Dionysius of Halicarnassus, Antiquitates Romanae, Books VII-IX, book 8, chapter 73

(디오니시오스, Antiquitates Romanae, Books VII-IX, book 8, chapter 73)

στασιαζούσαισ ἐκκλησίαισ εἰσφερομένου τοῦ νόμου, συνῆλθον εἰσ τὸ συνέδριον ὡσ ὑπὲρ ἁπάντων ἅπαξ βουλευσόμενοι. Ἄππιοσ μὲν οὖν πρῶτοσ ἐρωτηθεὶσ γνώμην οὐκ εἰά συγχωρεῖν τῷ δήμῳ τὴν διανομὴν διδάσκων, ὡσ χαλεπὸσ ἔσται καὶ ἀλυσιτελὴσ σύνοικοσ ὄχλοσ ἀργὸσ ἐθισθεὶσ τὰ δημόσια λιχνεύειν, καὶ οὐθὲν ἐάσει ποτὲ τῶν κοινῶν οὔτε κτημάτων οὔτε χρημάτων ἔτι κοινὸν μένειν·

αἰσχύνησ τ’ ἄξιον πρᾶγμα εἶναι λέγων, εἰ Κασσίου κατηγοροῦντεσ ὡσ πονηρὰ καὶ ἀσύμφορα πολιτευομένου καὶ τὸν δῆμον διαφθείροντοσ, ἔπειτ’ αὐτοὶ κοινῇ γνώμῃ ταῦτ’ ἐπικυρώσουσιν ὡσ δίκαια καὶ συμφέροντα· ἐνθυμεῖσθαί τ’ αὐτοὺσ ἀξιῶν, ὡσ οὐδ’ ἡ χάρισ ἡ παρὰ τῶν πενήτων, εἰ τὰ κοινὰ διανείμαιντο τοῖσ συγχωρήσασι καὶ ἐπιψηφισαμένοισ, ὑπάρξει, ἀλλ’ ἑνὶ τῷ προθέντι τὴν γνώμην Κασσίῳ καὶ δόξαντι ἠναγκακέναι τὴν βουλὴν ἄκουσαν ἐπικυρῶσαι. προειπὼν δὴ ταῦτα καὶ παραπλήσια τούτοισ ἕτερα τελευτῶν τάδε συνεβούλευσεν·

ἄνδρασ ἐκ τῶν ἐντιμοτάτων βουλευτῶν ἑλέσθαι δέκα, οἵτινεσ ἐπελθόντεσ τὴν δημοσίαν γῆν ἀφοριοῦσι, καὶ εἴ τινα ἐξ αὐτῆσ κλέπτοντεσ ἢ βιαζόμενοί τινεσ ἰδιῶται κατανέμουσιν ἢ ἐπεργάζονται διαγνόντεσ ἀποδώσουσι τῷ δημοσίῳ. τὴν δ’ ὁρισθεῖσαν ὑπ’ ἐκείνων γῆν διαιρεθεῖσαν εἰσ κλήρουσ ὅσουσ δή τινασ καὶ στήλαισ εὐκόσμοισ διαγραφεῖσαν τὴν μὲν ἀπεμποληθῆναι παρῄνει καὶ μάλιστα περὶ ἧσ ἀμφίλογόν τι πρὸσ ἰδιώτασ ἦν, ὥστε τοῖσ ὠνησαμένοισ μὴ εἶναι πρὸσ τοὺσ ἀντιποιησομένουσ ὑπὲρ αὐτῶν κρίσεισ, τὴν δὲ πενταετῆ μισθοῦν χρόνον· τὸ δὲ προσιὸν ἐκ τῶν μισθώσεων ἀργύριον εἰσ τοὺσ ὀψωνιασμοὺσ τῶν στρατευομένων ἀναλοῦσθαι καὶ εἰσ τὰσ μισθώσεισ ὧν οἱ πόλεμοι χορηγιῶν δέονται·

νῦν μὲν γάρ, ἔφησεν, ὁ φθόνοσ τῶν πενήτων ὁ πρὸσ τοὺσ πλουσίουσ, ὅσοι σφετερισάμενοι τὰ κοινὰ διακατέχουσι, δίκαιόσ ἐστι·

καἰ οὐθὲν θαυμαστόν, εἰ τὰ κοινὰ πάντασ διανείμασθαι μᾶλλον ἀξιοῦσιν, ἢ τοὺσ ἀναιδεστάτουσ τε καὶ ὀλίγουσ κατέχειν· ἐὰν δ’ ἀφισταμένουσ αὐτῆσ ὁρῶσι τοὺσ νῦν καρπουμένουσ καὶ τὰ κοινὰ ὄντωσ κοινὰ γινόμενα, παύσονται φθονοῦντεσ ἡμῖν, τήν τ’ ἐπιθυμίαν τῆσ κατ’ ἄνδρα διανομῆσ τῶν ἀγρῶν ἐπανήσουσι μαθόντεσ, ὅτι λυσιτελεστέρα τῆσ μικρᾶσ ἑκάστῳ μερίδοσ ἡ κοινὴ μετὰ πάντων ἔσται κτῆσισ.

διδάσκωμεν γὰρ αὐτούσ, ἔλεγεν, ὅσον τὸ διάφορον, καὶ ὡσ εἷσ μὲν ἕκαστοσ τῶν πενήτων γῄδιον οὐ μέγα λαβὼν καὶ εἰ τύχοι γείτονασ ὀχληροὺσ ἔχων οὔτ’ αὐτὸσ ἱκανὸσ ἔσται τοῦτο γεωργεῖν δι’ ἀπορίαν, οὔτε τὸν μισθωσόμενον ὅτι μὴ τὸν γείτονα εὑρήσει·

εἰ δὲ μεγάλοι κλῆροι ποικίλασ τε καὶ ἀξιολόγουσ ἔχοντεσ γεωργοῖσ ἐργασίασ ὑπὸ τοῦ κοινοῦ μισθοῖντο, πολλὰσ οἴσουσι προσόδουσ· τε καὶ ὀψωνιασμὸν λαμβάνειν, ἢ ἐκ τῶν ἰδίων οἴκων εἰσ τὸ ταμιεῖον ἕκαστον εἰσφέρειν τεθλιμμένων ἔστιν ὅτε τῶν βίων καὶ ἔτι μᾶλλον ἐν τῷ συμπορίζειν τὸ ἀργύριον ἐπιβαρησομένων.

일치하는 문장이 없습니다.

SEARCH

MENU NAVIGATION