헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 68)

οἱ δὲ παρὰ τούτων τὴν ὑπατείαν παραλαβόντεσ Πόπλιοσ Οὐεργίνιοσ καὶ Σπόριοσ Κάσσιοσ τρίτον τότ’ ἀποδειχθεὶσ ὕπατοσ, τάσ τε πολιτικὰσ καὶ τὰσ συμμαχικὰσ ἀναλαβόντεσ δυνάμεισ ἐξῆγον εἰσ τὴν ὕπαιθρον, Οὐεργίνιοσ μὲν ἐπὶ τὰσ Αἰκανῶν πόλεισ, Κάσσιοσ δ’ ἐπὶ τὰσ Ἑρνίκων τε καὶ Οὐολούσκων, κλήρῳ διαλαχόντεσ τὰσ ἐξόδουσ. τὰσ πόλεισ καὶ τὰ πλείστου ἄξια ἐκ τῶν ἀγρῶν ἀνασκευασάμενοι τήν τε γῆν περιεώρων δῃουμένην καὶ τὰσ αὐλὰσ ἐμπιμπραμένασ, ὥστε κατὰ πολλὴν εὐπέτειαν ὁ Οὐεργίνιοσ ὅσην ἐδύνατο πλείστην αὐτῶν γῆν κείρασ τε καὶ λωβησάμενοσ, ἐπειδὴ οὐδεὶσ ὑπὲρ αὐτῆσ ἐξῄει μαχούμενοσ ἀπῆγε τὴν στρατιάν.

Οὐολοῦσκοι δὲ καὶ Ἕρνικεσ, ἐφ’ οὓσ ὁ Κάσσιοσ ἐστράτευσε, γνώμην μὲν ἐποιήσαντο δῃουμένησ τῆσ χώρασ περιορᾶν καὶ συνέφυγον εἰσ τὰσ πόλεισ·

οὐ μὴν ἔμεινάν γ’ ἐν τοῖσ ἐγνωσμένοισ χώρασ τ’ ἀγαθῆσ κειρομένησ, ἣν οὐ ῥᾳδίωσ ἀνακτήσεσθαι ἔτι ἤλπισαν, οἴκτῳ ὑπαχθέντεσ, καὶ τοῖσ ἐρύμασιν οὐ σφόδρα ἐχυροῖσ οὖσιν, εἰσ ἃ κατεπεφεύγεσαν, ἀπιστοῦντεσ, ἀλλὰ πρέσβεισ ἀπέστειλαν πρὸσ τὸν ὕπατον ὑπὲρ καταλύσεωσ τοῦ πολέμου δεησομένουσ· Οὐολοῦσκοι μὲν πρότεροι, καὶ θᾶττον οὗτοι τῆσ εἰρήνησ ἔτυχον ἀργύριόν τε δόντεσ, ὅσον αὐτοῖσ ὁ ὕπατοσ ἔταξε, καὶ τἆλλα, ὅσων ἔδει τῇ στρατιᾷ, πάντα ὑπηρετήσαντεσ·

καὶ οὗτοι μὲν ὑπήκοοι Ῥωμαίοισ ἔσεσθαι ὡμολόγησαν οὐθενὸσ ἔτι μεταποιούμενοι τῶν ἴσων. Ἕρνικεσ δ’ ὕστεροι, ἐπειδὴ μεμονωμένουσ ἑαυτοὺσ εἶδον, ὑπὲρ εἰρήνησ τε καὶ φιλίασ διελέγοντο πρὸσ τὸν ὕπατον.

ὁ δὲ Κάσσιοσ πολλὴν κατηγορίαν πρὸσ τοὺσ πρέσβεισ κατ’ αὐτῶν διαθέμενοσ πρῶτον ἔφη δεῖν αὐτοὺσ τὰ τῶν κεκρατημένων τε καὶ ὑπηκόων ποιήσαντασ, τότε διαλέγεσθαι περὶ φιλίασ· τῶν δὲ πρεσβευτῶν εἰπόντων ποιήσειν τὰ δυνατὰ καὶ μέτρια ἐκέλευσεν αὐτοῖσ ἀργύριόν τε, ὃ κατ’ ἄνδρα τοῖσ στρατιώταισ εἰσ ὀψωνιασμὸν ἔθοσ ἦν ἓξ μηνῶν δίδοσθαι καὶ διὰ μηνὸσ τροφὰσ ἀποφέρειν. ἑώσ δ’ ἂν ταῦτ’ εὐπορήσωσι, τάξασ τινὰ χρόνον ἡμερῶν ἀνοχὰσ αὐτοῖσ ἐδίδου τοῦ πολέμου.

ὑπηρετησάντων δ’ αὐτοῖσ ἅπαντα τῶν Ἑρνίκων διὰ τάχουσ καὶ μετὰ προθυμίασ, καὶ τοὺσ περὶ τῆσ φιλίασ διαλεξομένουσ ἀποστειλάντων αὖθισ, ἐπαινέσασ αὐτοὺσ ὁ Κάσσιοσ ἀνέπεμψεν ἐπὶ τὴν βουλήν.

τοῖσ δ’ ἐκ τοῦ συνεδρίου πολλὰ βουλευσαμένοισ ἔδοξε δέχεσθαι μὲν τοὺσ ἄνδρασ εἰσ φιλίαν, ἐφ’ οἷσ δὲ γενήσονται δικαίοισ αἱ πρὸσ αὐτοὺσ συνθῆκαι, Κάσσιον τὸν ὕπατον γνῶναί τε καὶ στῆσαι, ὅ τι δ’ ἂν ἐκείνῳ δόξῃ, τοῦτ’ εἶναι σφίσι κύριον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 68

(디오니시오스, Antiquitates Romanae, Books VII-IX, book 8, chapter 68)

상위

목록

SEARCH

MENU NAVIGATION