헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 43)

παυσαμένησ δ’ αὐτῆσ τοσοῦτοσ ὀδυρμὸσ ἐκ τῶν παρουσῶν γυναικῶν ἐγένετο, καὶ τηλικαύτη κατέσχε τὸν οἶκον οἰμωγή, ὥστ’ ἐπὶ πολὺ ἐξακουσθῆναι τῆσ πόλεωσ τὴν βοὴν καὶ μεστοὺσ γενέσθαι τοὺσ ἐγγὺσ τῆσ οἰκίασ στενωποὺσ ὄχλου. ἔπειθ’ ἥ τε Οὐαλερία πάλιν ἑτέρασ ἐξέτεινε μακρὰσ καὶ συμπαθεῖσ δεήσεισ, αἵ τ’ ἄλλαι γυναῖκεσ αἱ κατὰ φιλίαν ἢ συγγένειαν ἑκατέρᾳ τῶν γυναικῶν προσήκουσαι, καὶ παρέμενον λιπαροῦσαί τε καὶ γονάτων ἁπτόμεναι, ὥστ’ οὐκ ἔχουσα, ὅ τι πάθῃ πρὸσ τοὺσ ὀδυρμοὺσ αὐτῶν καὶ τὰσ πολλὰσ δεήσεισ, εἶξεν ἡ Οὐετουρία καὶ τελέσειν τὴν πρεσβείαν ὑπὲρ τῆσ πατρίδοσ ὑπέσχετο τήν τε γυναῖκα τοῦ Μαρκίου παραλαβοῦσα καὶ τὰ τέκνα καὶ τῶν ἄλλων πολιτίδων τὰσ βουλομένασ.

αἱ μὲν δὴ περιχαρεῖσ γενόμεναι καὶ τοὺσ θεοὺσ ἐπικαλεσάμεναι συλλαβέσθαι σφίσι τῆσ ἐλπίδοσ ἀπῄεσαν ἐκ τῆσ οἰκίασ καὶ προσήγγειλαν τὰ γενόμενα τοῖσ ὑπάτοισ·

οἱ δὲ τὴν προθυμίαν αὐτῶν ἐπαινέσαντεσ συνεκάλουν τὴν βουλὴν καὶ περὶ τῆσ ἐξόδου τῶν γυναικῶν, εἰ συγχωρητέον αὐταῖσ, γνωμηδὸν ἐπυνθάνοντο.

πολλοὶ μὲν οὖν ἐλέχθησαν καὶ παρὰ πολλῶν λόγοι, καὶ μέχρι τῆσ ἑσπέρασ διετέλεσαν ὅ τι χρὴ ποιεῖν βουλευόμενοι. οἱ μὲν γὰρ οὐ μικρὸν ἀπέφαινον εἶναι τῇ πόλει κινδύνευμα γυναῖκασ ἅμα τέκνοισ εἰσ πολεμίων στρατόπεδον πορευομένασ ἐᾶσαι·

εἰ γὰρ αὐτοῖσ ὑπεριδοῦσι τῶν νενομισμένων ὁσίων περί τε πρεσβείασ καὶ ἱκεσίασ δόξειε μηκέτι προίεσθαι τὰσ γυναῖκασ, ἀμαχητὶ σφῶν ἁλώσεσθαι τὴν πόλιν· ἠξίουν τ’ αὐτὰσ μόνον ἐᾶσαι τὰσ προσηκούσασ τῷ Μαρκίῳ γυναῖκασ ἅμα τοῖσ τέκνοισ αὐτοῦ πορευομένασ. ἕτεροι δ’ οὐδὲ ταύταισ ᾤοντο δεῖν ἐπιτρέπειν τὴν ἔξοδον, ἐπιμελῶσ δὲ καὶ ταύτασ παρῄνουν φυλάττειν, ὅμηρα νομίσαντασ ἔχειν παρὰ τῶν πολεμίων ἐχέγγυα τοῦ μηδὲν τὴν πόλιν ἀνήκεστον ὑπ’ αὐτῶν παθεῖν.

οἱ δὲ πάσαισ συνεβούλευον συγχωρῆσαι ταῖσ βουλομέναισ γυναιξὶ τὴν ἔξοδον, ἵνα σὺν μείζονι ἀξιώματι αἱ τῷ Μαρκίῳ προσήκουσαι ποιήσωνται τὴν ὑπὲρ τῆσ πατρίδοσ δέησιν. τοῦ δὲ μηθὲν αὐταῖσ συμβήσεσθαι δεινὸν ἐγγυητὰσ ἀπέφαινον ἐσομένουσ θεοὺσ μὲν πρῶτον, οἷσ καθοσιωθεῖσαι τὰσ ἱκεσίασ ποιήσονται·

ἔπειτα τὸν ἄνδρα αὐτόν, πρὸσ ὃν ἔμελλον πορεύεσθαι, πάσησ ἀδίκου τε καὶ ἀνοσίου πράξεωσ καθαρὸν καὶ ἀμίαντον ἐσχηκότα τὸν βίον. ἐνίκα δ’ ὅμωσ ἡ συγχωροῦσα γνώμη ταῖσ γυναιξὶ τὴν ἔξοδον μέγιστον ἀμφοῖν ἐγκώμιον ἔχουσα, τῆσ μὲν βουλῆσ τοῦ φρονίμου, ὅτι τὰ κράτιστα καὶ γενησόμενα προείδετο οὐδὲν ὑπὸ τοῦ κινδύνου τηλικοῦδε ὄντοσ ἐπιταραχθεῖσα·

τοῦ δὲ Μαρκίου τῆσ εὐσεβείασ, ὅτι πολέμιοσ ὤν ἐπιστεύετο μηδὲν ἀσεβήσειν εἰσ τὸ ἀσθενέστατον τῆσ πόλεωσ μέροσ κύριοσ αὐτοῦ καταστάσ.

ὡσ δὲ τὸ προβούλευμα ἐγράφη, προελθόντεσ οἱ ὕπατοι εἰσ τὴν ἀγορὰν καὶ συναγαγόντεσ ἐκκλησίαν σκότουσ ὄντοσ ἤδη τὰ δόξαντα τῷ συνεδρίῳ διεσάφησαν καὶ προεῖπον ἥκειν ἅπαντασ ἑώθεν ἐπὶ τὰσ πύλασ προπέμψοντασ ἐξιούσασ τὰσ γυναῖκασ·

αὐτοὶ δὲ τῶν κατεπειγόντων ἔλεγον ἐπιμελήσεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 43

(디오니시오스, Antiquitates Romanae, Books VII-IX, book 8, chapter 43)

상위

목록

SEARCH

MENU NAVIGATION