헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 48)

παυσαμένου δ’ αὐτοῦ μικρὸν ἡ Οὐετουρία ἐπισχοῦσα χρόνον, ἑώσ ὁ τῶν περιεστηκότων ἔπαινοσ ἐπαύσατο πολύσ τε καὶ μέχρι πολλοῦ γενόμενοσ, λέγει πρὸσ αὐτόν· ἀλλ’ ἔγωγέ σε, ὦ Μάρκιε τέκνον, οὔτε προδότην Οὐολούσκων γενέσθαι ἀξιῶ, οἵ σε φεύγοντα ὑποδεξάμενοι τοῖσ τ’ ἄλλοισ ἐτίμησαν καὶ τὴν ἑαυτῶν ἡγεμονίαν ἐπίστευσαν, οὔτε παρὰ τὰσ ὁμολογίασ καὶ τοὺσ ὁρ́κουσ, οὓσ ἔδωκασ αὐτοῖσ, ὅτε τὰσ δυνάμεισ παρελάμβανεσ, ἄνευ κοινῆσ γνώμησ ἰδίᾳ καταλύσασθαι τὴν ἔχθραν βούλομαι· ὥστε τὸν ἀγαπητὸν καὶ μόνον υἱὸν εἰσ αἰσχρὰσ καὶ ἀνοσίουσ πράξεισ παρακαλεῖν.

ἀλλὰ μετὰ κοινῆσ γνώμησ ἀποστῆναί σε ἀξιῶ τοῦ πολέμου, πείσαντα τοὺσ Οὐολούσκουσ μετριάσαι περὶ τὰσ διαλλαγὰσ καὶ ποιήσασθαι τὴν εἰρήνην ἀμφοτέροισ τοῖσ ἔθνεσι καλὴν καὶ πρέπουσαν. τοῦτο δὲ γένοιτ’ ἄν, εἰ νῦν μὲν ἀναστήσασ τὴν στρατιὰν ἀπαγάγοισ ἐνιαυσίουσ ποιησάμενοσ ἀνοχάσ, ἐν δὲ τῷ μεταξὺ χρόνῳ πρέσβεισ ἀποστέλλων τε καὶ δεχόμενοσ ἀληθῆ φιλίαν πράττοισ καὶ διαλλαγὰσ βεβαίασ.

καὶ εὖ ἴσθι·

Ῥωμαῖοι μέν, ὅσα μήτε τὸ ἀδύνατον μήτ’ ἄλλη τισ ἀδοξία προσπεσοῦσα κωλύσει, πάντα ὑπομενοῦσι πράττειν λόγῳ καὶ παρακλήσει πειθόμενοι, ἀναγκαζόμενοι δ’ , ὥσπερ σὺ νῦν ἀξιοῖσ, οὐθὲν ἂν πώποτε χαρίσαιντο ὑμῖν οὔτε μεῖζον οὔτ’ ἔλαττον, ὡσ ἐξ ἄλλων τε πολλῶν πάρεστί σοι καταμαθεῖν καὶ τὰ τελευταῖα ἐξ ὧν Λατίνοισ συνεχώρησαν ἀποστᾶσιν ἀπὸ τῶν ὅπλων· Οὐολοῦσκοι δὲ πολὺ τὸ αὔθαδεσ ἔχουσιν, ὃ συμβαίνει τοῖσ μεγάλα εὐτυχήσασιν. ἐὰν δὲ διδάσκῃσ αὐτούσ, ὅτι πᾶσα μὲν εἰρήνη παντόσ ἐστι πολέμου κρείττων, σύμβασισ δὲ φίλων κατὰ τὸν ἑκούσιον γινομένη τρόπον τῶν ὑπ’ ἀνάγκησ συγχωρηθέντων βεβαιοτέρα, καὶ ὅτι σωφρόνων ἐστὶν ἀνθρώπων, ὅταν μὲν εὖ πράττειν δοκῶσι, ταμιεύεσθαι τὰσ τύχασ, ὅταν δ’ εἰσ ταπεινὰσ καὶ φαύλασ ἔλθωσι, μηθὲν ὑπομένειν ἀγεννέσ·

καὶ τἆλλα, ὅσα εἰσ ἡμερότητα καὶ ἐπιείκειαν ἐπαγωγὰ παιδεύματα εὑρ́ηται λόγων, οὕσ ὑμεῖσ οἱ τὰ πολιτικὰ πράττοντεσ μάλιστ’ ἐπίστασθε, ἴστε ὅτι τοῦ τε αὐχήματοσ, ἐφ’ οὗ νῦν εἰσιν, ἑκόντεσ ὑποβήσονται καὶ ποιήσουσιν ἐξουσίαν σοι τοῦ πράττειν, ὅ τι ἂν αὐτοῖσ ὑπολαμβάνῃσ συνοίσειν. ἐὰν δ’ ἀντιπράττωσί σοι καὶ τοὺσ λόγουσ μὴ προσδέχωνται ταῖσ διὰ σὲ καὶ διὰ τὴν ἡγεμονίαν τὴν σὴν γενομέναισ περὶ αὐτοὺσ τύχαισ ὡσ ἀεὶ διαμενούσαισ ἐπαιρόμενοι, τῆσ στρατηγίασ αὐτοῖσ ἀφίστασο φανερῶσ, καὶ μήτε προδότησ γίνου τῶν πεπιστευκότων μήτε πολέμιοσ τῶν ἀναγκαιοτάτων·

ἀσεβὲσ γὰρ ἑκάτερον.

ταῦτα ἥκω δεομένη σου γενέσθαι μοι παρὰ σοῦ, Μάρκιε τέκνον, οὔτ’ ἀδύναθ’, ὡσ σὺ φῄσ, πάσησ τ’ ἀδίκου καὶ ἀνοσίου συνειδήσεωσ καθαρά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 48

(디오니시오스, Antiquitates Romanae, Books VII-IX, book 8, chapter 48)

상위

목록

SEARCH

MENU NAVIGATION