Dionysius of Halicarnassus, Antiquitates Romanae, Books VII-IX, book 8, chapter 77

(디오니시오스, Antiquitates Romanae, Books VII-IX, book 8, chapter 77)

τῷ δ’ ἑξῆσ ἐνιαυτῷ τῆσ ἑβδομηκοστῆσ καὶ τετάρτησ ὀλυμπιάδοσ ἐνεστώσησ, ἣν ἐνίκα στάδιον Ἄστυλοσ Συρακούσιοσ, Ἀθήνησι δ’ ἄρχων ἦν Λεώστρατοσ, Κοΐντου Φαβίου καὶ Σερουίου Κορνηλίου τὴν ὑπατείαν παρειληφότων, ἄνδρεσ ἐκ τῶν πατρικίων νέοι μὲν ἔτι τὴν ἡλικίαν, ἐπιφανέστατοι δὲ τῶν ἄλλων κατά γ’ ἀξιώσεισ προγόνων, καὶ διὰ τὰσ ἑταιρίασ τε καὶ πλούτουσ μέγα δυνάμενοι, καὶ ὡσ νέοι τὰ πολιτικὰ πράττειν οὐδενὸσ τῶν ἐν ἀκμῇ χείρουσ, Καίσων Φάβιοσ, ἀδελφὸσ τοῦ τότε ὑπατεύοντοσ, καὶ Λεύκιοσ Οὐαλέριοσ Ποπλικόλασ, ἀδελφὸσ τοῦ καταλύσαντοσ τοὺσ βασιλεῖσ, τὴν ταμιευτικὴν ἔχοντεσ ἐξουσίαν κατὰ τὸν αὐτὸν χρόνον, καὶ διὰ τοῦτ’ ἐκκλησίαν συνάγειν ὄντεσ κύριοι, τὸν ὑπατεύσαντα τῷ πρόσθεν ἐνιαυτῷ Σπόριον Κάσσιον καὶ τολμήσαντα τοὺσ περὶ τῆσ διανομῆσ εἰσηγήσασθαι νόμουσ εἰσήγγειλαν εἰσ τὸν δῆμον ἐπὶ τυραννίδοσ αἰτίᾳ· καὶ προειπόντεσ ἡμέραν ῥητὴν ἐκάλουν αὐτὸν ὡσ ἐπὶ τοῦ δήμου τὴν δίκην ἀπολογησόμενον.

ὄχλου δὲ πλείστου συναχθέντοσ εἰσ τὴν ἀποδειχθεῖσαν ἡμέραν συγκαλέσαντεσ εἰσ ἐκκλησίαν τὸ πλῆθοσ τά τ’ ἐμφανῆ τοῦ ἀνδρὸσ ἔργα ὡσ ἐπ’ οὐδενὶ χρηστῷ γενόμενα διεξῄεσαν·

ὅτι Λατίνοισ μὲν πρῶτον, οἷσ ἀπέχρη πολιτείασ κοινῆσ ἀξιωθῆναι μέγα εὐτύχημα ἡγουμένοισ, εἰ καὶ ταύτησ τύχοιεν, οὐ μόνον ἣν ᾔτουν πολιτείαν ὕπατοσ ὢν ἐχαρίσατο, ἀλλ’ ἔτι καὶ τῶν ἐκ τοῦ πολέμου λαφύρων, ἐὰν κοινὴ γένηται στρατεία, τὴν τρίτην ἐψηφίσατο δίδοσθαι· ἔπειθ’ Ἕρνικασ, οὓσ πολέμῳ χειρωθέντασ ἀγαπᾶν ἐχρῆν, εἰ μὴ καὶ τῆσ αὐτῶν χώρασ ἀφαιρέσει τινὶ ζημιωθεῖεν, φίλουσ μὲν ἀνθ’ ὑπηκόων ἐποίησε, πολίτασ δ’ ἀνθ’ ὑποτελῶν, γῆσ τε καὶ λείασ, ἣν ἂν ἐκ παντὸσ κτήσωνται, τὴν ἑτέραν ἔταξε λαμβάνειν τρίτην μερίδα. ὥστε μεριζομένων εἰσ τρεῖσ κλήρουσ τῶν λαφύρων τοὺσ μὲν ὑπηκόουσ τε καὶ ἐπήλυδασ διμοιρίασ λαμβάνειν, τοὺσ δ’ αὐθιγενεῖσ καὶ ἡγεμόνασ τρίτην μερίδα.

ἐκ δὲ τούτου δυεῖν τῶν ἀτοπωτάτων θάτερον ἐπεδείκνυσαν αὐτοῖσ συμβησόμενον, ἐάν τινασ ἑτέρουσ διὰ πολλὰσ καὶ μεγάλασ εὐεργεσίασ προέλωνται ταῖσ αὐταῖσ τιμῆσαι δωρεαῖσ, αἷσ Λατίνουσ τ’ ἐτίμησαν καὶ τοὺσ μηδ’ ὁτιοῦν ἀγαθὸν ἀποδειξαμένουσ Ἕρνικασ.

μιᾶσ γὰρ καταλειπομένησ αὐτοῖσ τρίτησ μερίδοσ, ἢ οὐχ ἕξειν, ὅ τι δώσουσιν ἐκείνοισ μέροσ ἢ τὰ ὅμοια ψηφισαμένουσ μηδὲν ἑαυτοῖσ καταλείψειν.

일치하는 문장이 없습니다.

SEARCH

MENU NAVIGATION