Dionysius of Halicarnassus, Antiquitates Romanae, Books VII-IX, book 8, chapter 34

(디오니시오스, Antiquitates Romanae, Books VII-IX, book 8, chapter 34)

ὅταν δὲ φίλουσ ἔτι καλῇσ, ὦ Μηνύκιε, τοὺσ ἐξελάσαντάσ με καὶ πατρίδα τὴν ἀπαρνησαμένην, φύσεώσ τε νόμουσ ἀνακαλῇ καὶ περὶ τῶν ὁσίων διαλέγῃ, φαίνῃ μοι τὰ κοινότατα καὶ ὑπὸ μηδενὸσ ἀγνοούμενα μόνοσ ἀγνοεῖν· τὸν νόμον, οὐδὲ ἀνελούντων ποτὲ αὐτόν, ἐὰν τἀναντία αὐτοῖσ δοκῇ, ἀλλ’ ὑπὸ τῆσ κοινῆσ φύσεωσ ἐξ ἅπαντοσ τοῦ χρόνου πᾶσι τοῖσ αἰσθήσεωσ μετειληφόσι κείμενον καὶ εἰσ ἀεὶ διαμενοῦντα παραλαβόντεσ·

καὶ διὰ τοῦτο φίλουσ τ’ ἀπαρνούμεθα, ὅταν ἀδικήσωσι, καὶ ἐχθροὺσ φίλουσ ποιούμεθα, ὅταν τισ ἡμῖν παρ’ αὐτῶν ὑπάρξῃ χάρισ, πόλιν τε τὴν γειναμένην ἡμᾶσ, ὅταν μὲν ὠφελῇ, στέργομεν, ὅταν δὲ βλάπτῃ, καταλείπομεν, οὐ διὰ τὸν τόπον ἀγαπῶντεσ αὐτήν, ἀλλὰ διὰ τὸ συμφέρον.

καὶ οὐχὶ τοῖσ μὲν ἰδιώταισ οὕτωσ ἐπέρχεται καθ’ ἕνα φρονεῖν, οὐχὶ δὲ καὶ πόλεσιν ὅλαισ καὶ ἔθνεσιν, ὥστε ὁ ταύτῃ τῇ γνώμῃ χρώμενοσ οὐδὲν ἔξω τῶν θείων ἀξιοῖ νομίμων, οὐδὲ παρὰ τὴν κοινὴν ἁπάντων ἀνθρώπων ποιεῖ δικαίωσιν.

ἐγὼ μὲν δὴ ταῦτα πράττοντα ἐμαυτὸν τά τε δίκαια ἡγοῦμαι πράττειν καὶ τὰ συμφέροντα καὶ τὰ καλὰ καὶ ἅμα ταῦτα καὶ τὰ πρὸσ τοὺσ θεοὺσ ὁσιώτατα·

καὶ οὐ δέομαι δικαστὰσ ὑπὲρ αὐτῶν λαβεῖν τοὺσ εἰκασμῷ καὶ δόξῃ τεκμαιρομένουσ τὴν ἀλήθειαν ἀνθρώπουσ, ἐπειδὴ θεοῖσ ἀρέσκοντα πράττω. οὐ γὰρ ἀδυνάτοισ ἐπιχειρεῖν ὑπολαμβάνω πράγμασι θεοὺσ ἔχων αὐτῶν ἡγεμόνασ, εἴγε δεῖ τεκμαίρεσθαι τοῖσ γεγονόσιν ἤδη τὰ μέλλοντα.

일치하는 문장이 없습니다.

SEARCH

MENU NAVIGATION