Dionysius of Halicarnassus, Antiquitates Romanae, Books VII-IX, book 8, chapter 82

(디오니시오스, Antiquitates Romanae, Books VII-IX, book 8, chapter 82)

ἐπεὶ δὲ κατεγράφη τὰ στρατεύματα, παραλαβόντεσ οἱ ὕπατοι τὰσ δυνάμεισ ἐξήγαγον ἐπὶ τοὺσ πολεμίουσ. Κορνήλιοσ μὲν οὖν εἰσ τὴν Οὐιεντανῶν χώραν ἐμβαλὼν τὴν ἐγκαταληφθεῖσαν λείαν ἐν αὐτῇ ἀπήλασε, καὶ μετὰ ταῦτα πρεσβευσαμένων τῶν Οὐιεντανῶν τούσ τ’ αἰχμαλώτουσ αὐτοῖσ ἀπέλυσε χρημάτων, καὶ ἀνοχὰσ τοῦ πολέμου συνέθετο ἐνιαυσίουσ. Φάβιοσ δὲ τὴν ἑτέραν δύναμιν ἔχων εἰσ τὴν Αἰκανῶν γῆν ἐνέβαλεν· ἔπειτ’ ἐκεῖθεν εἰσ τὴν Οὐολούσκων.

χρόνον μὲν οὖν τινα οὐ πολὺν ἠνέσχοντο οἱ Οὐολοῦσκοι διαρπαζομένων αὐτοῖσ καὶ κειρομένων τῶν ἀγρῶν·

ἔπειτα καταφρονήσαντεσ τῶν Ῥωμαίων ὡσ οὐ πολλῇ δυνάμει παρόντων ἐξεβοήθουν ἐκ τῆσ Ἀντιατῶν χώρασ τὰ ὅπλα ἁρπάσαντεσ ἀθρόοι, ταχύτερα μᾶλλον ἢ ἀσφαλέστερα βουλευσάμενοι. εἰ μὲν οὖν ἔφθασαν ἐσκεδασμένοισ τοῖσ Ῥωμαίοισ ἐπιφανέντεσ ἐκ τοῦ ἀπροσδοκήτου, μεγάλην ἂν αὐτῶν εἰργάσαντο τροπήν· νῦν δὲ προαισθόμενοσ τὴν ἔφοδον αὐτῶν ὁ ὕπατοσ διὰ τῶν ἀποσταλέντων ἐπὶ τὰσ κατασκοπάσ, ἀνακλήσει ταχείᾳ τοὺσ ἐν ταῖσ προνομαῖσ ἐσκεδασμένουσ ἀναλαβών, τάξιν αὐτοῖσ ἀπέδωκε τὴν εἰσ πόλεμον ἁρμόττουσαν. τοῖσ δὲ Οὐολούσκοισ σὺν καταφρονήσει καὶ θάρσει χωροῦσιν, ὡσ παρὰ δόξαν ἐφάνη συνεστῶσα ἐν κόσμῳ πᾶσα ἡ τῶν πολεμίων δύναμισ, δέοσ ἐμπίπτει πρὸσ τὴν ἀδόκητον ὄψιν, καὶ τοῦ μὲν κοινοῦ τῆσ ἀσφαλείασ οὐδεμία φροντίσ, τῆσ δ’ ἰδίασ ἑκάστῳ σωτηρίασ πρόνοια.

ὑποστρέψαντεσ δὴ ὡσ εἶχον ἕκαστοι τάχουσ ἔφευγον ἄλλοι κατ’ ἄλλασ ὁδούσ·

καὶ οἱ μὲν πλείουσ ἀπεσώθησαν εἰσ τὴν πόλιν, ὀλίγον δέ τι στῖφοσ, ὃ μάλιστα ἦν συντεταγμένον, εἰσ ὄρουσ τινὰ κορυφὴν ἀναδραμὸν καὶ θέμενον ἐνταῦθα τὰ ὅπλα τὴν ἐπιοῦσαν νύκτα διέμενε· ταῖσ δ’ ἑξῆσ ἡμέραισ φρουρὰν περιστήσαντοσ τοῦ ὑπάτου τῷ λόφῳ καὶ πάσασ διακλείσαντοσ ὅπλοισ τὰσ ἐξόδουσ, λιμῷ βιασθὲν ὑποχείριον γίνεται καὶ παραδίδωσι τὰ ὅπλα. ὁ δ’ ὕπατοσ τήν τε λείαν, ὅσῃ ἐπέτυχε, καὶ τὰ λάφυρα καὶ τοὺσ αἰχμαλώτουσ ἀποδόσθαι κελεύσασ τοῖσ ταμίαισ, εἰσ τὴν πόλιν ἀπήνεγκε τὸ ἀργύριον.

καὶ μετ’ οὐ πολὺν χρόνον ἀναστήσασ τὴν δύναμιν ἐκ τῆσ πολεμίασ ἀπῆγεν ἐπ’ οἴκου τελευτῶντοσ ἤδη τοῦ ἔτουσ. ἐπιστάντων δὲ τῶν ἀρχαιρεσίων ἔδοξε τοῖσ πατρικίοισ ἠρεθισμένον ὁρῶσι τὸν δῆμον καὶ μεταμελόμενον ἐπὶ τῇ Κασσίου καταδίκῃ, διὰ φυλακῆσ αὐτὸν ἔχειν, μή τι παρακινήσειε πάλιν εἰσ δεκασμῶν ἐλπίδα καὶ κλήρων διανομῆσ ὑπαχθεὶσ ὑπ’ ἀνδρὸσ δημαγωγῆσαι δυνατοῦ τὸ τῆσ ὑπατείασ λαβόντοσ ἀξίωμα. ἐφαίνετο δ’ αὐτοῖσ ῥᾷστα κωλυθήσεσθαι τούτων τινὸσ ὀρεγόμενοσ, εἰ γένοιτο ὕπατοσ ἀνὴρ ἥκιστα δημοτικόσ.

βουλευσάμενοι δὴ τοῦτο κελεύουσι μετιέναι τὴν ὑπατείαν τὸν ἕτερον τῶν κατηγορησάντων τοῦ Κασσίου, Καίσωνα Φάβιον ἀδελφὸν ὄντα τοῦ τότε ὑπατεύοντοσ Κοΐντου, καὶ ἐκ τῶν ἄλλων πατρικίων Λεύκιον Αἰμίλιον ἄνδρα ἀριστοκρατικόν.

τούτων δὲ μετιόντων τὴν ἀρχὴν κωλύειν μὲν οὐχ οἱοῖ́ τ’ ἦσαν οἱ δημοτικοί, καταλιπόντεσ δὲ τὰσ ἀρχαιρεσίασ ᾤχοντο ἐκ τοῦ πεδίου. τὸ γὰρ τῆσ λοχίτιδοσ ἐκκλησίασ κῦροσ ἐν ταῖσ ψηφοφορίαισ περὶ τοὺσ ἐπιφανεστάτουσ ἦν καὶ τὰ πρῶτα τιμήματα ἔχοντασ, καὶ σπάνιόν τι ἦν, ὃ ἐπεκύρουν οἱ διὰ μέσου·

μέροσ ἐψηφοφόρει, μιᾶσ, ὡσ καὶ πρότερον εἴρηταί μοι, τῆσ ἐσχάτησ ψήφου κύριοσ ἦν.

일치하는 문장이 없습니다.

SEARCH

MENU NAVIGATION