호흡부호 보기
강세부호 보기
장단부호 보기
작은 Iota 보기
모든 부호 보기
παραλαμβάνουσι δὴ τὴν ὑπατείαν κατὰ τὸ ἑβδομηκοστόν τε καὶ διακοσιοστὸν ἔτοσ ἀπὸ τοῦ συνοικισμοῦ τῆσ Ῥώμησ Λεύκιοσ Αἰμίλιοσ Μαμέρκου υἱὸσ καὶ Καίσων Φάβιοσ Καίσωνοσ υἱόσ, ἄρχοντοσ Ἀθήνησι Νικοδήμου. οἷσ κατ’ εὐχὴν συνέβη μηδὲν ὑπὸ τῆσ πολιτικῆσ ἐπιταραχθῆναι διχοστασίασ πολέμων τὴν πόλιν περιστάντων ἀλλοεθνῶν. ἐν ἅπασι μὲν οὖν ἔθνεσι καὶ τόποισ Ἑλλήνων τε καὶ βαρβάρων φιλοῦσιν αἱ τῶν ἔξωθεν κακῶν ἀνάπαυλαι ἐμφυλίουσ τε καὶ ἐνδήμουσ ἐγείρειν πολέμουσ, μάλιστα δὲ τοῦτο πάσχουσιν, ὅσοι πολεμιστὴν καὶ κακόπαθον αἱροῦνται βίον ἐλευθερίασ τε καὶ ἡγεμονίασ πόθῳ.
χαλεπαὶ γὰρ αἱ μαθοῦσαι τοῦ πλείονοσ ἐφίεσθαι φύσεισ ἐξειργόμεναι τῶν συνήθων ἔργων καρτερεῖν· καὶ διὰ τοῦτο οἱ φρονιμώτατοι τῶν ἡγεμόνων ἀεί τινασ ἐκ τῶν ἀλλοεθνῶν ἀναζωπυροῦσιν ἔχθρασ, κρείττονασ ἡγούμενοι τῶν ἐντοπίων πολέμων τοὺσ ἀλλοδαπούσ. τότε δ’ οὖν, ὥσπερ ἔφην, κατὰ δαίμονα τοῖσ ὑπάτοισ συνέπεσον αἱ τῶν ὑπηκόων ἐπαναστάσεισ.
Οὐολοῦσκοι γάρ, εἴτε τῇ πολιτικῇ Ῥωμαίων κινήσει πιστεύσαντεσ ὡσ ἐκπεπολεμωμένου τοῦ δημοτικοῦ πρὸσ τοὺσ ἐν τέλει, εἴτε τῆσ προτέρασ ἥττησ ἀμαχητὶ γενομένησ αἰσχύνῃ παροξυνθέντεσ, εἴτ’ ἐπὶ ταῖσ ἑαυτῶν δυνάμεσι πολλαῖσ οὔσαισ μέγα φρονήσαντεσ, εἴτε διὰ ταῦτα πάντα πολεμεῖν Ῥωμαίοισ διέγνωσαν, καὶ συναγαγόντεσ ἐξ ἁπάσησ πόλεωσ τὴν νεότητα, μέρει μέν τινι τῆσ δυνάμεωσ ἐπὶ τὰσ Ἑρνίκων τε καὶ Λατίνων πόλεισ ἐστράτευσαν, τῇ δὲ λοιπῇ, ἣ πλείστη τ’ ἦν καὶ κρατίστη, τοὺσ ἐπὶ τὰσ πόλεισ σφῶν ἥξοντασ δέχεσθαι ἤμελλον.
ταῦτα μαθοῦσι Ῥωμαίοισ ἔδοξε διχῇ νέμειν τὰσ δυνάμεισ καὶ τῇ μὲν ἑτέρᾳ τὴν Ἑρνίκων τε καὶ Λατίνων διὰ φυλακῆσ ἔχειν, τῇ δ’ ἑτέρᾳ τὴν Οὐολούσκων λεηλατεῖν.
호흡부호 보기
강세부호 보기
장단부호 보기
작은 Iota 보기
모든 부호 보기