헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 2)

ἔτι δ’ αὐτοῦ ταῦτα λέγοντοσ ἐμβαλὼν τὴν δεξιὰν ὁ Τύλλοσ καὶ ἀπὸ τῆσ ἑστίασ ἀναστήσασ θαρρεῖν τ’ αὐτὸν ἐκέλευσεν, ὡσ μηδὲν ἀνάξιον τῆσ ἰδίασ ἀρετῆσ πεισόμενον καὶ πολλὰσ αὐτῷ χάριτασ εἰδέναι τῆσ πρὸσ ἑαυτὸν ἀφίξεωσ ἔφη, τιμήν τινα οὐ μικρὰν εἶναι καὶ ταύτην ἀποφαινόμενοσ· Οὐολούσκουσ τ’ αὐτῷ πάντασ ὑπισχνεῖτο ποιήσειν φίλουσ ἀρξάμενοσ ἀπὸ τῆσ ἑαυτοῦ πατρίδοσ· καὶ οὐδεμίαν ἐψεύσατο τῶν ὑποσχέσεων. χρόνου δέ τινοσ οὐ πολλοῦ διελθόντοσ βουλευομένοισ τοῖσ ἀνδράσι κατὰ σφᾶσ, Μαρκίῳ τε καὶ Τύλλῳ, κινεῖν ἐδόκει τὸν πόλεμον.

ὁ μὲν οὖν Τύλλοσ αὐτίκα μάλα ἐβούλετο πᾶσαν τὴν Οὐολούσκων δύναμιν παραλαβὼν ἐπὶ τὴν Ῥώμην χωρεῖν, ἑώσ ἐστασίαζέ τε καὶ ἡγεμόνασ ἀπολέμουσ εἶχεν, ὁ δὲ Μάρκιοσ αἰτίαν πρῶτον ᾤετο δεῖν εὐσεβῆ καὶ δικαίαν ἐνστήσασθαι τοῦ πολέμου διδάσκων, ὡσ ἁπάσαισ μὲν πράξεσι θεοὶ συλλαμβάνουσι, μάλιστα δὲ ταῖσ κατὰ πολέμουσ, ὅσῳ μείζουσ τέ εἰσι τῶν ἄλλων καὶ εἰσ ἀδήλουσ φιλοῦσι κατασκήπτειν τύχασ. Οὐολούσκοισ ἐκεχειρίαι τοῦ πολέμου καὶ ἀνοχαὶ πρὸσ ἀλλήλουσ οὖσαι σπονδαί τε διετεῖσ ὀλίγῳ πρότερον χρόνῳ γενόμεναι.

ἐὰν μὲν οὖν ἀπερισκέπτωσ, ἔφη, καὶ διὰ τάχουσ τὸν πόλεμον ἐπιφέρῃσ, τοῦ λελύσθαι τὰσ σπονδὰσ αἴτιοσ ἔσῃ καὶ τὸ δαιμόνιον οὐχ ἕξεισ εὐμενέσ·

ἐὰν δὲ περιμείνῃσ, ἑώσ ἐκεῖνοι τοῦτο ποιήσωσιν, ἀμύνεσθαι δόξεισ καὶ λελυμέναισ σπονδαῖσ βοηθεῖν. ὅπωσ δ’ ἂν τοῦτο γένοιτο, καὶ ὅπωσ ἂν ἐκεῖνοι μὲν ἄρξειαν παρασπονδεῖν, ἡμεῖσ δὲ δόξαιμεν ὅσιον καὶ δίκαιον ἐπιφέρειν τὸν πόλεμον, ἐγὼ σὺν πολλῇ φροντίδι ἀνεύρηκα. δεῖ δ’ ὑφ’ ἡμῶν αὐτοὺσ ἐξαπατηθέντασ ἄρξαι τῆσ παρανομίασ. ὁ δὲ τρόποσ τῆσ ἐξαπάτησ, ὃν ἐγὼ τέωσ μὲν ἀπόρρητον ἐφύλαττον ἀναμένων τὸν οἰκεῖον αὐτοῦ καιρόν, νῦν δὲ σοῦ σπουδάζοντοσ ἔργου ἔχεσθαι θᾶττον ἐκφέρειν εἰσ μέσον ἀναγκάζομαι, τοιόσδε ἐστίν·

θυσίασ ἐπιτελεῖν Ῥωμαῖοι μέλλουσι καὶ ἀγῶνασ ἄγειν ἀπὸ πολλῶν χρημάτων σφόδρα λαμπρούσ, ἀφίξονταί τε κατὰ θέαν ἐπὶ τούτουσ πολλοὶ τῶν ξένων. τοῦτον ἀναμείνασ τὸν χρόνον ἴθι καὶ σὺ καὶ Οὐολούσκων ὅσουσ δύνασαι πλείστουσ παρασκεύασον ἐλθεῖν ἐπὶ τὴν θέαν·

ὅταν δ’ ἐν τῇ πόλει γένῃ, τῶν ἀναγκαιοτάτων τινά σοι φίλων κέλευσον ἐλθεῖν ὡσ τοὺσ ὑπάτουσ καὶ δι’ ἀπορρήτων εἰπεῖν, ὅτι μέλλουσιν ἐπιτίθεσθαι τῇ πόλει Οὐολοῦσκοι νύκτωρ, καὶ ἐπὶ τοῦθ’ ἥκουσι τὸ ἔργον ἀθρόοι.

εὖ γὰρ ἴσθι, ὡσ εἰ τοῦτ’ ἀκούσειαν οὐδὲν ἔτι ἐνδοιάσαντεσ ἐκβαλοῦσιν ὑμᾶσ ἐκ τῆσ πόλεωσ καὶ παρέξουσιν ἀφορμὴν δικαίασ ὀργῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 2

(디오니시오스, Antiquitates Romanae, Books VII-IX, book 8, chapter 2)

상위

목록

SEARCH

MENU NAVIGATION