헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 39)

αἱ δὲ γυναῖκεσ αὐτῶν, ὡσ ἐγγὺσ ὄντοσ ἤδη τοῦ δεινοῦ, καταλιποῦσαι τῆσ οἴκοι μονῆσ τὸ εὐπρεπὲσ ἔθεον ἐπὶ τὰ τεμένη τῶν θεῶν ὀλοφυρόμεναί τε καὶ προκυλιόμεναι τῶν ξοάνων· καὶ ἦν ἅπασ μὲν ἱερὸσ τόποσ οἰμωγῆσ τε καὶ ἱκετείασ γυναικῶν ἀνάπλεωσ, μάλιστα δὲ τὸ τοῦ Καπετωλίου Διὸσ ἱερόν. ἔνθα δή τισ αὐτῶν γένει τε καὶ ἀξιώματι προὔχουσα καὶ ἡλικίασ ἐν τῷ κρατίστῳ τότ’ οὖσα καὶ φρονῆσαι τὰ δέοντα ἱκανωτάτη, Οὐαλερία μὲν ὄνομα, Ποπλικόλα δὲ τοῦ συνελευθερώσαντοσ ἀπὸ τῶν βασιλέων τὴν πόλιν ἀδελφή, θείῳ τινὶ παραστήματι κινηθεῖσα ἐπὶ τῆσ ἀνωτάτω κρηπῖδοσ ἔστη τοῦ νεὼ καὶ προσκαλεσαμένη τὰσ ἄλλασ γυναῖκασ πρῶτον μὲν παρεμυθήσατο καὶ παρεθάρρυνεν ἀξιοῦσα μὴ καταπεπλῆχθαι τὸ δεινόν·

ταύτην δ’ ἐν αὐταῖσ εἶναι μόναισ καταλειπομένην, ἐὰν ἐθελήσωσι πράττειν, ἃ δεῖ.

καί τισ εἶπεν ἐξ αὐτῶν· καὶ τί πράττουσαι ἂν ἡμεῖσ αἱ γυναῖκεσ διασῶσαι δυνηθείημεν τὴν πατρίδα τῶν ἀνδρῶν ἀπειρηκότων;

τίσ ἡ τοσαύτη περὶ ἡμᾶσ τὰσ ἀσθενεῖσ καὶ ταλαιπώρουσ ἐστὶν ἰσχύσ; οὐχὶ ὅπλων, ἔφησεν ἡ Οὐαλερία, καὶ χειρῶν δεομένη· τούτων μὲν γὰρ ἀπολέλυκεν ἡμᾶσ ἡ φύσισ· ἀλλ’ εὐνοίασ καὶ λόγου. βοῆσ δὲ μετὰ τοῦτο γενομένησ καὶ δεομένων ἁπασῶν φανερὸν ποιεῖν, ἥτισ ἐστὶν ἡ ἐπικουρία, λέγει πρὸσ αὐτάσ· ταύτην ἔχουσαι τὴν πιναράν τε καὶ ἄκοσμον ἐσθῆτα καὶ τὰσ ἄλλασ παραλαβοῦσαι γυναῖκασ καὶ τὰ τέκνα ἐπαγόμεναι βαδίζωμεν ἐπὶ τὴν Οὐετουρίασ τῆσ Μαρκίου μητρὸσ οἰκίαν·

καὶ πρὸ τῶν γονάτων αὐτῆσ τὰ τέκνα θεῖσαι, δεώμεθα μετὰ δακρύων ἡμᾶσ τ’ οἰκτείρασαν τὰσ μηθενὸσ κακοῦ αἰτίασ καὶ τὴν ἐν ἐσχάτοισ κινδύνοισ οὖσαν πατρίδα προελθεῖν ἐπὶ τὸν χάρακα τῶν πολεμίων, ἄγουσαν τούσ θ’ υἱωνοὺσ καὶ τὴν μητέρα αὐτῶν καὶ ἡμᾶσ ἁπάσασ· ἀκολουθῶμεν γὰρ αὐτῇ τὰ παιδία ἐπαγόμεναι· ἔπειτα ἱκέτιν γενομένην τοῦ τέκνου, ἀξιοῦν καὶ δεῖσθαι μηδὲν ἀνήκεστον κατὰ τῆσ πατρίδοσ ἐξεργάσασθαι. ὀλοφυρομένησ γὰρ αὐτῆσ καὶ ἀντιβολούσησ οἶκτόσ τισ εἰσελεύσεται τὸν ἄνδρα καὶ λογισμὸσ ἥμεροσ.

οὐχ οὕτω στερρὰν καὶ ἄτρωτον ἔχει καρδίαν, ὥστ’ ἀνασχέσθαι μητέρα πρὸσ τοῖσ ἑαυτοῦ γόνασι κυλιομένην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 39

(디오니시오스, Antiquitates Romanae, Books VII-IX, book 8, chapter 39)

상위

목록

SEARCH

MENU NAVIGATION