헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 27)

εἷσ ἔτι μοι καταλείπεται λόγοσ, ὃν εἰ μὴ μετ’ ὀργῆσ, ἀλλ’ ἐκ λογισμοῦ κρινεῖσ, ὀρθῶσ τ’ εἰρῆσθαι δόξει καὶ παραστήσεταί σοι μεταμέλεια τῶν πραττομένων. τίσ δ’ ἐστιν οὗτοσ ὁ λόγοσ; οὐδενὶ θνητῷ φύντι θεοὶ τῶν μελλόντων ἔσεσθαι βεβαίαν ἐπιστήμην ἔδωκαν ἔχειν, οὐδ’ ἂν εὑρ́οισ ἐκ τοῦ παντὸσ αἰῶνοσ, ὅτῳ πάντα κατὰ νοῦν ἐχώρησε τὰ πράγματα μηδὲν ἐναντιωθείσησ τῆσ τύχησ. καὶ διὰ τοῦτο οἱ φρονήσει προὔχοντεσ ἑτέρων, ἣν ὁ μακρὸσ βίοσ καὶ τὰ πολλὰ μαθήματα φέρει, πρὶν ἐγχειρεῖν ὁτῳδήποτε ἔργῳ, τὸ τέλοσ αὐτοῦ πρῶτον οἰόνται δεῖν σκοπεῖν, οὐ θάτερον μόνον, ὃ βούλονται γενέσθαι σφίσιν, ἀλλὰ καὶ τὸ παρὰ γνώμην ἐκβησόμενον·

μάλιστα δ’ οἱ τῶν πολέμων ἡγεμόνεσ, ὅσῳ μειζόνων τε γίνονται πραγμάτων κύριοι, καὶ τὰσ αἰτίασ τῶν κατορθωμάτων ἢ σφαλμάτων ἅπαντεσ ἐπὶ τούτουσ ἀναφέρουσιν.

ἔπειτ’ ἂν μὲν εὑρ́ωσι μηδεμίαν ἐνοῦσαν ἢ μικρὰσ καὶ ὀλίγασ ἐν τῷ μὴ κατορθῶσαι βλάβασ, ἅπτονται τῶν ἔργων, ἐὰν δὲ πολλὰσ καὶ μεγάλασ, ἀφίστανται. τοῦτο δὴ καὶ σὺ ποίησον καὶ σκόπει πρὸ τῶν ἔργων, ἐὰν σφαλῇσ κατὰ τὸν πόλεμον καὶ μὴ πάντα ὑπάρξῃ, τί συμβήσεταί σοι παθεῖν.

δι’ αἰτίασ μὲν ἔσῃ παρὰ τοῖσ ὑποδεξαμένοισ, μέμψῃ δὲ καὶ αὐτὸσ σεαυτόν, ὡσ μείζοσιν ἐπιχειρήσασ πράγμασιν ἢ δυνατοῖσ· στρατιᾶσ δ’ ἡμετέρασ πάλιν ἐκεῖσε ἀφικομένησ καὶ φθειρούσησ τὴν ἐκείνων γῆν· οὐ γὰρ ἀνεξόμεθα μὴ ἀντιτιμωρούμενοι τοὺσ ἄρξαντασ ἡμᾶσ κακῶσ ποιεῖν· ἐκείνων, οἷσ αἴτιοσ ἔσῃ συμφορῶν μεγάλων, αἰσχρῶσ ἀναιρεθῆναι, ἢ πρὸσ ἡμῶν, οὓσ ἀποκτενῶν τε καὶ δουλωσόμενοσ ἦλθεσ.

τάχα δ’ ἂν ἐκεῖνοι, πρὶν ἐν τῷ παθεῖν τι κακὸν γενέσθαι, διαλύσεισ ποιεῖσθαι πρὸσ ἡμᾶσ ἐπιχειροῦντεσ ἔκδοτον ἀξιώσειαν ἐπὶ τιμωρίᾳ σε παραδιδόναι·

ὃ πολλοὶ βάρβαροί τε καὶ Ἕλληνεσ εἰσ τοιαύτασ καταστάντεσ τύχασ ἠναγκάσθησαν ὑπομεῖναι. ἆρά γε μικρὰ καὶ οὐκ ἄξια λόγου ταῦτ’ εἶναί σοι δοκεῖ καὶ δέον αὐτῶν ὑπεριδεῖν ἢ κακῶν συμπάντων τὰ ἔσχατα παθεῖν;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 27

(디오니시오스, Antiquitates Romanae, Books VII-IX, book 8, chapter 27)

상위

목록

SEARCH

MENU NAVIGATION