Dionysius of Halicarnassus, Antiquitates Romanae, Books VII-IX, book 8, chapter 49

(디오니시오스, Antiquitates Romanae, Books VII-IX, book 8, chapter 49)

φέρε, ἀλλὰ δόξαν αἰσχρὰν οἴσεσθαι δέδοικασ, ἐὰν ἃ παρακαλῶ σε πράττῃσ, ὡσ ἀχάριστοσ εἰσ τοὺσ εὐεργέτασ ἐξελεγχθησόμενοσ, οἵ σε πολέμιον ὄντα ὑποδεξάμενοι πάντων μετέδωκαν ὧν τοῖσ φύσει πολίταισ μέτεστιν ἀγαθῶν· ταῦτα γάρ ἐστιν, ἃ μεγάλα ποιεῖσ τοῖσ λόγοισ ἀεί. οὐκ ἀποδέδωκασ οὖν αὐτοῖσ πολλὰσ καὶ καλὰσ ἀμοιβὰσ καὶ νενίκηκασ ἀπείρῳ δή τινι μεγέθει καὶ πλήθει χαρίτων τὰσ ἐξ ἐκείνων εὐεργεσίασ;

οὓσ ἀγαπητὸν ἡγουμένουσ καὶ πάντων μέγιστον ἀγαθῶν, ἐὰν ἐλευθέρασ οἰκῶσι τὰσ πατρίδασ, οὐ μόνον ἑαυτῶν κυρίουσ εἶναι βεβαίωσ παρεσκεύακασ, ἀλλὰ καὶ πεποίηκασ ἤδη σκοπεῖν, πότερα καταλῦσαι τὴν Ῥωμαίων ἀρχὴν αὐτοῖσ ἄμεινον, ἢ μετέχειν αὐτῆσ ἐξ ἴσου κοινὴν καταστησαμένουσ πολιτείαν. ἐῶ γὰρ λέγειν, ὅσοισ κεκόσμηκασ ἐκ τοῦ πολέμου λαφύροισ τὰσ πόλεισ αὐτῶν, καὶ πηλίκουσ κεχάρισαι τοῖσ συστρατευσαμένοισ πλούτουσ.

τοὺσ δὴ τοσούτουσ διὰ σὲ γενομένουσ καὶ ἐπὶ τηλικαύτησ βεβηκότασ εὐτυχίασ οὐ δοκεῖσ ἀγαπήσειν οἷσ ἔχουσιν ἀγαθοῖσ, ἀλλ’ ὀργιεῖσθαί σοι καὶ ἀγανακτήσειν, ἐὰν μὴ καὶ τὸ τῆσ πατρίδοσ αἷμα ταῖσ χερσὶν αὐτῶν ἐπισπείσῃσ; ἐγὼ μὲν οὐκ οἰόμαι. εἷσ ἔτι μοι καταλείπεται λόγοσ ἰσχυρὸσ μέν, ἐὰν λογισμῷ κρίνῃσ αὐτόν, ἀσθενὴσ δ’, ἐὰν μετ’ ὀργῆσ, ὁ περὶ τῆσ οὐ δικαίωσ μισουμένησ ὑπὸ σοῦ πατρίδοσ.

οὔτε γὰρ ὑγιαίνουσα καὶ τῷ πατρίῳ κόσμῳ πολιτευομένη τὴν οὐ δικαίαν κατὰ σοῦ κρίσιν ἐξήνεγκεν, ἀλλὰ νοσοῦσα καὶ ἐν πολλῷ κλύδωνι σαλευομένη, οὔτε πᾶσα τὴν αὐτὴν γνώμην τότ’ ἔσχεν, ἀλλὰ τὸ κάκιον ἐν αὐτῇ μέροσ πονηροῖσ προστάταισ χρησάμενον. εἰ δὲ δὴ μὴ τοῖσ κακίστοισ μόνον, ἀλλὰ καὶ τοῖσ ἄλλοισ ἅπασιν ἐδόκει ταῦτα, καὶ ὡσ οὐ τὰ κράτιστα πολιτευόμενοσ ἀπηλάθησ ὑπ’ αὐτῶν, οὐδ’ οὕτω σοι προσῆκε μνησικακεῖν πρὸσ τὴν σεαυτοῦ πατρίδα.

πολλοῖσ γὰρ δὴ καὶ ἄλλοισ τῶν ἀπὸ τοῦ βελτίστου πολιτευομένων τὰ παραπλήσια συνέβη παθεῖν·

καὶ σπάνιοι δή τινέσ εἰσιν, οἷσ οὐκ ἀντέπνευσε πρὸσ τὴν δοκοῦσαν ἀρετὴν φθόνοσ ἐκ τῶν συμπολιτευομένων ἄδικοσ. ἀλλ’ ἀνθρωπίνωσ, ὦ Μάρκιε, φέρουσι καὶ μετρίωσ ἅπαντεσ οἱ γενναῖοι τὰσ συμφοράσ, καὶ πόλεισ μεταλαμβάνουσιν, ἐν αἷσ οἰκήσαντεσ οὐθὲν λυπήσουσι τὰσ πατρίδασ·

ὥσπερ καὶ Ταρκύνιοσ ἐποίησεν ὁ Κολλατῖνοσ ἐπικαλούμενοσ· τυράννοισ τὴν κάθοδον, καὶ διὰ τοῦτο ἐξελασθεὶσ αὐτὸσ ἐκ τῆσ πατρίδοσ, οὐκ ἐμνησικάκει πρὸσ τοὺσ ἐκβαλόντασ αὐτόν, οὐδ’ ἐπεστράτευε τῇ πόλει τοὺσ τυράννουσ ἐπαγόμενοσ, οὐδ’ ἐποίει τεκμήρια τῶν διαβολῶν τὰ ἔργα, ἀλλ’ εἰσ τὴν μητρόπολιν ἡμῶν Λαουΐνιον ἀπελθὼν ἐκεῖ πάντα τὸν λοιπὸν ἐβίω χρόνον εὔνουσ ὢν τῇ πατρίδι καὶ φίλοσ.

일치하는 문장이 없습니다.

SEARCH

MENU NAVIGATION