Dionysius of Halicarnassus, Antiquitates Romanae, Books VII-IX, book 8, chapter 67

(디오니시오스, Antiquitates Romanae, Books VII-IX, book 8, chapter 67)

ὁ δ’ ἕτεροσ τῶν ὑπάτων Τῖτοσ Σίκκιοσ, ὁ πεμφθεὶσ ἐπὶ Οὐολούσκουσ, ὅσον ἦν κράτιστον τῆσ δυνάμεωσ μέροσ ἀναλαβὼν εἰσ τὴν Οὐελιτρανῶν χώραν εἰσέβαλεν. ἐνταῦθα γὰρ ἦν Τύλλοσ Ἄττιοσ ὁ τῶν Οὐολούσκων ἡγεμὼν τὴν ἀκμαιοτάτην συσκευασάμενοσ στρατιάν, γνώμην ἔχων τὰ συμμαχικὰ Ῥωμαίων κακῶσαι πρῶτον, ὥσπερ ὁ Μάρκιοσ ἔδρασεν, ὅτ’ ἤρχετο τοῦ πολέμου, δόξασ ἐν τῷ αὐτῷ φόβῳ Ῥωμαίουσ ἔτι διαμένειν καὶ μηδεμίαν τοῖσ ὑπὲρ αὐτῶν κινδυνεύουσι πέμψειν ἐπικουρίαν.

ὡσ δ’ ὤφθησάν τε καὶ εἶδον ἀλλήλασ αἱ δυνάμεισ, οὐδὲν ἔτι ἀναβαλόμεναι συνῄεσαν εἰσ ταὐτόν. ἦν δ’ ὁ χῶροσ ὁ μεταξὺ τῶν στρατοπέδων, ἐν ᾧ τὴν μάχην ἔδει γενέσθαι, λόφοσ πετρώδησ πολλαχῇ περικατεαγώσ, ἔνθα οὐδετέροισ ἡ ἵπποσ ἔμελλεν ἔσεσθαι χρησίμη.

ἀγῶνι μηδὲν προσωφελήσουσιν, ἐδέοντο τοῦ ὑπάτου προσελθόντεσ ἀθρόοι, ἐᾶσαι σφᾶσ καταβάντασ ἀπὸ τῶν ἵππων μάχεσθαι πεζούσ, εἰ τοῦτ’ αὐτῷ δοκεῖ κράτιστον εἶναι.

κἀκεῖνοσ πολλὰ ἐπαινέσασ αὐτοὺσ καταβιβάζει τ’ ἀπὸ τῶν ἵππων, καὶ σὺν ἑαυτῷ τεταγμένουσ εἶχεν ἐπισκόπουσ τε καὶ ἐπανορθωτὰσ τοῦ κάμνοντοσ ἐσομένουσ·

καὶ ἐγένοντο τῆσ τότε νίκησ λαμπρᾶσ σφόδρα γενομένησ οὗτοι Ῥωμαίοισ αἴτιοι. τὸ μὲν γὰρ πεζὸν ἀμφοτέρων πλήθει τ’ ἀνθρώπων ὡσ μάλιστα ἦν καὶ ὁπλισμοῖσ ὁμοιότροπον, τάξεώσ τε κόσμῳ καὶ μάχησ ἐμπειρίᾳ κατά τ’ ἐπαγωγὰσ καὶ ὑποχωρήσεισ πληγάσ τ’ αὖ καὶ φυλακὰσ παραπλήσιον. μετέμαθον γὰρ οἱ Οὐολοῦσκοι πάντα τὰ πολέμια, ἐξ οὗ Μάρκιον ἔσχον ἡγεμόνα, καὶ εἰσ τὰ Ῥωμαίων προσεχώρησαν ἔθη.

διέμενον οὖν ἐπὶ πλεῖστον χρόνον τῆσ ἡμέρασ ἀγχωμάλωσ αἱ φάλαγγεσ ἀγωνιζόμεναι, καὶ ἡ τοῦ χωρίου φύσισ ἀνώμαλοσ οὖσα ἑκατέροισ πολλὰ εἰσ τὸ πλεονεκτεῖν κατ’ ἀλλήλων παρείχετο. διχῇ νείμαντεσ ἑαυτούσ, οἱ μὲν κατὰ τὰ πλάγια τῶν πολεμίων ἀπὸ τοῦ δεξιοῦ κέρωσ ἐμβάλλουσιν, οἱ δὲ περιελθόντεσ διὰ τοῦ λόφου τοῖσ κατόπιν ἐπιρράττουσιν.

ἔπειθ’ οἱ μὲν εἰσακοντίζοντεσ τὰσ λόγχασ, οἱ δὲ τοὺσ ὁμόσε χωροῦντασ τοῖσ ἱππικοῖσ ξίφεσι μακροτέροισ οὖσι κατὰ βραχιόνων παίοντεσ καὶ παρὰ τὰσ ἀγκύλασ καταφέροντεσ, πολλῶν μὲν τὰσ χεῖρασ αὐτοῖσ σκεπάσμασί τε καὶ ἀμυντηρίοισ ἀπέκοπτον, πολλοὺσ δὲ γονάτων τε καὶ ἀστραγάλων πληγαῖσ βαθείαισ ἀπὸ κρατίστησ βάσεωσ ἐρρίπτουν ἡμιθανεῖσ.

περιειστήκει τε πάντοθεν τοῖσ Οὐολούσκοισ τὸ δεινόν·

ἐκ μὲν γὰρ τῶν κατὰ πρόσωπον οἱ πεζοὶ αὐτοῖσ ἐνέκειντο, ἐκ δὲ τῶν πλαγίων τε καὶ τῶν κατόπιν οἱ ἱππεῖσ, ὥστε ὑπὲρ δύναμιν ἀγαθοὶ γενόμενοι καὶ πολλὰ ἔργα τόλμησ τε καὶ ἐμπειρίασ ἀποδειξάμενοι, μικροῦ δεῖν πάντεσ οἱ τὸ δεξιὸν κέρασ ἔχοντεσ κατεκόπησαν. οἱ δ’ ἐν μέσῃ τε τῇ φάλαγγι τεταγμένοι καὶ ἐπὶ τοῦ ἑτέρου κέρωσ ἐπειδὴ τὸ δεξιόν τε παρερρηγμένον εἶδον καὶ τὸν αὐτὸν τρόπον ἐπιόντασ σφίσι τοὺσ τῶν Ῥωμαίων ἱππεῖσ, ἐξελίξαντεσ τοὺσ λόχουσ βάδην ἀπεχώρουν ἐπὶ τὸν χάρακα, καὶ οἱ τῶν Ῥωμαίων ἱππεῖσ ἐν τάξει ἠκολούθουν.

ἐπεὶ δὲ πρὸσ τῷ ἐρύματι ἦσαν, ἑτέρα γίνεται μάχη τῶν ἱππέων ἐπιβαινόντων τοῖσ περισταυρώμασι κατὰ πολλὰ μέρη τοῦ χάρακοσ ὀξεῖα καὶ παλίντροποσ.

πονουμένων δὲ τῶν Ῥωμαίων ὁ ὕπατοσ κελεύσασ τοῖσ πεζοῖσ ὕλην προσενέγκαντασ ἀποχῶσαι τὰσ τάφρουσ, πρῶτοσ ἐχώρει κατὰ τὸ ἐπίβατον ἔχων τοὺσ ἀρίστουσ τῶν ἱππέων ἐπὶ τὰσ ἐχυρωτάτασ τοῦ χάρακοσ πύλασ· ἀναστείλασ δὲ τοὺσ πρὸ αὐτῶν μαχομένουσ καὶ τοὺσ καταρράκτασ τῶν πυλῶν διακόψασ ἐντὸσ ἐγεγόνει τῶν ἐρυμάτων, καὶ τοὺσ ἐπιόντασ τῶν σφετέρων πεζῶν ἐδέχετο. Τύλλοσ δ’ Ἄττιοσ ἔχων τοὺσ ἐρρωμενεστάτουσ καὶ εὐτολμοτάτουσ Οὐολούσκων ὁμόσε αὐτῷ χωρεῖ καὶ πολλὰ ἔργα γενναῖα ἀποδειξάμενοσ·

ἦν γὰρ ἀγωνιστὴσ μὲν πολέμων σφόδρ’ ἄλκιμοσ, στρατηγῆσαι δ’ οὐχ ἱκανόσ·

ὑπὸ κόπου τε καὶ πλήθουσ τραυμάτων καταπονηθεὶσ ἀποθνήσκει. τῶν δ’ ἄλλων Οὐολούσκων, ἐπειδὴ ὁ χάραξ ἡλίσκετο, οἱ μὲν ἀγωνιζόμενοι κατεκόπησαν, οἱ δὲ τὰ ὅπλα ῥίψαντεσ πρὸσ ἱκεσίασ τῶν κεκρατηκότων ἐτράποντο, ὀλίγοι δέ τινεσ ἐπὶ τὰ οἰκεῖα φεύγοντεσ ἀπεσώθησαν. ἀφικομένων δ’ εἰσ τὴν Ῥώμην ἀγγέλων, οὓσ ἀπέστειλαν οἱ ὕπατοι, μεγίστη χαρὰ τὸν δῆμον κατέσχε, καὶ αὐτίκα τοῖσ μὲν θεοῖσ χαριστηρίουσ ἐψηφίσαντο θυσίασ, τοῖσ δ’ ὑπάτοισ τὴν τῶν θριάμβων τιμὴν προσέθεσαν.

οὐ μέντοι τὴν αὐτήν γ’ ἀμφοτέροισ· ἀλλὰ Σικκίῳ μέν, ἐπειδὴ φόβου μείζονοσ ἠλευθερωκέναι ἐδόκει τὴν πόλιν τὸν Οὐολούσκων ὑβριστὴν καθελὼν στρατὸν καὶ τὸν ἡγεμόνα αὐτῶν ἀποκτείνασ τὴν μείζονα πομπὴν ἐψηφίσαντο· καὶ εἰσήλασεν ὁ ἀνὴρ ἄγων τὰ λάφυρα καὶ τοὺσ αἰχμαλώτουσ καὶ τὴν συναγωνισαμένην δύναμιν ἁρ́ματι παρεμβεβηκὼσ χρυσοχαλίνων ἵππων τὴν βασιλικὴν ἠμφιεσμένοσ ἐσθῆτα, ὡσ περὶ τοὺσ μείζονασ θριάμβουσ νόμοσ. Ἀκυλλίῳ δὲ τὸν ἐλάττονα θρίαμβον ἀπέδοσαν, ὃν αὐτοὶ καλοῦσιν οὐαστήν· δεδήλωται δέ μοι διὰ τῶν προτέρων, ἣν ἔχει διαφορὰν οὗτοσ πρὸσ τὸν μείζονα·

καὶ εἰσῆλθεν ὁ ἀνὴρ πεζὸσ τὰ λοιπὰ τῆσ πομπῆσ ἐπαγόμενοσ.

καὶ τὸ ἔτοσ τοῦτο ἐτελεύτα.

일치하는 문장이 없습니다.

SEARCH

MENU NAVIGATION