헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 8, chapter 70)

ταῦτα διανοηθεὶσ τῇ μετὰ τὸν θρίαμβον ἡμέρᾳ συνεκάλεσε τὸ πλῆθοσ εἰσ ἐκκλησίαν· καὶ παρελθὼν ἐπὶ τὸ βῆμα, ὡσ ἔθοσ ἐστὶ ποιεῖν τοῖσ τεθριαμβευκόσι, πρῶτον μὲν ἀπέδωκε τὸν ὑπὲρ τῶν πραχθέντων αὐτῷ λόγον, οὗ κεφάλαια ἦν ταῦτα· ὅτι τῆσ μὲν πρώτησ ὑπατείασ τυχὼν τὸ Σαβίνων ἔθνοσ ἀντιποιούμενον τῆσ ἡγεμονίασ μάχῃ νικήσασ ὑπήκοον ἠνάγκασε Ῥωμαίοισ γενέσθαι·

ἀποδειχθεὶσ δὲ τὸ δεύτερον ὕπατοσ τὴν ἐμφύλιον ἔπαυσε τῆσ πόλεωσ στάσιν καὶ κατήγαγε τὸν δῆμον εἰσ τὴν πατρίδα, Λατίνουσ δὲ συγγενεῖσ μὲν ὄντασ τῆσ Ῥωμαίων πόλεωσ, ἀεὶ δὲ τῆσ ἡγεμονίασ καὶ τῆσ δόξησ αὐτῇ φθονοῦντασ, εἰσ φιλότητα συνήγαγε τῆσ ἰσοπολιτείασ μεταδούσ, ὥστε μηκέτι ἀντίπαλον, ἀλλὰ πατρίδα τὴν Ῥώμην νομίζειν.

τρίτον δὲ καταστὰσ ἐπὶ τὴν αὐτὴν ἀρχὴν Οὐολούσκουσ τ’ ἠνάγκασε φίλουσ ἀντὶ πολεμίων γενέσθαι καὶ τὸ Ἑρνίκων ἔθνοσ μέγα τε καὶ ἄλκιμον καὶ πλησίον σφῶν κείμενον βλάπτειν τε καὶ ὠφελεῖν τὰ μέγιστα ἱκανώτατον ἑκούσιον ὑπηγάγετο.

ταῦτά τε δὴ καὶ τὰ ὅμοια τούτοισ διεξελθὼν ἠξίου τὸν δῆμον ἑαυτῷ προσέχειν τὸν νοῦν, ὡσ παρὰ πάντασ τοὺσ ἄλλουσ πρόνοιαν ἔχοντι τοῦ κοινοῦ καὶ εἰσ τὸν λοιπὸν ἕξοντι χρόνον.

τελευτῶν δὲ τοῦ λόγου τοσαῦτ’ ἔφη καὶ τηλικαῦτ’ ἀγαθὰ ποιήσειν τὸν δῆμον, ὥστε πάντασ ὑπερβαλέσθαι τοὺσ ἐπαινουμένουσ ἐπὶ τῷ φιλεῖν καὶ σώζειν τὸ δημοτικόν· καὶ ταῦτ’ ἔφη ποιήσειν οὐκ εἰσ μακράν.

διαλύσασ δὲ τὴν ἐκκλησίαν καὶ χρόνον οὐδὲ ἀκαριαῖον διαλιπὼν τῇ κατόπιν ἡμέρᾳ συνεκάλει τὴν βουλὴν εἰσ τὸ συνέδριον ὀρθὴν καὶ περίφοβον οὖσαν ἐπὶ τοῖσ ῥηθεῖσιν ὑπ’ αὐτοῦ λόγοισ·

καὶ πρὶν ἑτέρου τινὸσ ἄρξασθαι λόγου τὴν ἀπόρρητον ἐν τῷ δήμῳ φυλαχθεῖσαν γνώμην εἰσ μέσον ἔφερεν, ἀξιῶν τοὺσ βουλευτάσ, ἐπειδὴ πολλὰ ὁ δῆμοσ τῇ πόλει χρήσιμοσ γέγονε τὰ μὲν εἰσ τὴν ἐλευθερίαν, τὰ δ’ εἰσ τὸ ἑτέρων ἄρχειν συλλαβόμενοσ, πρόνοιαν αὐτοῦ ποιήσασθαι, τήν τε χώραν αὐτῷ νείμαντασ, ὅση πολέμῳ κρατηθεῖσα λόγῳ μὲν ἦν δημοσία, ἔργῳ δὲ τῶν ἀναιδεστάτων τε καὶ σὺν οὐδενὶ δικαίῳ κατεσχηκότων πατρικίων, καὶ τῆσ ὑπὸ Γέλωνοσ τοῦ Σικελίασ τυράννου πεμφθείσησ σφίσι δωρεᾶσ σιτικῆσ, ἣν προῖκα δέον ἅπαντασ διανείμασθαι τοὺσ πολίτασ ὠνητὴν ἐλάμβανον οἱ πένητεσ, ἀποδοθῆναι τὰσ τιμὰσ τοῖσ ὠνησαμένοισ ἐξ ὧν εἶχε τὸ κοινὸν χρημάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 70

(디오니시오스, Antiquitates Romanae, Books VII-IX, book 8, chapter 70)

상위

목록

SEARCH

MENU NAVIGATION