헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 89)

ἐξελθόντων δὲ καὶ τῶν Ῥωμαίων καὶ παραταξαμένων ἰσχυρὰ μάχη γίνεται καὶ ἱππέων καὶ πεζῶν καὶ ψιλῶν ἴσῃ πάντων χρωμένων προθυμίᾳ τε καὶ ἐμπειρίᾳ, καὶ τὸ νικᾶν ἑκάστου παρ’ ἑαυτὸν μόνον τιθεμένου· ὡσ δὲ νεκροί τ’ αὐτῶν πολλοὶ ἑκατέρωθεν, ἐν ᾧ ἐτάχθησαν χωρίῳ, πεσόντεσ ἔκειντο, καὶ ἡμιθνῆτεσ ἔτι πλείουσ , οἱ δὲ παρὰ τὸν ἀγῶνα καὶ τὰ δεινὰ ἔτι διαμένοντεσ ὀλίγοι ἦσαν, καὶ οὐδὲ οὗτοι δρᾶν τὰ πολέμου ἔργα δυνάμενοι βαρυνόντων μὲν αὐτοῖσ τῶν σκεπαστηρίων τὰσ εὐωνύμουσ χεῖρασ διὰ πλῆθοσ τῶν ἐμπεπηγότων βελῶν, καὶ οὐκ ἐώντων ὑπομένειν τὰσ προσβολάσ, τετραμμένων δὲ τῶν ἐγχειριδίων τὰσ ἀκμάσ, ἔστι δ’ ὧν καὶ κατεαγότων ὅλων, οἷσ οὐθὲν ἔτι ἦν χρῆσθαι, τοῦ τε κόπου, ὃσ δι’ ὅλησ ἡμέρασ ἀγωνιζομένοισ αὐτοῖσ πολὺσ ἐγεγόνει, παραλύοντοσ τὰ νεῦρα καὶ τὰσ πληγὰσ ἀσθενεῖσ ποιοῦντοσ, ἱδρῶτοσ δὲ καὶ δίψησ καὶ ἄσθματοσ, οἱᾶ ἐν πνιγηρᾷ ὡρ́ᾳ ἔτουσ τοῖσ πολὺν χρόνον ἀγωνιζομένοισ συμπίπτειν φιλεῖ, παρ’ ἀμφοτέροισ γινομένων, τέλοσ οὐδὲν ἔλαβεν ἀξιόλογον ἡ μάχη, ἀλλ’ ἀγαπητῶσ ἀμφότεροι τῶν στρατηγῶν ἀνακαλουμένων ἀπῆλθον ἐπὶ τοὺσ ἑαυτῶν χάρακασ·

εἰσ μάχην οὐδέτεροι, ἀλλ’ ἀντικαθήμενοι παρεφύλαττον ἀλλήλων τὰσ ἕνεκα τῶν ἐπιτηδείων γινομένασ ἐξόδουσ.

ἔδοξε μέντοι καὶ λόγοσ ἦν ἐν τῇ Ῥώμῃ πολύσ, ὡσ δυναμένη τότε νικᾶν ἡ Ῥωμαίων δύναμισ ἑκουσία μηδὲν ἦν ἐργάσασθαι λαμπρὸν διὰ μῖσόσ τε τοῦ ὑπάτου καὶ ὀργήν, ἣν εἶχε πρὸσ τοὺσ πατρικίουσ ἐπὶ τῷ φενακισμῷ τῆσ κληρουχίασ.

αὐτοὶ δ’ οἱ στρατιῶται τὸν ὕπατον ὡσ οὐχ ἱκανὸν στρατηγεῖν ᾐτιῶντο, γράμματα πέμποντεσ ὡσ τοὺσ ἐπιτηδείουσ ἑαυτῶν ἕκαστοι. καὶ τὰ μὲν ἐπὶ στρατοπέδου γινόμενα τοιαῦτ’ ἦν· ἐν αὐτῇ δὲ τῇ Ῥώμῃ πολλὰ δαιμόνια σημεῖα ἐφαίνετο δηλωτικὰ θείου χόλου κατά τε φωνὰσ καὶ ὄψεισ ἀήθεισ. οὐδὲ ὁσίωσ ἐπιτελουμένων αὐτοῖσ τῶν ἱερῶν.

ζήτησισ δὴ μετὰ τοῦτο πολλὴ ἐκ πάντων ἐγίνετο, καὶ σὺν χρόνῳ μήνυσισ ἀποδίδοται τοῖσ ἱεροφάνταισ, ὅτι τῶν παρθένων μία τῶν φυλαττουσῶν τὸ ἱερὸν πῦρ, Ὀπιμία ὄνομα αὐτῇ, τὴν παρθενίαν ἀφαιρεθεῖσα μιαίνει τὰ ἱερά. οἱ δ’ ἔκ τε βασάνων καὶ τῶν ἄλλων ἀποδείξεων μαθόντεσ, ὅτι τὸ μηνυόμενον ἦν ἀδίκημα ἀληθέσ, αὐτὴν μὲν τῆσ κορυφῆσ ἀφελόμενοι τὰ στέμματα καὶ πομπεύσαντεσ δι’ ἀγορᾶσ ἐντὸσ τείχουσ ζῶσαν κατώρυξαν·

δύο δὲ τοὺσ ἐξελεγχθέντασ διαπράξασθαι τὴν φθορὰν μαστιγώσαντεσ ἐν φανερῷ παραχρῆμα ἀπέκτειναν καὶ μετὰ τοῦτο καλὰ τὰ ἱερὰ καὶ τὰ μαντεύματα ὡσ ἀφεικότων αὐτοῖσ τῶν θεῶν τὸν χόλον, ἐγίνετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 89

(디오니시오스, Antiquitates Romanae, Books VII-IX, book 8, chapter 89)

상위

목록

SEARCH

MENU NAVIGATION