Dionysius of Halicarnassus, Antiquitates Romanae, Books VII-IX, book 8, chapter 16

(디오니시오스, Antiquitates Romanae, Books VII-IX, book 8, chapter 16)

οἱ δὲ παρὰ τούτων τὴν ἀρχὴν παραλαβόντεσ, Σπόριοσ Ναύτιοσ καὶ Σέξτοσ Φούριοσ, στρατιάν θ’ ὅσην ἐδύναντο πλείστην ἐκ τοῦ πολιτικοῦ κατεστήσαντο καταλόγου, καὶ φρυκτωρίασ καὶ σκοποὺσ ἐν τοῖσ ἐπικαιροτάτοισ φρουρίοισ ἔταξαν, ἵνα μηδὲν ἀγνοήσωσι τῶν ἐπὶ τῆσ χώρασ πραττομένων· χρήματά τε καὶ σῖτον καὶ ὅπλα ἐν ὀλίγῳ χρόνῳ πολλὰ ἡτοιμάσαντο.

τὰ μὲν οὖν οἰκεῖα παρεσκεύαστο αὐτοῖσ ὡσ ἐνῆν ἄριστα, καὶ οὐδὲν αὐτῶν ἔτι δεῖν ἐδόκει·

τὰ δὲ συμμαχικὰ οὐχ ἅπαντα ὑπήκουε προθύμωσ ἑκούσιά τ’ οὐκ ἦν, οἱᾶ συνάρασθαι τοῦ πολέμου, ὥστ’ οὐδὲ προσαναγκάζειν αὐτὰ ἠξίουν φοβούμενοι προδοσίαν. ἤδη δέ τινα καὶ ἀφίστατο αὐτῶν ἐκ τοῦ φανεροῦ καὶ τοῖσ Οὐολούσκοισ συνελάμβανε. πρῶτοι δ’ ἦρξαν Αἰκανοὶ τῆσ ἀποστάσεωσ, ἅμα τῷ συστῆναι τὸν πόλεμον εὐθὺσ ἐλθόντεσ ὡσ τοὺσ Οὐολούσκουσ καὶ συμμαχίαν μεθ’ ὁρ́κων συνθέμενοι, στρατιάν τ’ ἀπέστειλαν οὗτοι τῷ Μαρκίῳ πλείστην τε καὶ προθυμοτάτην.

πολλοὶ καὶ τῶν ἄλλων συμμάχων κρύφα συνελάμβανον τοῖσ Οὐολούσκοισ οὐκ ἀπὸ ψηφισμάτων οὐδ’ ἀπὸ κοινοῦ δόγματοσ ἀποστέλλοντεσ αὐτοῖσ τὰσ συμμαχίασ, εἰ δέ τισιν ἦν βουλομένοισ μετέχειν τῆσ στρατείασ τῶν σφετέρων, οὐχ ὅπωσ ἀποτρέποντεσ, ἀλλὰ καὶ παρορμῶντεσ.

ἐγεγόνει τ’ ἐν οὐ πολλῷ χρόνῳ τοσαύτη δύναμισ περὶ τοὺσ Οὐολούσκουσ, ὅσην οὐ πώποτ’ ἔσχον, ὅτε μάλιστ’ ἤκμαζον ταῖσ πόλεσιν·

ἣν ἐπαγόμενοσ ὁ Μάρκιοσ ἐνέβαλεν αὖθισ εἰσ τὴν Ῥωμαίων γῆν, καὶ ἐγκαθεζόμενοσ ἡμέρασ συχνὰσ ἐδῄου τῆσ γῆσ, ὅσην ἐν τῇ πρότερον εἰσβολῇ παρέλιπε. σωμάτων μὲν οὖν ἐλευθέρων οὐκέτι πολλῶν ἐγκρατὴσ ἐγένετο κατὰ ταύτην τὴν στρατείαν·

οἱ γὰρ ἄνθρωποι τὰ πλείστου ἄξια συσκευασάμενοι παλαίτερον ἔτι κατεπεφεύγεσαν, οἱ μὲν εἰσ τὴν πόλιν, οἱ δ’ εἰσ τὰ πλησίον φρούρια, εἴ τινα ἦν ἐχυρώτατα· τὰ δὲ βοσκήματα αὐτῶν, ὅσα οὐχ οἱοῖ́ τ’ ἦσαν ἀπελάσαι, καὶ τοὺσ νέμοντασ θεράποντασ λαμβάνει τόν τε σῖτον τὸν ἐπὶ ταῖσ ἅλωσιν ἔτι κείμενον καὶ τοὺσ ἄλλουσ καρπούσ, τοὺσ μὲν ἐν χερσὶν ὄντασ, τοὺσ δὲ καὶ συγκεκομισμένουσ ἀναιρεῖται.

προνομεύσασ δὲ καὶ διαπορθήσασ ἅπαντα οὐθενὸσ ὁμόσε χωρῆσαι τολμήσαντοσ ἀπῆγεν ἐπ’ οἴκου τὴν στρατιὰν βαρεῖαν οὖσαν ἤδη τῷ πλήθει τῶν ὠφελειῶν καὶ σχολῇ πορευομένην.

일치하는 문장이 없습니다.

SEARCH

MENU NAVIGATION