헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 28)

φέρε, ἐὰν δὲ δὴ κατορθώσῃσ, τί τὸ θαυμαστὸν ἔσται σοι καὶ περιμάχητον ἀγαθόν, ἢ τίνασ ἐξοίσῃ δόξασ; καὶ γὰρ τοῦτ’ ἐξέτασον. πρῶτον μὲν τῶν φιλτάτων τε καὶ ἀναγκαιοτάτων ὑπάρξει σοι στερέσθαι σωμάτων, μητρὸσ ἀθλίασ, ᾗ γενέσεωσ καὶ τροφῆσ καὶ τῶν ἄλλων ὧν ἔσχεν ἐπὶ σοὶ πόνων οὐ καλὰσ ἀμοιβὰσ ἀποδίδωσ· ἔπειτα γαμετῆσ σώφρονοσ, ἣ διὰ τὸν σὸν πόθον ἐν ἐρημίᾳ καὶ χηρείᾳ κάθηται πᾶσαν ἡμέραν καὶ νύκτα τὰσ σὰσ φυγὰσ ὀδυρομένη· πρὸσ δὲ τούτοισ τέκνων δυεῖν, οὓσ ἐχρῆν ἀγαθῶν προγόνων ὄντασ ἀπογόνουσ καρποῦσθαι τὰσ ἐκείνων τιμὰσ εὐδοξοῦντασ ἐν εὐτυχούσῃ τῇ πατρίδι.

ὧν ἁπάντων οἰκτρὰσ καὶ ἀτυχεῖσ ἀναγκασθήσῃ θεωρεῖν καταστροφάσ, εἰ τολμήσεισ προσάγειν τοῖσ τείχεσι τὸν πόλεμον·

οὐ γὰρ δὴ φείσονται τῶν σῶν οὐθενὸσ οἱ περὶ τῶν σφετέρων κινδυνεύοντεσ καὶ εἰσ τὰ ὅμοια κακῶσ ὑπὸ σοῦ πάσχοντεσ, ἀλλ’ εἰσ αἰκισμοὺσ αὐτῶν δεινοὺσ καὶ ὕβρεισ ἀνηλεεῖσ καὶ πᾶσαν ἄλλην ἰδέαν προπηλακισμοῦ χωρήσουσιν ὑπὸ τῶν συμφορῶν βιαζόμενοι· καὶ τούτων οὐχ οἱ δρῶντεσ, ἀλλ’ ὁ τὴν ἀνάγκην αὐτοῖσ ἐπιτιθεὶσ αἴτιοσ ἔσῃ· ἡδονὰσ μὲν δὴ τοιαύτασ καρπώσῃ κατὰ γνώμην χωρήσαντόσ σοι τοῦδε τοῦ ἔργου, ἔπαινον δὲ καὶ ζῆλον καὶ τιμάσ, ὧν ὀρέγεσθαι χρὴ τοὺσ ἀγαθοὺσ ἄνδρασ, σκόπει ποίασ τινάσ·

μητροκτόνοσ κεκλήσῃ καὶ παιδοφόνοσ καὶ γυναικὸσ ἀλιτήριοσ καὶ πατρίδοσ ἀλάστωρ, καὶ οὔτε θυσιῶν οὔτε σπονδῶν οὔθ’ ἑστίασ, ὅποι ποτ’ ἂν ἀφίκῃ, κοινωνεῖν ἐθελήσει σοι τῶν εὐσεβῶν καὶ δικαίων οὐθείσ, αὐτοῖσ τ’ οὐκ ἔσῃ τίμιοσ, οἷσ εὔνοιαν ἐνδεικνύμενοσ ταῦτα δρᾷσ, ἀλλὰ καρπωσάμενοί τινα ἕκαστοσ τούτων ἐκ τῶν σῶν ἀσεβημάτων ὠφέλειαν μισήσουσι τὴν αὐθάδειαν τοῦ τρόπου.

ἐῶ γὰρ λέγειν, ὅτι χωρὶσ τοῦ μίσουσ, ὃ παρὰ τῶν ἐπιεικεστάτων ἕξεισ, καὶ φθόνοσ ἀπαντήσεται πολὺσ ἐκ τῶν ἴσων καὶ φόβοσ ἐκ τῶν ἡσσόνων καὶ δι’ ἄμφω ταῦτ’ ἐπιβουλαὶ καὶ ἄλλα πολλὰ καὶ χαλεπά, ὅσα εἰκὸσ συμπεσεῖν ἀνδρὶ ἐρήμῳ φίλων καὶ ἐν ξένῃ ὄντι γῇ.

τὰσ γὰρ δὴ παρὰ θεῶν τε καὶ δαιμόνων ἐπιπεμπομένασ τοῖσ ἀνόσια καὶ δεινὰ διαπραξαμένοισ ἐρινύασ ἐῶ, ὑφ’ ὧν αἰκιζόμενοι ψυχάσ τε καὶ σώματα κακοὺσ μὲν διαντλοῦσι βίουσ, οἰκτρὰσ δ’ ὑπομένουσι τελευτάσ. ταῦτ’ ἐνθυμηθείσ, ὦ Μάρκιε, μετάγνωθι καὶ παῦσαι μνησικακῶν τῇ σεαυτοῦ πατρίδι· τύχην τε πάντων αἰτίαν ἡγησάμενοσ ὧν πέπονθασ πρὸσ ἡμῶν ἢ δέδρακασ ἡμᾶσ κακῶν, ἄπιθι χαίρων ἐπὶ τὰ οἰκεῖα, καὶ κόμισαι μητρόσ τε περιβολὰσ προσηνεστάτασ καὶ γυναικὸσ φιλοφροσύνασ ἡδίστασ καὶ τέκνων ἀσπασμοὺσ γλυκυτάτουσ, καὶ σεαυτὸν ἀπόδοσ ὀφείλημα κάλλιστον τῇ γειναμένῃ σε καὶ τηλικοῦτον ἄνδρα παιδευσαμένῃ πατρίδι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 28

(디오니시오스, Antiquitates Romanae, Books VII-IX, book 8, chapter 28)

상위

목록

SEARCH

MENU NAVIGATION