헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 91)

ἐπὶ τῆσ τούτων ἀρχῆσ Αἰκανοὶ μὲν εἰσ τὴν Λατίνων χώραν ἐμβαλόντεσ ἀπήλασαν ἀνδράποδα καὶ βοσκήματα πολλὰ λῃστρικῇ ἐφόδῳ χρησάμενοι· Τυρρηνῶν δ’ οἱ καλούμενοι Οὐιεντανοὶ τῆσ Ῥωμαίων γῆσ πολλὴν ἠδίκησαν προνομαῖσ. τῆσ δὲ βουλῆσ τὸν μὲν πρὸσ Αἰκανοὺσ πόλεμον εἰσ ἕτερον ἀναβαλομένησ χρόνον, παρὰ δὲ Οὐιεντανῶν δίκασ αἰτεῖν ψηφισαμένησ, Αἰκανοὶ μὲν ἐπειδὴ τὰ πρῶτα αὐτοῖσ κατὰ νοῦν ἐχώρησε, καὶ οὐθεὶσ ὁ κωλύσων τὰ λοιπὰ ἐφαίνετο, θράσει ἐπαρθέντεσ ἀλογίστῳ λῃστρικὴν μὲν οὐκέτι στρατείαν ἔγνωσαν ποιεῖσθαι, δυνάμει δὲ βαρείᾳ ἐλάσαντεσ ἐπὶ πόλιν Ὀρτῶνα κατὰ κράτοσ αἱροῦσι· καὶ διαρπάσαντεσ τά τ’ ἐκ τῆσ χώρασ καὶ τὰ τῆσ πόλεωσ ἀπῄεσαν εὐπορίαν πολλὴν ἀγόμενοι.

Οὐιεντανοὶ δὲ πρὸσ τοὺσ ἀπὸ τῆσ Ῥώμησ ἥκοντασ ἀποκρινάμενοι, ὅτι οὐκ ἐξ αὐτῶν εἰήσαν οἱ προνομεύοντεσ τὴν χώραν, ἀλλ’ ἐκ τῶν ἄλλων Τυρρηνῶν, ἀπέλυσαν τοὺσ ἄνδρασ οὐθὲν τῶν δικαίων ποιήσαντεσ·

καὶ οἱ πρέσβεισ ἐπιτυγχάνουσι τοῖσ Οὐιεντανοῖσ λείαν ἐκ τῆσ αὐτῶν χώρασ ἄγουσι. ταῦτα παρ’ αὐτῶν ἡ βουλὴ μαθοῦσα πολεμεῖν τ’ ἐψηφίσατο Οὐιεντανοῖσ καὶ τοὺσ ὑπάτουσ ἀμφοτέρουσ ἐξάγειν τὴν στρατιάν. ἐγένετο μὲν οὖν περὶ τοῦ δόγματοσ ἀμφιλογία, καὶ πολλοὶ ἦσαν οἱ τὸν πόλεμον οὐκ ἐῶντεσ ἐκφέρειν τῆσ τε κληρουχίασ ὑπομιμνήσκοντεσ τοὺσ δημοτικούσ, ἧσ γε πέμπτον ἔτοσ ἐψηφισμένησ ὑπὸ τοῦ συνεδρίου κενῇ πιστεύσαντεσ ἐλπίδι ἐξηπάτηντο, καὶ κοινὸν ἀποφαίνοντεσ πόλεμον, εἰ κοινῇ χρήσεται γνώμῃ πᾶσα Τυρρηνία τοῖσ ὁμοεθνέσι βοηθοῦσα.

οὐ μὴν ἴσχυσάν γ’ οἱ τῶν στασιαστῶν λόγοι, ἀλλ’ ἐκύρωσε καὶ ὁ δῆμοσ τὸ τῆσ βουλῆσ δόγμα τῇ Σπορίου Λαρκίου γνώμῃ τε καὶ παρακλήσει χρησάμενοσ.

καὶ μετὰ ταῦτ’ ἐξῆγον τὰσ δυνάμεισ οἱ ὕπατοι· στρατοπεδευσάμενοι δὲ χωρὶσ ἀλλήλων οὐ μακρὰν ἀπὸ τῆσ πόλεωσ καὶ μείναντεσ ἡμέρασ συχνάσ, ἐπειδὴ οὐκ ἀντεξῆγον οἱ πολέμιοι τὰσ δυνάμεισ, προνομεύσαντεσ αὐτῶν τῆσ γῆσ ὅσην ἐδύναντο πλείστην ἀπῆγον ἐπ’ οἴκου τὴν στρατιάν. ἄλλο δ’ ἐπὶ τῆσ τούτων ὑπατείασ λόγου ἄξιον οὐδὲν ἐπράχθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 91

(디오니시오스, Antiquitates Romanae, Books VII-IX, book 8, chapter 91)

상위

목록

SEARCH

MENU NAVIGATION