Dionysius of Halicarnassus, Antiquitates Romanae, Books VII-IX, book 8, chapter 88

(디오니시오스, Antiquitates Romanae, Books VII-IX, book 8, chapter 88)

τότε δ’ οὖν οἱ δημόται τῆσ δημαρχικῆσ ἐξουσίασ οὐδὲν ἀπολαύοντεσ ὑφεῖντο τοῦ θράσουσ καὶ προσιόντεσ τοῖσ ἐπὶ τῆσ στρατολογίασ τεταγμένοισ τὸν ἱερὸν ὁρ́κον ὤμνυσαν, καὶ ὑπὸ τὰσ σημαίασ κατεγράφοντο. ἐπεὶ δὲ τὸ ἐλλιπὲσ τῶν λόχων ἐξεπληρώθη, διεκληρώσαντο τὰσ ἡγεμονίασ τῶν στρατοπέδων οἱ ὕπατοι·

καὶ ὁ μὲν Φάβιοσ τὴν ἐπὶ τῇ βοηθείᾳ τῶν συμμάχων ἀποσταλεῖσαν δύναμιν παρελάμβανεν, ὁ δὲ Οὐαλέριοσ τὴν ἐν Οὐολούσκοισ στρατοπεδεύουσαν ἄγων τοὺσ νεωστὶ καταγραφέντασ. μαθοῦσι δὲ τὴν παρουσίαν αὐτοῦ τοῖσ πολεμίοισ ἐδόκει στρατιάν θ’ ἑτέραν μεταπέμπεσθαι καὶ ἐν ἰσχυροτέρῳ τὸ στρατόπεδον ποιήσασθαι χωρίῳ καὶ μηδὲν ἐκ τοῦ καταφρονεῖν αὐτῶν ἔτι προπετὲσ κινδύνευμα ὡσ πρότερον ὑπομένειν.

ἐγεγόνει ταῦτα διὰ ταχέων, ἀμφοτέροισ τε παρέστη τοῖσ ἡγεμόσι τῶν δυνάμεων ὁμοία περὶ τοῦ πολέμου γνώμη, τὰ ἑαυτῶν φυλάττειν ἐρύματα, ἐάν τισ ἐπίῃ, τοῖσ δὲ τῶν πολεμίων ὡσ βίᾳ κρατηθησομένοισ μὴ ἐπιχειρεῖν. καὶ ὁ διὰ μέσου χρόνοσ οὐκ ὀλίγοσ ἐγένετο φόβῳ τῶν ἐπιχειρήσεων τριβόμενοσ·

οὐ μέντοι καὶ εἰσ τέλοσ γε διαμένειν ἐν τοῖσ ἐγνωσμένοισ ἐδυνήθησαν. ὁπότε γὰρ ἐπισιτισμοῦ χάριν ἢ τῶν ἄλλων ἐπιτηδείων τινόσ, ὧν ἀμφοτέροισ ἔδει, μοῖρά τισ ἀποσταλείη τῆσ στρατιᾶσ, συμβολαί τ’ αὐτῶν ἐγίνοντο καὶ πληγαί, καὶ τὸ νικᾶν οὐκ ἀεὶ παρὰ τοῖσ αὐτοῖσ ἔμενε· πολλάκισ δὲ συμπλεκομένων ἀλλήλοισ ἀπέθνησκόν τ’ οὐκ ὀλίγοι καὶ τραυματίαι πλείουσ ἐγίνοντο.

τοῖσ μὲν οὖν Ῥωμαίοισ τὸ ἀπαναλούμενον τῆσ στρατιᾶσ οὐδεμία ποθὲν ἐπικουρία ἐξεπλήρου, τὸ δὲ τῶν Οὐολούσκων στρατόπεδον ἄλλων ἐπ’ ἄλλοισ ἡκόντων πολλὴν αὔξησιν ἐλάμβανε·

καὶ τούτῳ ἐπαρθέντεσ οἱ ἡγεμόνεσ ἐξῆγον ἐκ τοῦ χάρακοσ τὴν δύναμιν ὡσ εἰσ μάχην.

일치하는 문장이 없습니다.

SEARCH

MENU NAVIGATION