헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 85)

οἱ δ’ ὑπολαβόντεσ αὐτοὺσ ἄρχειν φυγῆσ ἠκολούθουν βάδην μὲν ἀπιοῦσι καὶ αὐτοὶ σὺν κόσμῳ ἑπόμενοι, ἐπειδὴ δὲ δρόμῳ χωροῦντασ ἐπὶ τὸν χάρακα ἐθεάσαντο, ταχείᾳ καὶ αὐτοὶ διώξει καὶ ἀσυντάκτῳ χρώμενοι. οἱ δὲ δὴ τελευταῖοί τε καὶ ὀπισθοφυλακοῦντεσ λόχοι νεκρούσ τ’ ἐσκύλευον, ὡσ κεκρατηκότεσ ἤδη τῶν πολεμίων, καὶ ἐφ’ ἁρπαγὴν τῆσ χώρασ ἐτράποντο.

μαθόντεσ δ’ οἱ Οὐολοῦσκοι ταῦτ’ οἵ τε δόξαν παρασχόντεσ φυγῆσ, ἐπειδὴ τοῖσ ἐρύμασι τοῦ χάρακοσ ἐπλησίασαν, ὑποστραφέντεσ ἔστησαν, καὶ οἱ καταλειφθέντεσ ἐν τῷ στρατοπέδῳ τὰσ πύλασ ἀναπετάσαντεσ ἐξέδραμον ἀθρόοι κατὰ πολλὰ μέρη·

γίνεταί τ’ αὐτῶν παλίντροποσ ἡ μάχη· οἱ μὲν γὰρ διώκοντεσ ἔφευγον, οἱ δὲ φεύγοντεσ ἐδίωκον. ἔνθα πολλοὶ καὶ ἀγαθοὶ Ῥωμαίων θνήσκουσιν οἱᾶ εἰκὸσ ὠθούμενοι κατὰ πρανοῦσ χωρίου καὶ ὑπὸ πολλῶν ὀλίγοι κυκλωθέντεσ. ἀδελφὰ δὲ τούτοισ ἔπασχον, ὅσοι πρὸσ σκῦλά τε καὶ ἁρπαγὰσ τραπόμενοι τὸ ἐν κόσμῳ τε καὶ τάξει ὑποχωρεῖν ἀφῃρέθησαν·

καὶ γὰρ καὶ οὗτοι καταληφθέντεσ ὑπὸ τῶν πολεμίων οἱ μὲν ἐσφάγησαν, οἱ δ’ αἰχμάλωτοι ἐλήφθησαν.

ὅσοι δὲ τούτων τε καὶ τῶν ἀπὸ τοῦ ὄρουσ ἀπαραχθέντων διεσώθησαν, ὀψὲ τῆσ ὡρ́ασ τῶν ἱππέων αὐτοῖσ ἐπιβοηθησάντων, ἀπῆλθον ἐπὶ τὸν χάρακα. ἐδόκει τ’ αὐτοῖσ συλλαβέσθαι τοῦ μὴ πασσυδὶ διαφθαρῆναι χειμὼν πολὺσ ἐξ οὐρανοῦ καταρραγεὶσ καὶ σκότοσ, οἱο͂ν ἐν ταῖσ βαθείαισ ὁμίχλαισ γίνεται, ὃ τοῖσ πολεμίοισ ὄκνον τῆσ ἐπὶ πλέον διώξεωσ παρέσχεν οὐ δυναμένοισ τὰ πόρρω καθορᾶν. τῇ δ’ ἐπιούσῃ νυκτὶ ἀναστήσασ τὴν στρατιὰν ὁ ὕπατοσ ἀπῆγε σιγῇ καὶ ἐν κόσμῳ, λαθεῖν τοὺσ πολεμίουσ προνοούμενοσ·

καὶ κατεστρατοπέδευσε παρὰ πόλει λεγομένῃ Λογγόλᾳ περὶ δείλην ὀψίαν, γήλοφον ἱκανὸν ἐρύκειν τοὺσ ἐπιόντασ ἐκλεξάμενοσ. ἔνθα ὑπομένων τούσ τε ὑπὸ τραυμάτων κάμνοντασ ἀνεκτᾶτο θεραπείαισ, καὶ τοὺσ ἀδημονοῦντασ ἐπὶ τῇ παραδόξῳ τοῦ πάθουσ αἰσχύνῃ παραμυθούμενοσ ἀνελάμβανε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 85

(디오니시오스, Antiquitates Romanae, Books VII-IX, book 8, chapter 85)

상위

목록

SEARCH

MENU NAVIGATION