Dionysius of Halicarnassus, Antiquitates Romanae, Books VII-IX, book 8, chapter 42

(디오니시오스, Antiquitates Romanae, Books VII-IX, book 8, chapter 42)

ἀλλ’ εἰ καὶ τούτου δεῖσθε ὑμεῖσ, ὦ γυναῖκεσ, καὶ πάντωσ θέλετε ἀσχημονούσασ ἡμᾶσ ἰδεῖν, ὑπολάβετε παρεῖναι πρὸσ αὐτὸν κἀμὲ καὶ Οὐολουμνίαν ἀγούσασ τὰ παιδία· τίνασ ἐρῶ πρῶτον ἡ μήτηρ ἐγὼ πρὸσ αὐτὸν λόγουσ, καὶ τίνα δέησιν ποιήσομαι τοῦ υἱοῦ;

λέγετε καὶ διδάσκετέ με. φείσασθαι παρακαλῶ τῶν ἑαυτοῦ πολιτῶν, ὑφ’ ὧν ἐκ τῆσ πατρίδοσ ἐξελήλαται καὶ μηθὲν ἀδικῶν; οἰκτίρμονα δὲ καὶ συμπαθῆ πρὸσ τοὺσ δημοτικοὺσ γενέσθαι, παρ’ ὧν οὔτ’ ἐλέου μετέσχεν οὔτε συμπαθείασ; ἐγκαταλιπεῖν δ’ ἄρα καὶ προδοῦναι τοὺσ ὑποδεξαμένουσ αὐτοῦ τὴν φυγήν, οἳ πολλὰ καὶ δεινὰ πεπονθότεσ ὑπ’ αὐτοῦ πρότερον, οὐ πολεμίων μῖσοσ, ἀλλὰ φίλων καὶ συγγενῶν εὔνοιαν εἰσ αὐτὸν ἀπεδείξαντο; τίνα ψυχὴν λαβοῦσα ἀξιώσω τὸν υἱὸν τὰ μὲν ἀπολέσαντα φιλεῖν, τὰ δὲ σώσαντα ἀδικεῖν;

οὐκ εἰσὶν οὗτοι μητρὸσ ὑγιαινούσησ λόγοι πρὸσ υἱὸν οὐδὲ γυναικὸσ ἃ δεῖ λογιζομένησ πρὸσ ἄνδρα· ἡμᾶσ αἰτεῖσθαι παρ’ αὐτοῦ, ἀλλ’ ἄφετε τὰσ ἐλεεινάσ, ὡσ πεπτώκαμεν ὑπὸ τῆσ τύχησ, κεῖσθαι ταπεινὰσ μηθὲν ἔτι πλέον ἀσχημονούσασ.

일치하는 문장이 없습니다.

SEARCH

MENU NAVIGATION