Dionysius of Halicarnassus, Antiquitates Romanae, Books VII-IX, book 8, chapter 56

(디오니시오스, Antiquitates Romanae, Books VII-IX, book 8, chapter 56)

περὶ τὸ συνέχειν, ἃσ παρὰ τῶν προγόνων δόξασ ὑπὲρ τοῦ δαιμονίου παρέλαβον, ἀμεταμέλητοσ ἡ τοιαύτη προαίρεσισ καὶ βεβαία διαμένῃ, τοῖσ δ’ ὑπερορῶσι τῶν πατρίων ἐθισμῶν καὶ μηθενὸσ ποιοῦσι τὸ δαιμόνιον τῶν ἀνθρωπίνων λογισμῶν κύριον μάλιστα μὲν ἀναθέσθαι ταύτην τὴν δόξαν, εἰ δ’ ἀνιάτωσ ἔχουσιν ἔτι μᾶλλον αὐτοῖσ ἀπεχθάνεσθαι καὶ κακοδαιμονεστέροισ εἶναι. ἱστορεῖται τοίνυν, ὅτι τῆσ βουλῆσ ψηφισαμένησ ἐκ τοῦ δημοσίου πάσασ ἐπιχορηγηθῆναι τὰσ εἰσ τὸν νεών τε καὶ τὸ ξόανον δαπάνασ, ἕτερον δ’ ἄγαλμα κατασκευασαμένων τῶν γυναικῶν ἀφ’ ὧν αὐταὶ συνήνεγκαν χρημάτων, ἀνατεθέντων τ’ αὐτῶν ἀμφοτέρων ἅμα ἐν τῇ πρώτῃ τῆσ ἀνιερώσεωσ ἡμέρᾳ, θάτερον τῶν ἀφιδρυμάτων, ὃ κατεσκευάσανθ’ αἱ γυναῖκεσ, ἐφθέγξατο πολλῶν παρουσῶν γλώττῃ Λατίνῃ φωνὴν εὐσύνετόν τε καὶ γεγωνόν·

ἧσ ἐστι φωνῆσ ἐξερμηνευόμενοσ ὁ νοῦσ εἰσ τὴν Ἑλλάδα διάλεκτον τοιόσδε· ὁσίῳ πόλεωσ νόμῳ γυναῖκεσ γαμεταὶ δεδώκατέ με. οἱᾶ δὲ φιλεῖ γίνεσθαι περὶ τὰσ παραδόξουσ φωνάσ τε καὶ ὄψεισ, πολλὴ ταῖσ παρούσαισ ἐνέπιπτεν ἀπιστία, μή ποτ’ οὐ τὸ ξόανον εἰή τὸ φθεγξάμενον, ἀνθρωπίνη δέ τισ φωνή·

μάλιστα δ’ ὅσαι πρὸσ ἄλλῳ τινὶ τὸν νοῦν ἔχουσαι τηνικαῦτα ἔτυχον, οὐκ ἰδοῦσαι τὸ φθεγγόμενον, ὅ τι ποτ’ ἦν, ταύτην εἶχον τὴν πρὸσ τὰσ ἰδούσασ ἀπιστίαν.

ἔπειτ’ αὖθισ πληθύοντοσ τοῦ νεὼ καὶ σιωπῆσ πλείστησ κατὰ δαίμονα γενομένησ ἐν μείζονι φωνῇ ταὐτὸ ξόανον ἐφθέγξατο τὴν αὐτὴν λέξιν, ὥστε μηδὲν ἔτι εἶναι τὸ ἀμφίλογον. ἡ μὲν οὖν βουλὴ ὡσ. ταῦτ’ ἔμαθεν ἐψηφίσατο θυσίασ ἄλλασ καὶ σεβασμούσ, οὓσ ἂν οἱ τῶν ἱερῶν ἐξηγηταὶ παραδῶσι καθ’ ἕκαστον ἔτοσ ἐπιτελεῖν.

αἱ δὲ γυναῖκεσ ἐν ἔθει κατεστήσαντο τῇ τῆσ ἱερείασ χρησάμεναι γνώμῃ, τῷ ξοάνῳ τούτῳ μήτε στεφάνουσ ἐπιτιθέναι μήτε χεῖρασ προσφέρειν γυναῖκασ, ὅσαι δευτέρων ἐπειράθησαν γάμων, τὴν δὲ τιμὴν καὶ θεραπείαν αὐτοῦ πᾶσαν ἀποδεδόσθαι ταῖσ νεογάμοισ. ἀλλὰ περὶ μὲν τούτων οὔτε παρελθεῖν τὴν ἐπιχώριον ἱστορίαν καλῶσ εἶχεν, οὔτε πλείονα περὶ αὐτῆσ ποιεῖσθαι λόγον.

ἐπάνειμι δ’, ὅθεν εἰσ τοῦτον ἐξέβην τὸν λόγον.

일치하는 문장이 없습니다.

SEARCH

MENU NAVIGATION