Dionysius of Halicarnassus, Antiquitates Romanae, Books VII-IX, book 8, chapter 63

(디오니시오스, Antiquitates Romanae, Books VII-IX, book 8, chapter 63)

ἡμέραισ δ’ ὀλίγαισ ὕστερον ἐξελθόντεσ εἰσ τὴν ὕπαιθρον Ῥωμαῖοι πολλῇ στρατιᾷ τῶν ὑπάτων ἀγόντων ἀμφοτέρων, καὶ προελθόντεσ ἄχρι τῶν ὁρ́ων τῆσ σφετέρασ κατεστρατοπέδευσαν ἐπὶ λόφοισ δυσίν, ἴδιον ἑκατέρου τῶν ὑπάτων στρατόπεδον ἐπὶ τοῖσ ἐρυμνοτάτοισ καταστησαμένου. οὐ μὴν ἔδρασάν γε οὐδὲν οὔτε μεῖζον οὔτ’ ἔλαττον, ἀλλ’ ἀνέστρεψαν ἄπρακτοι, καίτοι καλὰσ ἀφορμὰσ δόντων αὐτοῖσ τῶν πολεμίων δρᾶσαί τι γενναῖον. πρότεροι γὰρ ἔτι τούτων Οὐολοῦσκοί τε καὶ Αἰκανοὶ στρατὸν ἐπὶ τὴν Ῥωμαίων γῆν ἤγαγον γνώμην ποιησάμενοι μὴ ἀνεῖναι τὸν καιρόν, ἀλλ’, ἑώσ ἔτι καταπεπλῆχθαι τὸ ἀντίπαλον ἐδόκουν, χωρεῖν ἐπ’ αὐτό, ὡσ καὶ ἑκούσιον διὰ δέοσ παραστησόμενον.

στασιάσαντεσ δὲ περὶ τῆσ ἡγεμονίασ κατ’ ἀλλήλων τὰ ὅπλα ἡρ́πασαν καὶ συμπεσόντεσ ἐμάχοντο, οὔτε κατὰ τάξιν οὔτ’ ἐκ παραγγέλματοσ, ἀλλὰ φύρδην καὶ ἀναμίξ, ὥστε πολὺν ἐξ ἀμφοῖν γενέσθαι φόνον· καὶ εἰ μὴ δὺσ ὁ ἥλιοσ ἔφθασεν, ἅπασαι ἂν αὐτῶν αἱ δυνάμεισ διεφθάρησαν.

τῇ δὲ νυκτὶ λυούσῃ τὸ νεῖκοσ ἀκούσιοι εἴξαντεσ διεκρίθησάν τ’ ἀπ’ ἀλλήλων καὶ ἐπὶ τοὺσ ἰδίουσ χάρακασ ἀπηλλάγησαν· ἑώθεν δ’ ἀναστήσαντεσ τὰσ δυνάμεισ ἀπῄεσαν ἑκάτεροι ἐπὶ τὰ σφέτερα. ἐκ πολλῶν καὶ ἀτάκτουσ χωροῦντασ ἀκραιφνεῖσ αὐτοὶ καὶ σὺν κόσμῳ ἑπόμενοι ῥᾳδίωσ ἂν διέφθειραν πασσυδί.

λύσαντεσ δὲ καὶ αὐτοὶ τοὺσ χάρακασ ἀπῄεσαν εἰσ τὴν πόλιν·

εἴτ’ ἀρκούμενοι τῷ παρὰ τῆσ τύχησ δοθέντι ἀγαθῷ, εἴτ’ οὐ πιστεύοντεσ ἀνασκήτῳ στρατιᾷ τῇ σφετέρᾳ, εἴτε περὶ πολλοῦ ποιούμενοι τὸ μηδ’ ὀλίγουσ τῶν σφετέρων ἀποβαλεῖν. ἀφικόμενοι δ’ εἰσ τὴν πόλιν ἐν αἰσχύνῃ πολλῇ ἦσαν δειλίασ δόξαν ἐπὶ τῷ ἔργῳ φερόμενοι· καὶ οὐδεμίαν ἔξοδον ἔτι ποιησάμενοι παρέδοσαν τοῖσ μεθ’ ἑαυτοὺσ ὑπάτοισ τὴν ἀρχήν.

일치하는 문장이 없습니다.

SEARCH

MENU NAVIGATION