헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 65)

Ἀκύλλιοσ μὲν οὖν ἅτεροσ τῶν ὑπάτων ἐν τῇ Πραινεστηνῶν χώρᾳ τὸν Ἑρνίκων στρατὸν ὑπομένοντα καταλαβὼν ἀντικατεστρατοπέδευσεν ὡσ ἐδύνατο μάλιστ’ ἀγχοτάτω σταδίουσ ἀπὸ τῆσ Ῥώμησ ἀποσχὼν ὀλίγῳ πλείουσ διακοσίων· τρίτῃ δ’ ἀφ’ ἧσ κατεστρατοπέδευσεν ἡμέρᾳ, προελθόντων ἐκ τοῦ χάρακοσ τῶν Ἑρνίκων εἰσ τὸ πεδίον ἐν τάξει καὶ τὰ σημεῖ̓ ἀράντων τῆσ μάχησ, ἀντεξῆγε καὶ αὐτὸσ τὴν δύναμιν ἐν κόσμῳ τε καὶ κατὰ τέλη. ἐπεὶ δ’ ἀγχοῦ ἐγένοντο ἀλλήλων ἔθεον ἀλαλάξαντεσ ὁμόσε, πρῶτον μὲν οἱ ψιλοὶ σαυνίων τε βολαῖσ καὶ τοξεύμασι καὶ λίθοισ ἀπὸ σφενδόνησ μαχόμενοι, καὶ πολλὰ τραύματα ἔδοσαν ἀλλήλοισ·

ἔπειτα ἱππεῖσ ἱππεῦσι συρράττουσι κατ’ ἴλασ ἐλαύνοντεσ καὶ τὸ πεζὸν τῷ πεζῷ κατὰ σπείρασ μαχόμενον. ἔνθα δὴ καλὸσ ἀγὼν ἦν ἐκθύμωσ ἀμφοτέρων ἀγωνιζομένων, καὶ μέχρι πολλοῦ διέμενον οὐδέτεροι τοῖσ ἑτέροισ τοῦ χωρίου, ἐν ᾧ ἐτάχθησαν, εἴκοντεσ.

ἔπειτα ἡ Ῥωμαίων ἤρξατο κάμνειν φάλαγξ, οἱᾶ διὰ πολλοῦ τοῦ μεταξὺ χρόνου τότε πρῶτον ἠναγκασμένη ὁμιλεῖν πολέμῳ. τοῦτο συνιδὼν Ἀκύλλιοσ ἐκέλευσε τοὺσ ἀκμῆτασ ἔτι καὶ εἰσ αὐτὸ τοῦτο φυλαττομένουσ ὑπὸ τὰ κάμνοντα τῆσ φάλαγγοσ ὑπελθεῖν μέρη, τοὺσ δὲ τραυματίασ καὶ τοὺσ ἀπειρηκότασ ὀπίσω τῆσ φάλαγγοσ ἀπιέναι.

οἱ δ’ Ἕρνικεσ ὡσ ἔμαθον κινουμένουσ αὐτῶν τοὺσ λόχουσ φυγῆσ τ’ ἄρχειν τοὺσ Ῥωμαίουσ ὑπέλαβον, καὶ παρακελευσάμενοι ἀλλήλοισ ἐμβάλλουσι πυκνοῖσ τοῖσ λόχοισ εἰσ τὰ κινούμενα τῶν πολεμίων μέρη, καὶ οἱ ἀκραιφνεῖσ τῶν Ῥωμαίων ἐπιόντασ αὐτοὺσ δέχονται· καὶ ἦν αὖθισ ἐξ ὑπαρχῆσ ἀμφοτέρων ἐκθύμωσ ἀγωνιζομένων μάχη καρτερά· καὶ γὰρ καὶ οἱ τῶν Ἑρνίκων ἐξεπληροῦντο λόχοι τοῖσ ἀκμῆσιν ὑποπεμπομένοισ εἰσ τὰ κάμνοντα ὑπὸ τῶν ἡγεμόνων. ἐπειδὴ δὲ περὶ δείλην ὀψίαν ἦν ἤδη, παρακαλέσασ τοὺσ ἱππεῖσ ὁ ὕπατοσ νυνὶ δὴ ἄνδρασ ἀγαθοὺσ γενέσθαι, ἐμβάλλει τοῖσ πολεμίοισ κατὰ τὸ δεξιὸν κέρασ αὐτὸσ ἡγούμενοσ τῆσ ἴλησ.

οἱ δ’ ὀλίγον τινὰ δεξάμενοι χρόνον αὐτοὺσ ἐγκλίνουσι, καὶ γίνεται φόνοσ ἐνταῦθα πολύσ.

τὸ μὲν οὖν δεξιὸν τῶν Ἑρνίκων κέρασ ἐπόνει τ’ ἤδη καὶ ἐξέλειπε τὴν τάξιν, τὸ δ’ εὐώνυμον ἔτι ἀντεῖχε καὶ περιῆν τοῦ Ῥωμαίων δεξιοῦ· μετ’ ὀλίγον μέντοι καὶ τοῦτ’ ἐνέδωκεν. ὁ γὰρ Ἀκύλλιοσ τοὺσ ἀρίστουσ τῶν νέων ἐπαγόμενοσ παρεβοήθει κἀκεῖ παραθαρρύνων τε καὶ ἐξ ὀνόματοσ ἀνακαλῶν τοὺσ εἰωθότασ ἐν ταῖσ πρὶν ἀριστεύειν μάχαισ, τά τε σημεῖα τῶν λόχων, ὅσοι μὴ ἐρρωμένωσ ἐδόκουν ἀμύνεσθαι, παρὰ τῶν σημειοφόρων ἁρπάζων εἰσ μέσουσ ἐρρίπτει τοὺσ πολεμίουσ, ἵνα τὸ δέοσ αὐτοὺσ τῆσ ἐννόμου τιμωρίασ, εἰ μὴ ἀνασώσαιντο τὰσ σημαίασ, ἄνδρασ ἀγαθοὺσ εἶναι ἀναγκάσῃ·

τῷ τε κάμνοντι αὐτὸσ παρεβοήθει μέρει ἀεί, τέωσ ἐξέωσε τῆσ στάσεωσ καὶ θάτερον κέρασ. ψιλωθέντων δὲ τῶν ἄκρων οὐδὲ τὰ μέσα παρέμεινε.

φυγὴ δὴ τῶν Ἑρνίκων τὸ μετὰ τοῦτ’ ἐγίνετο ἐπὶ τὸν χάρακα τεταραγμένη τε καὶ ἄκοσμοσ, καὶ οἱ Ῥωμαῖοι αὐτοῖσ κτείνοντεσ ἠκολούθουν.

τοσαύτη δ’ ἄρα προθυμία παρὰ τὸν τότ’ ἀγῶνα τῇ Ῥωμαίων στρατιᾷ ἐνέπεσεν, ὥστε καὶ τοῦ χάρακοσ τῶν πολεμίων πειρᾶσθαί τινασ ἐπιβαίνειν ὡσ ἐξ ἐφόδου χειρωσομένουσ· ὧν οὐκ ἀσφαλῆ τὴν προθυμίαν οὐδ’ ἐν τῷ συμφέροντι γιγνομένην ὁρῶν ὁ ὕπατοσ, σημαίνειν κελεύσασ τὸ ἀνακλητικὸν κατεβίβασε τοὺσ ὁμόσε χωροῦντασ ἄκοντασ ἀπὸ τῶν ἐρυμάτων, δείσασ, μὴ ἐξ ὑπερδεξιῶν βαλλόμενοι σὺν αἰσχύνῃ τε καὶ μετὰ μεγάλησ βλάβησ ἀναγκασθῶσιν ὑποχωρεῖν, ἔπειτα καὶ τὴν ἐκ τῆσ προτέρασ νίκησ εὔκλειαν ἀφανίσωσι. τότε μὲν οὖν ἤδη γὰρ ἦν περὶ δύσιν ἡλίου· χαίροντέσ τε καὶ παιανίζοντεσ οἱ Ῥωμαῖοι κατεστρατοπέδευσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 65

(디오니시오스, Antiquitates Romanae, Books VII-IX, book 8, chapter 65)

상위

목록

SEARCH

MENU NAVIGATION