헬라어 텍스트

Dionysius of Halicarnassus, Antiquitates Romanae, Books VII-IX, book 8, chapter 20

(디오니시오스, Antiquitates Romanae, Books VII-IX, book 8, chapter 20)

ἀπὸ δὲ ταύτησ ἀναστήσασ τῆσ πόλεωσ ἤλαυνε τὸν στρατὸν ἐπὶ Βοίλλασ, ἐπιφανῆ τότε οὖσαν καὶ ἐν ὀλίγαισ πάνυ ταῖσ ἡγουμέναισ τοῦ Λατίνων γένουσ πόλεσιν ἐξεταζομένην. οὐ προσδεξαμένων δ’ αὐτὸν τῶν ἔνδον, ἀλλὰ τῷ τ’ ἐρύματι πιστευόντων ἐχυρῷ γε σφόδρα ὄντι καὶ τῷ πλήθει τῶν ἀπ’ αὐτοῦ μαχησομένων παρακαλέσασ τὴν δύναμιν ἀγωνίζεσθαι προθύμωσ καὶ τοῖσ πρώτοισ ἐπιβᾶσι τοῦ τείχουσ μεγάλασ δωρεὰσ ὑποσχόμενοσ ἔργου εἴχετο·

καὶ γίνεται μάχη περὶ τῇ πόλει ταύτῃ καρτερά. οὐ γὰρ μόνον ἀπὸ τοῦ τείχουσ ἠμύνοντο τοὺσ προσιόντασ οἱ Βοιλλανοί, ἀλλὰ καὶ τὰσ πύλασ ἀνοίξαντεσ ἐξέθεον ἀθρόοι καὶ κατὰ τοῦ πρανοῦσ ἐώθουν βίᾳ τοὺσ ὑφισταμένουσ·

φόνοσ τε πλεῖστοσ αὐτόθι τῶν Οὐολούσκων ἐγένετο καὶ χρόνοσ τῆσ τειχομαχίασ πολὺσ τοῦ τε κρατήσειν τῆσ πόλεωσ ἄποροσ ἅπασιν ἡ ἐλπίσ.

ἀλλὰ τῶν ἀπολλυμένων ἄδηλον ἐποίει τὴν ἀπουσίαν ὁ στρατηγὸσ ἀντικαθιστὰσ ἑτέρουσ, τῶν δὲ καμνόντων παρεθάρρυνε τὴν ἀθυμίαν ἐπὶ τὸ πονοῦν μέροσ τῆσ στρατιᾶσ αὐτὸσ ὠθούμενοσ. ἦν δ’ οὐχ ὁ λόγοσ αὐτοῦ μόνον ἐπαγωγὸσ εἰσ τὸ εὔψυχον, ἀλλὰ καὶ τὰ ἔργα. πάντα γὰρ ὑφίστατο κίνδυνον καὶ οὐδεμιᾶσ πείρασ ἀπελείφθη, τέωσ ἑάλω τὸ τεῖχοσ. κρατήσασ δὲ καὶ ταύτησ σὺν χρόνῳ τῆσ πόλεωσ καὶ τῶν ἁλόντων τοὺσ μὲν ἐν χειρῶν νόμῳ διαφθείρασ, τοὺσ δ’ αἰχμαλώτουσ λαβὼν ἀπῆγε τὴν δύναμιν ἐπιφανεστάτην νίκην ἐξενεγκάμενοσ καὶ λάφυρα κάλλιστα καὶ πλεῖστα ἄγων, χρήμασί τε παμπόλλοισ, ὧν ἐγκρατὴσ ἐγένετο·

ἦν δ’ αὐτόθι ὅσα ἐν οὐδενὶ τῶν ἁλόντων χωρίων· πλουτίσασ τὴν στρατιάν.