτόθι σώματα, πολλὰ δὲ χρήματα, πολὺσ δὲ σῖτοσ, ὥστε μὴ ῥᾴδιον εἶναι μιᾷ πάντα ἐκκομίσαι τοὺσ κρατήσαντασ ἡμέρᾳ, ἀλλ’ ἐκ διαδοχῆσ ἄγοντεσ καὶ φέροντεσ τὰ μὲν αὐτοί, τὰ δ’ ἐπὶ τῶν ὑποζυγίων πολὺν ἠναγκάσθησαν διατρῖψαι χρόνον.
호흡부호 보기
강세부호 보기
장단부호 보기
작은 Iota 보기
모든 부호 보기